Oblíbené biblické verše z ꠁꠘ꠆ꠎꠤꠟ ৩: ꠟꠥꠇ 13

Sdílet

“ꠌꠤꠙꠣ ꠖꠥꠀꠞꠦꠖꠤ ꠢꠣꠝꠣꠘꠤꠞ ꠟꠣꠉꠤ ꠖꠤꠟꠦ-ꠎꠣꠘꠦ ꠚꠤꠇꠤꠞ ꠇꠞꠅ। ꠢꠥꠘꠅ, ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠛꠃꠔ ꠎꠘ ꠁꠘꠅ ꠢꠣꠝꠣꠁꠔꠦ ꠌꠣꠁꠟꠦꠅ, ꠢꠣꠝꠣꠁꠔ ꠙꠣꠞꠔ ꠘꠣꠄ।

ꠢꠘꠅ ꠄꠇ ꠛꠦꠐꠤ ꠝꠣꠘꠥꠡ ꠀꠍꠤꠟ, ꠁ ꠛꠦꠐꠤꠞ ꠃꠙꠞꠦ ꠀꠑꠣꠞ ꠛꠍꠞ ꠗꠞꠤ ꠀꠔꠡꠤ-ꠖꠦꠅꠄ ꠀꠍꠞ ꠇꠞꠍꠤꠟ। ꠖꠦꠅꠄ ꠛꠦꠐꠤꠞꠦ ꠉꠥꠎꠣ ꠛꠣꠘꠣꠁꠟꠤꠍꠤꠟ, ꠛꠦꠐꠤ ꠡꠤꠗꠣ ꠅꠁꠀ ꠃꠛꠣꠁꠔ ꠙꠣꠞꠔ ꠘꠣ। ꠁꠍꠣꠄ ꠛꠦꠐꠤꠞꠦ ꠒꠣꠇꠖꠤ ꠇꠣꠘ꠆ꠖꠣꠔ ꠀꠘꠤꠀ ꠇꠁꠟꠣ, “ꠝꠣꠁ ꠉ, ꠔꠥꠝꠤ ꠅꠈꠘ ꠁ ꠛꠦꠝꠣꠞ ꠕꠣꠇꠤ ꠞꠦꠢꠣꠁ ꠙꠣꠁꠍ।”

ꠅꠈꠣꠘ ꠇꠁꠀꠃ ꠔꠣꠁꠘ ꠛꠦꠐꠤꠞꠦ ꠀꠔꠣꠁ ꠖꠤꠟꠣ। ꠟꠉꠦ ꠟꠉꠦꠃ ꠛꠦꠐꠤ ꠡꠤꠗꠣ ꠅꠁꠀ ꠃꠛꠣꠁꠟ, ꠀꠞ ꠀꠟ꠆ꠟꠣꠞ ꠡꠥꠇꠥꠞ-ꠉꠥꠎꠣꠞ ꠇꠞꠟ।

ꠔꠦ ꠎꠦꠞꠣ ꠅꠈꠘ ꠈꠞꠞ ꠇꠣꠔꠣꠞꠅ ꠀꠍꠦ, ꠔꠣꠞꠣ ꠇꠦꠃ ꠇꠦꠃ ꠀꠉꠦ ꠀꠁꠛ, ꠅꠁꠟꠦ ꠅꠈꠘ ꠎꠦꠞꠣ ꠀꠉꠞ ꠇꠣꠔꠣꠞꠅ ꠀꠍꠦ ꠔꠣꠞꠣ ꠇꠦꠃ ꠇꠦꠃ ꠈꠞꠦ ꠎꠣꠁꠛꠉꠤ।”

ꠊꠞꠞ ꠝꠣꠟꠤꠇꠦ ꠎꠦꠛꠟꠣ ꠖꠥꠀꠞ ꠛꠘ꠆ꠖ ꠇꠞꠤꠟꠤꠛꠣ, ꠔꠥꠝꠞꠣ ꠛꠣꠞꠦ ꠃꠛꠣꠁꠀ ꠖꠥꠀꠞꠅ ꠑꠥꠇꠣꠁꠔꠦ ꠑꠥꠇꠣꠁꠔꠦ ꠇꠁꠛꠣꠄ, ‘ꠢꠥꠎꠥꠞ, ꠀꠝꠞꠣꠞꠦ ꠖꠥꠀꠞꠈꠣꠘ ꠈꠥꠟꠤꠀ ꠖꠦꠃꠇ꠆ꠇꠣ।’ ꠅꠁꠟꠦ ꠔꠣꠁꠘ ꠎꠥꠀꠙ ꠖꠤꠛꠣ, ‘ꠔꠥꠝꠞꠣ ꠇꠥꠀꠁ ꠕꠣꠇꠤ ꠀꠁꠍ, ꠀꠝꠤ ꠔ ꠌꠤꠘꠤꠃ ꠘꠣ।’

ꠀꠝꠤ ꠔꠥꠝꠞꠣꠞꠦ ꠇꠁꠞꠣꠝ, ꠘꠣ, ꠁꠈꠣꠘ ꠑꠤꠇ ꠘꠣꠄ, ꠅꠁꠟꠦ ꠔꠥꠝꠞꠣ ꠎꠥꠖꠤ ꠉꠥꠘꠣ ꠕꠣꠇꠤ ꠔꠃꠛꠣ ꠘꠣ ꠇꠞ, ꠔꠦ ꠔꠥꠝꠞꠣꠅ ꠅꠟꠣ ꠛꠤꠘꠣꠡ ꠅꠁꠛꠣꠄ।”

ꠅꠁꠟꠦ ꠔꠣꠁꠘ ꠇꠁꠛꠣ, ‘ꠢꠣꠄꠞꠦ ꠘꠣꠚꠞꠝꠣꠘ ꠅꠇꠟ, ꠀꠝꠣꠞ ꠉꠦꠍ ꠕꠣꠇꠤ ꠜꠣꠉꠅ। ꠔꠥꠝꠞꠣ ꠇꠥꠀꠁ ꠕꠣꠇꠤ ꠀꠁꠍ, ꠀꠝꠤ ꠔ ꠌꠤꠘꠤꠃ ꠘꠣ।’

ꠛꠣꠖꠦ ꠁꠍꠣꠄ ꠇꠁꠟꠣ, “ꠀꠟ꠆ꠟꠣꠞ ꠛꠣꠖꠡꠣꠁꠞꠦ ꠀꠝꠤ ꠇꠤꠔꠣꠞ ꠟꠉꠦ ꠔꠥꠟꠘꠣ ꠇꠞꠔꠣꠝ? ꠝꠘꠅ ꠇꠞꠃꠇ꠆ꠇꠣ, ꠀꠟ꠆ꠟꠣꠞ ꠛꠣꠖꠡꠣꠁ ꠅꠁꠟꠉꠤ ꠄꠉꠥ ꠒꠦꠋꠉꠣ ꠛꠤꠌꠤꠞ ꠟꠣꠈꠣꠘ, ꠇꠥꠘꠥ ꠉꠤꠞꠡ꠆ꠔꠦ ꠔꠣꠞ ꠎꠝꠤꠘꠅ ꠘꠤꠀ ꠅꠃ ꠛꠤꠌꠤ ꠛꠣꠁꠘ ꠖꠤꠟ, ꠛꠣꠖꠦ ꠁꠐꠣ ꠛꠠ ꠅꠁꠀ ꠉꠣꠍ ꠅꠁꠉꠦꠟ, ꠀꠞ ꠙꠣꠈꠤꠘ꠆ꠔꠦ ꠀꠁꠀ ꠉꠣꠍꠞ ꠒꠣꠟꠅ ꠛꠣꠖꠣ ꠛꠣꠘꠣꠁꠟ।”