Oblíbené biblické verše z MARK 2

Sdílet

Jisu na mathu jüh tsü zaya nu luneng, “Anyi kesakinaathu khe mehai kebenthu na dawa kechüwa nsen la mehai. Hi anyi kesamithu khe ketsatanthu ciyale nghole.”

Jisu na mathu kenondi tsü mukeya wi ma kecügüshüwa wi, “Itsawa, no kesami teshi cüdha,” isakhi.

Nu Jisu na khi, “Anyi ghena Sabbath tsathang sachi khe Sabbath tsathang ghena anyi nsachi.

Isala anyitenti ghena mathu anyi tsüwa pienu Jisu wi du meyala. Tsalina mathu ajjenmili wi ki Jisu kejentan wi aku bhiya nu mathu kecügüshüwa tsü pi ma we miwi na ciwi du thsü.

Isathu, hi Anyi Tsawa na ayyi wi kesami teshi pi cüya kemehai kekhang benle kesa nthu ya chüya thsüden.” Tsalina ma anyi kecügüshüwa wi kiza, “Hi no kizaben, shagha nwekeshiphi pieya nu ajjen wi whalo!”

Anyi kecügüshüwa wi, ‘No kesami teshi pi cüdhale,’ kekhi wala ‘Shaghala nwekeshiphi pieya nu alentsen walo,’ manyi khawa le nu?

Tsümeyi mathu tsüdi tuwi na anyi tsüwa na shagha ma wekeshiphi pieya nu bvüa. Tsalina mathu tsüdi amansa ntsa nu hati khi nu Anyiza seng: “Ithu na khie wi la pala hati kesa npi mule!”