Oblíbené biblické verše z MATHI 24

Sdílet

Hatinu nkemehai na pongthu anyithu nanketizenli na kicü waben. Isala thowa na kekheneng sen wa asakhen cuya khe ma hangsha yaben.

Nu Kadiyyi cüki Jühtheü Kemehaiwa ha pi ayyi tsüdi nu anyi tsüdi tuwi chüza sala thangchi lethu ciwi ccüna asakhenwa tsüna ghoben.

Nthu na teghatsan wi aghikesa hhai nu kelensie wi aghikesa jühtheü zaben, isala nmessi lalo. Kepaghenanye hathu ha nsathu yishü, isala asakhenwa tsü npi ghole.

Mizzatenti kesü na kepawa ssinu aghi saben; kadiyyi kesü na kepawa shun ben; nu apen tsüdi wi azeng sa nu ameghükuju isa ben. Hathu ha tsüdila nza kepvügha wi atuwa kinaa ti kesa.

Atssan nu ayyi na nmilaben, isala ijühthu tsü khiela nmila sa nben.

Kepaghenanye anyi kejon na inyan wina hati khi ghoben, ‘Hi Messiya le! Isanu mathu na anyi kejonla mechu sen bvüaben.

Tsaseng wi nyu na nthu ghan pi metenmesha nu pi shü thsüaben. Anyi tsüdila ighena nthu nanmeghü ben. Tsü tsüwi anyi kejon na mathu kenondi teshia; mathu khokho kematsali nu khokho nankemeghüli isa ben. Tsaseng wi milikemesa atusenjüh-kechü kejon na shhugho anyi kejon mechuben.

Jisu khineng, “Kiden-kesha nu anyi kesütanla nthu nmechu thsü lalo.

Tsalina nthu na keshüthangla kiden-kesha nu hie nbenthu yishü, kepaghenanye Anyi Tsawa na nthu meshen nkeben amighe kekihhe kesü jüwi ghoaben.

Tsalina nthu kiden-kesha nu hie benlo, kepaghenanye nthu na nthu Pvüwa na atsathang kusi gho ten khe nchü.

“Isala anyi thola tsü tsathangwa nu matsüwa tsüna khathansha wi ghoben khe nchü. Abawa ketan khe tangnyilothu nu Atsawa lela nchü.

Kepaghenanye milikemesa Messiyathu nu milikemesa atusenjüh- kekhithu na ghoben; mathu na saya kemehai chu Anyiza na kessiya kesathu lela mechu sen bvüale kesalina zensu nu amankesathu saben.

Anyi Tsawa kegho tsathang tsüna Noah tsüwi khati sa khe tsüti saben. Tsü tsathang wi atssüdan npi sa kegho chu anyithu na dsa nu jjü, keshanyi sa, tsüti sa wa Noah na ahun wi kedu tsathang cu, isala atssüdan na ghola mathu npi kemeyanphon chu mathu na mangwa saben khe chü meyala. Tsü makesü Anyi Tsawa kegho wi la tsüti saben.