Oblíbené biblické verše z Genese 27

Sdílet

Kia oronga mai te Atua i te au no te rangi mai kia koe, e te meitaki o te enua nei, kia maata oki te sitona, e te wina: Kia kauraro mai te au iti-tangata kia koe, e kia tupou mai te pa enua kia koe; ei pu koe ki rungao i toou au taeake, e kia tatomo mai te tamariki a to metua vaine kia koe. Ko te taumaa mai ia koe ra, kia taumaa katoaia aia; e ko te akameitaki ia koe ra, kia akameitaki katoaia mai aia.

Kua tuatua maira aia, E tuatua tikaia tona ingoa ko Iakoba, kare ainei? E tu rua akenei ana pikikaa anga mai iaku: i rave oki aia i taku taoonga mataiapo: e i na, kua riro toku meitaki iaia i teianei. E kua tuatua maira aia, Kare aina koe i vaoo i tetai meitaki noku?

Kua karanga atura tona metua ko Isaaka, na ko atura kiaia, I na, ko toou nooanga, ei te meitaki o te enua nei, e te au no te rangi i runga ra. E i taau ra koke ka oraʼi koe, e ei tavini koe no toou teina; te vai atura te tuatau e riro ei te mana kia koe, e aati ei koe i tana zugo i runga i toou kaki na.

Kua tuatua maira Esau ki tona metua, Okotai ua ra oou meitaki, e taku metua? e akameitaki mai koe iaku, ko au katoa nei, e taku metua. E kua kapiki ua aturā Esau i tona reo ma te aue.