Oblíbené biblické verše z 馬可 13

Sdílet

為到𠊎个名，大家會怨恨你等；總係忍耐到底个人定著會得救。

你等愛細膩，愛警醒，因為你等毋知該時間幾時會到。

你等被人捉到，送去法院个時，毋使先愁愛講麼介話；到該時上帝指示麼介，你等就講麼介；因為你等所愛講个，毋係自家个話，係聖靈愛通過你等講个。

天㧯地會無掉，總係𠊎个話永遠毋會無掉。

「總係該愛來个日仔㧯時間，無人知；天頂个天使也毋知，孻仔也毋知，只有阿爸知。

你等聽到附近相㓾个風聲㧯遠方戰爭个消息，該時，毋使驚。這兜事定著會發生；總係這毋係講末日已經到了。

所以，你等愛警醒，因為你等毋知主人幾時會轉來，係臨暗仔抑係半夜，係天曚光抑係日頭出來以後。 若係佢忽然轉來，毋好俾佢看到你等在睡目！ 𠊎㧯你等講个話，也係㧯大家講个：你等愛警醒！」

民族會㧯民族相㓾；國家會㧯國家戰爭；逐所在會有地動㧯飢荒。這兜事个發生就像產婦生產前个陣痛一樣。

總講，福音一定愛先傳給萬民。

有盡多人會假冒𠊎个名來，講：『𠊎就係基督！』對恁樣迷惑盡多人。

「你等自家愛細膩，因為有人會捉你等，送你等上法院；你等也會在會堂肚被人鞭打。為到𠊎个緣故，你等會企在統治者㧯君王个面前受審判，來對佢等做見證。

因為假基督㧯假先知會出現；佢等會行神蹟奇事，盡佢所能來迷惑上帝所揀選个子民。

「該兜災難个日仔過掉以後，日頭會變烏，月光毋會再光， 星仔會對天頂跌下來，太空个系統也會搖動。