Oblíbené biblické verše z 馬太 6

Sdílet

你等愛先追求上帝國个實現，並遵行佢个旨意，佢就會將這一切全部賜給你等。

總講，你等毋好為到天光日來憂愁，因為天光日有天光日个憂愁；一日擔當一日个艱苦就罅了。」

「所以，𠊎㧯你等講，毋好為到生活所需要个飲食，抑係身體所愛著个衫褲來操心。生命敢無比飲食較重要？身體敢無比衫褲較要緊？

你祈禱个時，愛入自家个間肚，關等門，向暗中个天父祈禱。恁樣，你个天父，就係看得到你在暗中做事个，佢的確會獎賞你。

所以，你等愛恁樣祈禱： 𠊎等在天頂个阿爸： 願你个聖名受尊重； 願你在世間掌權； 願你个旨意實現在地上， 就像在天頂一樣。

賜𠊎等今晡日 所需要个飲食。

饒赦𠊎等个虧欠， 就像𠊎等饒赦虧欠𠊎等个人 。

毋好俾𠊎等堵到忒重个考驗； 救𠊎等脫離該邪惡者个手 。

「你等赦免別人个過犯，你等个天父也會赦免你等；

你等看天頂个鳥仔：牠兜無種，無收，也無將糧食囤在榖倉；你等在天頂个阿爸還係畜牠兜！你等敢毋係比鳥仔較貴重嗎？

「毋好為自家積存財寶在地上；因為有蟲仔來蛀，也會生鹵，又有賊仔打壞門入來偷。 愛為自家積存財寶在天頂；該位無蟲仔來蛀，毋會生鹵，也無賊仔打壞門入來偷。 因為你个財寶在㖠位，你个心也在該位。

「無人能服事兩個主人。毋係惱這個、愛該個，就係看重這個、看輕該個。你等無可能同時做上帝个僕人，又做金錢个奴才。

野生个花草今晡日生出來，天光日就燥掉，被人㧒落火爐去燒，上帝還恁樣為它兜打扮，佢敢毋會將衫褲賜給你等？你等个信心實在忒細！

你救濟人个時，右手所做个，莫給左手知， 愛在暗中行善。恁樣，你个天父，就係看得到你在暗中做事个，佢的確會獎賞你。

「你等愛細膩，毋好在別人面前展自家个虔誠，佻佻做給人看。恁樣做，你等就毋使想愛對天父該位得到麼介獎賞。

「你等禁食个時節，毋好像假好个人；佢等詐意憂愁，面裝到盡媸，佻佻俾人看出佢等當在禁食。𠊎實在㧯你等講，佢等恁樣做，已經得到佢等个報答了。 你禁食个時，愛梳頭洗面， 莫給別人看出你在禁食；在暗中个天父看到就罅了！恁樣，你个天父，就係看得到你在暗中做事个，佢的確會獎賞你。