Oblíbené biblické verše z Məco 24

Sdílet

Lwɛlɛ rɛ́ mʼa jʼâ nʼê súlí gaga, sə lyì nánzhəzhɔ̌ dwã sónó w mʼa bɔ̀. Sə lò mɔ̀bɔ́ ǹ pyɛ́nɛ́ ń zhì ǹ nà y yó kẽkẽ, ǹ mʼâ nə vwârh.

Bə̀ mʼa bwə̀l Yi pyɛ̀lɛ̀ rɛ́ yò-ècɔ̀nɔ̀ nyí rí tɛ̀bɛ́ lũ w púlə́púlə́ wə, bə byili lyì bí gakó ne. Rə̀myɛ́ kwã nɛ́, lũ w bʼa zhɛ̀.”

Bə̀ mʼa zɔ̀m jààsɛ̀ shɛ̀bɛ́ sə̀ nyɛ búlə́ yò ǹdʼába. Á mʼâ nyɛ̀ɛ̀ búlə́ dweme bwə́lbwə́ləə, sʼá bə̀kʼá dùr ywẽ yé, bə̀ kɔn wɔ́ nyɔ́ɔ́ sə rə̀myɛ́ gakó wɛ̀rhɛ́, sə è gwẽ̌ tʼâ la lũ zhɔ̌ yál yé.

Cɛmɛ bʼa zɛ̃̀ búlə́ ǹdə́ dwã; tənə̀rh bʼa zɛ̃̀ búlə́ ǹdə́ dwã; cɛ y mʼa zhízhǐ jààsɛ̀ nánzhəzhɔ̌ wa; nɔrh mʼa yə̀ nɛ́; sə rə̀myɛ́ gakó mʼa yə̀ ǹdə kɛ̃ pwǐ yin kùr-ju ta.

Dɛ̃̌ ǹdə́ cɛ mʼa lyɛ̃, sə àmyɛ́ zɔ̀mà nɛ́ tʼâ la lyɔ̃ gaga yé.

Lyì nánzhəzhɔ̌ mʼa bə̀ ǹdə́ àmyɛ́ yil lé, sə lò gakó mà n wɔ̀ bə̀ wɔ́ ńmyɛ̌ ń wɔ́ Kristə mó, sə bə̀ mʼa jə́jɛ̀rɛ́ lyì nánzhəzhɔ̌.

“Lyì bí mʼa zə ába bə pə lyì nì bə nwɛ̀nɛ̀, sə bə̀ mʼa gu ába. Tənèsé gakó lyì bí mʼa tə̀ àmyɛ́ yil bə jí zùùrì ǹdʼába. Sə rə̀myɛ́ yi ní, lyì nánjə̀jóló mʼa gə bə̀ wun, bə myìnì dwã, bə jí zùùrì ǹdə́ dwã. Lyì nánzhəzhɔ̌ mʼa fwĩ́ tɛ̃´ bə̀ nʼê jə́jɛ̀rɛ́ lyì bí bə̀ bə̀myɛ́ wɔ́ Yi nyì-zwennə, sə bə̀ mʼa jə́jɛ̀rɛ́ lyì nánjə̀jóló.

N wɔ̀ bɛ: “Dɛ̃̌na á cìnə̀, mùnì ga bə̀ bə̀kʼa jə́jɛ̀rɛ́ ába yé.

Rə̀myɛ́ yilə, ámyɛ tɛnɛna á zhì, bə̀ Numbyíní Byǐ mà n bə̀ yi rí tɛ̀bɛ́ á tʼá dɛ̃̀ mɔ̀ mɔ́.”

Rə̀myɛ́ yilə, zəna á yírhə́, bʼâ yə̀l dɛ̃ rɛ́ tɛ̀bɛ́ á Cinu mú bàn mɔ́ yé.

“Lò lò yə̀l dɛ̃ rɛ́ ráá yi rí rə̀myɛ́ yé. Arəzana màlɛ́kabá myɛ yə̀l yé; Yi Byǐ mú myɛ cìcì yə̀l yé. Wɔ́ Da mɔ́ dúdú ń yě.

Lyì mʼa fwĩ́ tɛ̃´ bə̀ nʼê jə́jɛ̀rɛ́ lyì bí, jàlà wɔ̀ bə̀ bə̀ wɔ́ Kristə mó, jàlà wɔ̀ bə̀ bə̀ wɔ́ Yi nyì-zwennə. Bə̀ mʼa wɛ̀rhɛ́ màmyaarhɛ nánfwààlɛ̀ ǹdə́ wò-jààrɛ̀, bə mʼe jə́jɛ̀rɛ́ lyì bí. Kɔn gə wɔ̌, bə̀ mʼa jə́jɛ̀rɛ́ byɛ̀bɛ́ Yi cír mó myɛ cìcì.

Kɔn dɛ̀bɛ́ rə̀ yàl nɛ́ Nəwee yi ní mú, wɔ́ rə̀myɛ́ cìcì rə̀ mʼa kʼe yə̀ nɛ́ Numbyíní Byǐ twírí y myɛ yi ní. Nɛ̃̌ mɔ́ gə́ yʼà gwẽ̌ yə̀ lũ w cɔ̀ yó, lyì bí yʼà nʼê jí, bə̀ nʼê nywɛ̀, bala nʼê jí kana, kana nʼê jí byə́nə́, bə̀ nʼê pɛ bə̀kwá byə́nə́ ne, kɔn mʼe yí dɛ̃ rɛ́ tɛ̀bɛ́ Nəwee zù bǔ-bwəl lé wẽ́ mó. Bə̀ yʼà tʼâ bùl kaka yé, kɔn mʼe yí dwà y nánfwɛ̀lɛ̀ y nyɔ̀, è nɛ̃̌ mɔ́ zə bə̀ gakó mə mʼe lyɛ̃. Wɔ́ èta Numbyíní Byǐ twírí y myɛ bʼa yə̀ nɛ́.