Oblíbené biblické verše z 1 Kɔrintian 2

Sdílet

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

Nwi də̀ nu kɔ́ tɨ́ nsiŋ fɨ taa Zwitə Nwi. Zwitə Nwi ye vənu vənshə vəley, ŋkee vənu vəkwalə faŋ mbə lùu shɔ taa ŋkɨɨ Nwi.

Zwitə ŋkɨə faŋ Nwi kwaŋ taa fwisə nsiŋ, lùu ŋkə Nwi, ŋkə kee ndɔ̀ fɨ taa mbi nyə̀ me. Lùu Zwitə Nwi kɔ́ faŋ ŋkə yɨsə laa nsiŋ kɨɨ nə vəkɔ mbɨə faŋ Nwi kɔ̀ tɨ́ nsiŋ.

Faŋ mə nə fɨ̀ꞌtə nu Nwi tɨ́ viŋ nə, mə nə kee ndɨ̀ yitɔfə wə mənsaw maa məsuŋ viŋ me. Nə gaŋtə sheꞌ Zwitə Nwi nə wutə ki gaŋtə mə maa mədə tɨ́ viŋ laa lùu nu yinsəŋ faŋ mə fɨꞌtə nə. Nɨniŋ laa kɨ viŋ nuŋ fwi siŋ maa nu Nwi buꞌ yitɔfə wə mənsaw me. Luu sheꞌ buꞌ wutə Nwi laa viŋ biŋ ŋwə.