Oblíbené biblické verše z رٛمَعٜنْ 12

Sdílet

تَا تٛکّٜ کٛ يِمْࢡٜ زَمَنُورُ ندُعُ مبَطَتَ، عَمَّا عَشّٜ اَللَّه وَيْلَ ࢡٜرْطٜ مٛنْ، حٜسْطِتِنَ حَکِّيلٛوجِ مٛنْ؞ ندٜنْ کَمْ عٛنْ عَنْدَنْ مُويٛ اَللَّه، وَاتٛ کٛ وٛوطِ عٜ کٛ ڢٛتَّنْتَ مٛ عٜ کٛ وٛنِ تِمُّطُمْ؞

دٜىٰرْطِرَاࢡٜ عَمْ، اَللَّه وَنغِنَنِ عٜنْ عٜنْطَمْ مُمْ طُوطَّمْ؞ نغَمْ مَاجُمْ مِطٛنْ تٛرٛ عٛنْ عٛنْ لِيعَنٛ مٛ کٛعٜ مٛنْ بَنَ کِرْسٜتٜىٰطِ غٜىٰتِ، شٜنِيطِ، ݠٛتَّنَنْطِمٛ؞ کَنْجُمْ وٛنِ دٜوَلْ نغَلْ حَانْدَنِ مٛ؞

شٜيٛرٜ تَمُّندٜ حَيْرُ مٛنْ، مُࢩَنٜ ࢡِلَّاجٜ، تِينٜ دٛعَاغٛ؞

تَا عَشُّ حَلّٜىٰندٜ جَالٛ مَ، عَمَّا جَالٛرَ ندٜ بٜى مبٛوطٜىٰنغَ؞

نغِطِنْدِرٜ نغَمْ عٛنْ دٜىٰرْطِرَاࢡٜ ندٜرْ اَلْمَسِيحُ؞ سٜيْ کٛو مٛيْ سَمْطِنَ دٜىٰرْطُمْ، ࢡُرْنَ مٛ دٛوْ حٛورٜ مُمْ؞

يِيدٜ مٛنْ لَاتٛ لَاࢡْندٜ، ندٜ وَلَا ڢَاسِکَارٜ؞ نغَࢩٜ حَلّٜىٰندٜ کٛو ندٜيٜ، تَا عَشّٜ وَطْغٛ مبٛوطٜىٰنغَ؞

عٛنٛنْ کَمْ، تِينٜ نٛ مبَاوْطٛنْ ڢُو حَا عٛنْ نجٛوطٛدٛ جَمْ بٜى کٛو مٛيْ؞

سٛوبِرَاࢡٜ عَمْ، تٛ غٛطّٛ وَطِ عٛنْ عَيْبٜ، تَا مبَاتٜ، عَمَّا عَشّٜ تِکّٜرٜ اَللَّه وَطَ طُمْ، نغَمْ دٜڢْتٜرٜ وِعِ‏: «مِنْ وَاتٛتٛ، مِنْ وَرْجٛتٛ ࢡٜ؞ نِي جَوْمِرَاوٛ وِعِ؞»

تَا لَاتٜ مبَاتٜىٰندَمْعٜنْ، عَشّٜ رُوحُ اَللَّه تِطِّنَ عٛنْ، کُووَنٜ جَوْمِرَاوٛ بٜى تِينَارٜ؞

دَلِيلَ مٛعّٜرٜ ندٜ اَللَّه وَطَنِ يَمْ، مِطٛنْ عُمْرَ کٛو مٛيْ مٛوطٛنْ‏: تَا غٛطّٛ نُمَنَ حٛورٜ مُمْ مَنغُ ࢡُرَنْنغُ نٛ ڢٛتِ، عَمَّا کٛو مٛيْ لَارَ حٛورٜ مُمْ دٜيْدٜيْ غٜطَلْ نُطِّنْکِ نغَلْ اَللَّه حٛکِّمٛ؞

تٛ غٛطّٛ وَطِ عٛنْ کَلُّطُمْ، تَا مبَاتٜ؞ کَکِّلٜ حَا عٛنْ مبَطَنَ يِمْࢡٜ ڢُو کٛ وٛوطِ؞

نجٛوطٛدٜ عٛنْ نَرُّࢡٜ؞ تَا طَࢡّٜ مَنغُ ندٜرْ جَمَعَارٜ مٛنْ، ندِکَّ عٛنْ نجَࢡَ کُوطٜ لٜىٰسْطٜ، جَنغْکِنِيطٜ؞ تَا ندَارٜ کٛعٜ مٛنْ بَنَ عٛنْ مَرْࢡٜ عَنْدَلْ ڢُو؞

عَمَّا‏: «تٛ کٛنّٜىٰجٛ مَ دٛلَامَ، ࢩَامْنُ مٛ؞ تٛ عٛطٛمْطَامَ، يَرْنُ مٛ؞ تٛ عَوَطِ بَنَ نِي عَطٛنْ مٛوࢡْتَ ࢨُلْࢡٜ يِيتٜ دٛوْ حٛورٜ مَاکٛ؞»

مبَرْکِطِنٜ تٛوࢩِيࢡٜ عٛنْ؞ مبَرْکِطِنٜ، تَا نَالٜ؞ شٜيٛدٜ بٜى سٜيِيࢡٜ، مبٛيْدٜ بٜى وٛيَنْࢡٜ؞

مبَلِّتٜ نُطِّنْࢡٜ لَاڢُࢡٜ بٜى جَوْدِ مٛنْ نغَمْ عٛنْ دٜىٰرْطِرَاࢡٜ، نجَࢡّٜ حٛطْࢡٜ بٛوطُّمْ؞

ندَارٜ ࢡَنْدُ نٜطّٛ، ندُ وٛودِ تٜرْطٜ طُوطّٜ، تٜرْغَلْ ڢُو وٛودِ کُوغَلْ مَاغَلْ؞ بَنَ نٛنْ عٜنٜنْ بٛو، کٛو ندٜ عٜنْ طُوطْࢡٜ، عٜنْ لَاتِ ࢡَنْدُ وٛورُ ندٜرْ کَوْتَلْ بٜى اَلْمَسِيحُ، عٜنْ ڢُو عٜنْ طٛنْ کَوْتِ بَنَ تٜرْطٜ حَا ࢡَنْدُ وٛورُ؞