Oblíbené biblické verše z Matio' 24

Sdílet

Deh⧾-zon⧾-a' ken dih 'kpuhba-eh mu-eh :no, 'de :gwlor-nyor:⧾ :dhulu'-a' :ybeh-dih-eh 'ye :chehbe'-' pa. Jorwor: nyor :or se-a sea 'de ti 'ye-a' 'dlu-' :jla, :yee' or mu 'puh-:.

Tubo-wlu:⧾ 'jeh :en kor-a Nyorsoa-a' nyor⧾ wlu 'ken :korn-eh 'i, en mu :po-eh:, dha 'bluhba-a' klehkpeh ken, 'de en 'ye dhih bo zela-deh-' 'dhu-eh: 'do :gwlor-nyor⧾-a' klehkpeh bo, 'de 'bluhba-a' 'dlu-' :jla-ti 'ye 'o nyni.

:Yee' a mu tuh-a' 'nyne 'worn-:, 'de a 'ye tuh-a' kuna'⧾ 'worn :ke. Jorwor: a yubo-eh, a-a' :ple-' :fano. Deh no-eh, deh⧾ :daa, en :korn en 'ye :no-eh:, jorwor: eh 'see ti-a' 'dlu-' :jla-ti no kele'a:.

'Bluhba⧾-dlu⧾-: 'bluhba⧾-dlu⧾-: en mu :vorn. :Yee' 'keen-boi'-a mu on 'bei' 'keen-boi' bo :vorn. 'Moeh: :eh 'kpa-a Ji Kou'-moeh:, eh mu 'de :yi deh⧾-' dih, 'de 'bluhba 'ye :tleh deh⧾-' dih. :Mor deh⧾ :daa, en-' klehkpeh :taa 'dlu bo mu, :yee' 'do 'kle 'ye-eh-a' glu 'dhu 'da :oo', :eh gweh-a :ka 'kwli-a no-a 'nynor, :or 'bhorn-a :or 'ye-a' :gbano :za.

'Bluhba-: 'dekorn: yao-: en mu 'dlu-' :jla, jorwor: 'an wlu :se-' dih :gweh i, :ka ti-a mu-a 'dlu-' :tehn.

Deh no-eh, nyor⧾ :dhulu', mo-: :an mu 'de 'an 'nyne ken :yi-dih:. Mo-: :an mu :ao', mo-: Nyorsoa-a' 'taan'-yu: 'o, 'de on 'ye nyor⧾ :dhulu' dih :bo-dih:.

:Yee' an mu a :kpon, on 'ye a 'kle 'ye-dih:, 'de on 'ye a 'dba. 'Bluhba⧾-dlu⧾-a' klehkpeh, en mu a-uh' 'nyeh-:, 'an dhih. 'Do ti :dao' 'i, nyor⧾ :dhulu'-a mu Nyorsoa-a' dhih 'jeh dih 'tali:. An mu on 'bei' :plo, 'de on 'ye 'nyeh-eh-dih:. :Yee' sih 'tmo :wele-eh: :po-nyor:⧾ :dhulu'-a mu-' :sorn, 'de on 'ye nyor⧾ :dhulu' dih :bo-dih:.

'De or :wlu 'de on bo, or 'dae:, A 'dhu a-a' 'jeh :dhororn'. A-a' 'worn-:-', nyor-a' :bo-dih:-' a dih.

'Do eh-a' dha, a :mor :ke, a :korn a 'ye buh⧾ ken :ne, 'do ti-a' klehkpeh bo. Deh no-eh, 'yu an 'da-dih-a Nyor-kpalu-a' 'yu, ti a :se-or' 'sor-dih:, 'do :wor or mu 'de :yi-dih:.

Eh-a' dhih, a 'dhu-eh 'yli-eh bo. Deh no-eh, a se 'we-eh: a-a'a: :Gwlor :baa'-a mu-a 'de :ya yubo:.

:Yee' 'we-eh: :dao'-: 'yluh-buh: :dao'-: ti en mu-a 'de :yi, nyor se-ih yubo:. 'Enjor-nyor:⧾ :on :ne-a 'de Nyorsoa 'bli yai'-a' 'jeh-: 'dekorn: Nyorsoa-a' 'Yu-: on se-eh yubo:. Nyorsoa :due', or-: yubo-eh.

Deh no-eh, sih 'tmo :wele-eh: :po-nyor⧾-: 'dekorn: :yuh :an 'da-dih-a an-a' 'jeh 'Klae-: an mu-' :sorn, on 'ye 'yi :to-dih-deh:⧾ :klaba'⧾-: 'dekorn: nyor⧾ 'di dih 'ma-dih-deh⧾-: no. An mu deh⧾ :daa :no, on 'ye nyor⧾ Nyorsoa gan-a :sloror' dih :bo-dih:, :mor on 'beh-dih: eh-a' no-a'.

:Yee' :ka eh :ne-a 'do :Noa'-a' ti 'i, 'ka :wor eh mu :ne :ke, 'do ti 'yu an 'da-dih-a Nyor-kpalu-a' 'yu-a mu-a 'de :ya 'di. :Yeh 'ni 'ye-a' 'yi, 'do 'we :dao' 'di, :yee' :gwlor-nyor⧾-a di deh, an 'na-', an 'ti-dih 'bli, me-: on mane: 'i :chio'lo:, 'de :Noa' pa 'de 'ni ken-meheh 'di. :Yeh an no-a deh⧾ :daa, :yee' deh :eh yi-a 'dlu bo :mu 'da, on se-eh yubo: :chio'lo:, 'de jorwor: 'yii'-ni 'yle, eh kpa nyor⧾-a' klehkpeh. 'Ka-: 'o eh mu :ne :ke, :mor 'yu an 'da-dih-a Nyor-kpalu-a' 'yu, or :taa 'de yi.