Oblíbené biblické verše z Itorati 6

Sdílet

Mwaattuneke Apwiiya Nlhuku inyu, wo nrima inyu wonkhaye, ni wo nnepa winyu wonkhaye, ni wo irusho chinyu chonkhaye, ni wo machiri inyu onkhaye.

Mweettuchiheke rata achishaana inyu, ni waahimiachera ikatema vanohalha inyu ukhalha mmanupani, vanorwaa inyu munkwahani, ama vanorupa inyu ama vanonkwa inyu.

Nshungeeheke mmamirimani mwinyu alha malhove anoulheheraakani lhelho alha.

“Paahi nkeewani inyu mwaatti attu o Israeli! Apwiiya Nlhuku inyu phi Apwiiya Nlhuku ari o vekha.

Mmwareke mmiononi mwinyu ni vayuchi winyu, wo uwupushani.

Nlhepacheke alha malhehero alha vachulhu milhako cho inupa chinyu, ni vachulhu milhako cho ukelha mmawani mwinyu.

Mwaathimicheke Apwiiya Nlhuku inyu, mwaakavihereke yayo vekha aya, ni ulhupelha wo uromolha nchina naya vekha aya.

“Thoko Apwiiya Nlhuku inyu chenre aya wo weerelha manyaapwiiya inyu Aburahimu ni Naisaka ni Nayakhobo, wiira anowa waavaha ilhapo yo iwani chulhupalhe ni chorera, cho manupa o ushichira, chihithekilhe inyu mwaattiva mwaashinene. Apwiiya Nlhuku anokouvahani manupa aya ayo, anachanre chittu chorera chiheeshilhe inyu mwaashinene, nnokoophwanya ilhushi chihithipilhe inyu mwaatti, ni imata cho mizabibu ni mizeituni chihilhimme inyu mwaatti. Ni Apwiiya Nlhuku vanohalha aya urwehani wowo wiilhaponi uwo, nnokoopatta choolhia chonkhaye chinothanana inyu. Ni vavawo nansho nhiwe mwaalhiyalha Apwiiya Nlhuku ookumihulheni Umisri waari inyu ipotta.

“Chilha phi iamuri, ikano ni malhehero a Apwiiya Nlhuku inyu chaalhehenre aya wiira kuwiittuchiheni, wiira nrumelhelhe ni upangacha wowo wiilhaponi unorwaa inyu uukhalhani uwo. Ikatema yonkhaye varii inyu akumi va, nnothananiya wiira mwooveke Apwiiya Nlhuku inyu ni urumelhelha iamuri chaya chonkhaye ni malhehero anouvahaakani mwaattiva, ni iyari chinyu wiira nkhalhe ni ukumi wo makhuku menchi.

Mpangeke chittu chinaateelhiha nrima Apwiiya Nlhuku wiira nvaheriye. Vavawo nnoowa mwaapatta ilhapo yorera yaalhehilhe aya Apwiiya Nlhuku wiira anowaavaha manyaapwiiya inyu ilhe

urushiya wa Apwiiya Nlhuku uhiwe waapharelha vachulhu winyu nkayofutani velhaponi va. Ukhalhawaya Apwiiya Nlhuku inyu arii variyari inyu, phi Nlhuku o ihache.

Nhithimiche milhuku chikina, milhuku cha attu anaatamana inyu

“Nhaalhikache Apwiiya Nlhuku inyu, thoko chenre inyu wo waalhikacha vaari inyu Umaasa.