Oblíbené biblické verše z Maatoossa Mishiraachchuwaa 5

Sdílet

S'omppiyaa s'omppiide, soyin de'iyaa asaa ubbaw poo'ana mala, d'ok'k'iyaa saan wotseeppe attin, kammiyaa miishshaa giddon k'um"i wotsiyaa Asay ooninne baawa. Hewaadankka, Asay hintte ootsiyaa lo"o oosuwaa be'iide, saluwaan de'iyaa hintte Aawuwaa bonchchana mala, hintte poo'uu asaa sintsaan poo'o.

«Ha alamew hintte poo'o; deriyaa huup'iyaan kees'etteedda katamay geemmana danddayenna.

Wozanaa geeshshatuu anjjetteeddawantta; ayaw gooppe, unttunttu S'oossaa be'ana.

S'illotetsaa koshattiyaawanttunne saamettiyaawanttu, anjjetteeddawantta; ayaw gooppe, S'oossay unttuntta kalissana.

Shin taani hinttew yaagay; saluwaan de'iyaa hintte Aawoo naanaa gidana mala, hintte morkkatuwaa siik'ite; hinttena shek'k'iyaawantta anjjite; hinttena is's'iyaawanttoo lo"obaa ootsite; hinttena yederssiyaawanttoo, S'oossaa woossite; ayaw gooppe, iita asawukka lo"o asawukka S'oossay bare aawaa awas's'issee; k'ay s'illatookka nagaranchchatookka bare iraa bukissee.

«Barenttu ayaanaa de'uwaan, hiyyeesaa gideeddawaa eriyaawanttu anjjetteeddawantta; ayaw gooppe, saluwaa kawutetsay unttunttussa.

Asaa sigetsiyaawanttu anjjetteeddawantta; ayaw gooppe, S'oossay unttuntta, bare naanaa giide s'eesana.

Kayyottiyaawanttu anjjetteeddawantta; ayaw gooppe, S'oossay unttuntta minisana.

S'illotetsaa diraw, yederssettiyaawanttu anjjetteeddawantta; ayaw gooppe, saluwaa kawutetsay unttunttussa.

Maariyaawanttu anjjetteeddawantta; ayaw gooppe, S'oossay unttuntta maarana.

«Hintte taana kaalliyaa diraw, Asay hinttena boriyaa wodenne waayissiyaa wode, k'ay hintte bolla iitabaa ubbaa wordduwaan haasayiyaa wode, hintte anjjetteeddawantta. Hinttew saluwaan wolk'k'aama woytay de'iyaa diraw, nashettite; hashshu giite; ayaw gooppe, Asay hintteppe kase de'eedda nabatuwaa hewaadan yedersseeddino.

Ashikke gideeddawanttu anjjetteeddawantta; ayaw gooppe, unttunttu sa'aa laattana.

«Asaa ubbaw hintte mas'ine mala; shin mas'inii mal"ana d'ayooppe, zaariide Aa wooti mal"etsanee? Kare olina, Asay Aa yed'd'i hamettanaappe attin, sintsaw ayinne maaddenna.

Hewaa diraw, saluwaan de'iyaa hintte Aawuu polo gidowaadan, hinttekka polo gidite.

Shin hintte, ‹Ee› woy, ‹Gidenna› giite; hawanttuppe haray Sees'aanaappe yee.

« ‹Ayifiyaa diraw ayifiyaa; achchaa diraw achchaa› geeddawaa siseeddita. Shin taani hinttew yaagay; ‹Hinttew iitabaa ootsiyaa uraw iitan zaaroppite; ooninne ne ushechcha bagga shayiyaa bak'k'ooppe, ne haddirssa bagga shayiyaakka Aa bessa

Ne ushechcha ayfii neena nagaraa oosisooppe, neeppe wooc'aade olaa agga; ayaw gooppe, ne bollay mulekka Gaannamiyaa tamaan olettiyaawaappe, aappe ittuu pac'c'intto new lo"a. K'ay ne ushechcha kushii neena nagaraa oosisooppe, neeppe k'ans's'aade olaa agga; ayaw gooppe, ne bollay mulekka Gaannamiyaa tamaan olettiyaawaappe, aappe ittuu pac'c'intto new lo"a.