Oblíbené biblické verše z Mak 13

Sdílet

Na ahutana mwala kei teungeꞌiniꞌomu aena aana omu ko lulu i sulieu. Taꞌe iini nge kei uure aꞌailaꞌa taraꞌasi aani hiiwalaimolinge lai hule aana haꞌamangolana, nge a God ke si haꞌa-uurie.”

Aena urine, omu ke lio talamiu na omu ke dau aakau taraureꞌi suli maholo, aena aana omu kaꞌa saie ike maholo ne kei ooli loꞌu mei.

Na maholo mo ramo kei tapoliꞌomu huni tooleꞌomu i laona leinge, omu ke suꞌuri tolahiꞌe oto hiitoꞌo aana nga taa omu kei unue. Aana maholona, omu ke unu tahangaꞌinie mo neꞌisaenga i laona manatamiu, aena aana omu saꞌa ere tohumiu ike, taꞌe Liꞌoa Maaꞌi ni kei hatongaꞌi huniꞌomu ngeena.

I Lengi na i aano kei suu, taꞌe walaku e saꞌa suu ike oto ooꞌoo.”

A Jisas e unue noꞌone uuri, “Nga taꞌa-taꞌa iini e kaꞌa saie ike hai dinge wa maholoi sato uri taa ne kei ooli loꞌu mei. Maꞌalana mo ensel taꞌau i Lengi, wa uri ineu a Kale, na melu kaꞌa saie ike. Taꞌe a Mamaꞌa taꞌau i Lengi haliꞌite nge e saie maholona.

Na omu kei rongoa mo oohotaa aana taꞌena nga leu aana walumalau, taꞌe mwaanie saemiu e liki-liki. Aena aana walu ola ngeena kire kei holaꞌi reu i naꞌo, taꞌe haꞌamangolana walumalau haꞌike ue ni ngeena.

Na e urine loꞌu mola huniꞌomu, omu ke lio-lio na omu ke dau-deu aakau diana. Aena aana omu kaꞌa saie ike maholo nge mwane e toꞌo aana nume kei hule, mwaanie ohe i seulehi, wa i upui rodo, wa i waꞌalie, wa i maahuꞌo-huꞌo. Mwaanie da na e tolana hule mola lau-leu, na e lae mola mai leesie omu ko maꞌahu liu. Oto nga taa no ko unue huniꞌomu ienini, no ko unue noꞌone hunie ahutana mwala. Dau aakau suli maholo.”

Haiseuninge kei lae i matolana mo henue hai aaopaꞌi, na i matolana mo aalahanga hailiu. Hiolonga kei toolea mo iini hunge i laona walumalau, na nunu kei tola ahusie mo henue hunge. Taꞌe walu ola ienini ko haataꞌinie mola uri mo ola paine kei lae ue mai mala huꞌe ko aehota hiingeꞌinie sapesalunge hunie toꞌo-mwelanga.

Aana tarohaꞌinilana Tataroha Diana kei holaꞌi lae hunie ahutana mwala aana walumalau, hai dinge ooreta ke si lae mai.

Aena aana mo iini hunge kire kei lae mai aana sataku, na kire kei teꞌuri, ‘Ineu oto a Kraes,’ na kire kei haꞌapweue mwala hunge.

“Oto omu ke lio talamiu aena aana mwala kei tooleꞌomu i laona leinge, na kire kei repusiꞌomu noꞌone i laona mo nume ni palo-palo, aena aana omu ko lulu i sulieu. Na kire kei tooleꞌomu i naꞌona mwala paine na mo inemauri haahie asunge ineu, hunie kire kei leiꞌomu. Aana maholo walu olana kei reu uurini, maholo iꞌomu otona huni unu diana aana Tataroha Diana hunire.

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Oto a Jisas ko heꞌi teꞌuri loꞌu, “Oto loꞌu mola i purine mo dinge ni siꞌohaꞌanga ngeena, sato kei ulue oto maana, na e saꞌa pwaa loꞌu. Waro-waro e saꞌa heꞌi sineli loꞌu. Na mo heeꞌu taꞌau i laona salo kei teke i aano, na ahutana mo ola taꞌau i laona salo kei hei-oolisi mango.