Oblíbené biblické verše z Palonga 16

Sdílet

Oto kire ko teꞌuri hunie “O ke hiiwalaimoli mola aana a Jisas aana ingeie oto Aalaha, na a God ke si haꞌa-uuriꞌo, na e urine noꞌone hunie uluhe iꞌoe.”

Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue. Kire si aparaꞌi na painehaꞌana nunu ko nunu oto, na poo-pootana nume ni hoꞌo ngeena ko esuleꞌi mango oto. Na maholoi satona noꞌone ahutana mo maa kire taha mango, na mo iieli heu kire mani siki oto mwaanie kiꞌi-kiꞌine na aeꞌaena ahutana mwala i laona nume ni hoꞌo.

Oto e toolerarue poi sinaha, ko si dolosi aadarue uuri, “?Nga taa ni ne kei da hunie a God ke haꞌa-uurieu?”

Maholo poro paine aana nume ni hoꞌo e lio na ko leesie uri ahutana mo maa aana nume ni hoꞌo kire mani taha mango, oto ko loꞌongaꞌinie uri ahutana mwala i laona nume ni hoꞌo kire tahi mango oto. Oto e darasie naihi ingeie, ko si deu ni horoꞌie mola maraana. Taꞌe a Pol e soi peine hunie na ko teꞌuri, “O ke suꞌuri horoꞌiꞌo maraamu aana ahutameelu taane mola mai ienini.”