Oblíbené biblické verše z 2 Korinit 5

Sdílet

Oto iini nge e neꞌie iinoni a Kraes, nge a God ko haꞌahaalue oto iinoni ngeena hunie ke neꞌie iinoni haalu oto. Mo tolahai ola lalahuꞌe ko eiꞌaa oto mwaanie, na mo tolahai ola haalu ko lae oto mai.

A Kraes ingeie e kaꞌa toꞌo aana ike nga mei oorahaꞌaanga, taꞌe a God e da mola hunie ke toꞌo aana mo oorahaꞌaanga ikie mo iini kie lado toꞌohuu peꞌie a Kraes, hunie ikie noꞌone kie ke si toꞌo aana oodotaꞌinge ingeie.

Oto mau-meuringe ikie ko lae-lae mola aani hiiwalaimolinge, na e kaꞌa lae ike i sulie walu ola kie sai leesie aana maaka.

Ahutana walu ola ngeena a God ni ko esuiꞌi hunikie aana a Kraes. A God e uusungeꞌinie mone a Kraes hunie kie ke aaliꞌu loꞌu mei takoie hunie kie ke uure ruru peꞌie. Na e niie mei esunge ngeena nameelu huni toolea mai mo iinoni takoie hunie ikire noꞌone kire ke uure ruru peꞌie. Oto melu ko tarohaꞌinie uri a Kraes e asu mola nana a God hunie ahutana iinoni aana walumalau kire ke aaliꞌu mei takoie hunie kire ke uure ruru peꞌie a God. Na aena aana a Kraes mone, a God e kaꞌa loꞌongaꞌinie ike loꞌu mo oorahaꞌaanga ikire. Na e niie mei tataroha diana ngeena nameelu hunie melu ke tarohaꞌinie hunie mwala ke saie tala hunie ikire noꞌone kire ke sai uure ruru peꞌie a God.

Oto ienini, melu ko ere-ere oto oolitana a Kraes, na aena ngeena, maholo melu ko ere-ere peꞌiꞌomu e urihana uri a God maraana ni ko eitanaiꞌomu hunie omu ke uure ruru oto peꞌie. Oto melu ko ere oolitana a Kraes oto ie, na melu ko eitanaiꞌomu hunie uri omu ke aaliꞌu takoie a God na omu ke uure ruru oto peꞌie.

Na a Kraes e mae toꞌohuu huni peꞌie ahutana mo iinoni, uri hunie ahutaka mo iini kie toꞌo aana maurihe haalu kie ke suꞌuri lae loꞌu i sulie mo loꞌongaꞌinge ikie maraaka, taꞌe hunie kie ke lulu i sulie mola a Kraes, iini e mae kaꞌu na e taꞌelaꞌi eelihoꞌi loꞌu i tehulaꞌaka. Oto maholo ienini neꞌisaenga ikie i sulie mwala e hai-oolisi oto, na kie kaꞌa loꞌongaꞌi ike i sulie nga iini i sulie tolahai iinoni ni welumalau. E toꞌohuu taane uri kie lio toli keꞌu aana a Kraes i sulie tolaha ni iinoni urine holaꞌinaꞌo, taꞌe maholo ienini kie kaꞌa sai teꞌurine ike loꞌu.

Taꞌena nga mei ola melu ko esuie, melu ko esuie mola aena aana manata-diananga a Kraes. Na aana melu hiiwalaimoli uri taꞌa-taꞌa iinoni e mae oto honotaka, nge melu hiiwalaimoli noꞌone uri ahutaka, kie mani mae tararuru oto peꞌie iinonine mwaanie mauringe lalahuꞌe e aaela ikie i naꞌo.