Oblíbené biblické verše z 1 Corintios 13

Sdílet

Kixin ti nkexro tjue̱he kícho, la tjokahya tónínkaon, jína a̱sén, tóchji̱no̱xíenhña, nchenkehya, chji̱ñéhña nixja, jehya jehó tjinkaon tsꞌe̱to̱an, tónínkakonhña, nkochríxínhña chróxraxinkaon ti kjuanínkaon chóntehe ijnko chojni

Ti tjue̱heni kíchóni la kaín nkehe jínahña chrókꞌuitjáñeheni, chrókuíto̱ehyani chrókuinkáchónkini Díos, chrókꞌuejóchóheni la chrókónínkakonhñani.

tóchèhya kixin íjnko chojni tjasin ijie̱. Náhí. Tóchéhe̱ ti ó ijnko nkehe jína sítóhen.

A̱ndá ijie la iní nkehe siín chóntahya tsjeje̱; ti tinkáchónkini Díos, ti tsochóheni tsokjan Jesucristo, la ko ti tso̱tjue̱heni kíchóni. A̱ndá ti nkehe a̱ntsí tjetoan la ti tso̱tjue̱he kíchóni.

Ti tjue̱heni kíchóni la nkochríxín tsjeje̱hya. Ijnko ña̱o la í tso̱kohya chojni tsochronka ti nkehe kjuajon Díos, la í tso̱kohya chojni tsonixja̱xi̱n íjnko ngiva, la ko í tsichánxinhña ti chojni imá tso̱nohe.

Ti chrónixja ngive̱e chojni la ko éxi nixja ti sin ángel, a̱ndá chaxínhña tjua̱ha̱ chojni la ó chónkó tíha la chrókóyòna éxi ijnko tambor chróndáchrokoá, o̱ éxi ijnko chika platillo chrókóvékjankoá.

*La ko ti chrónixja ijnko nkehe chrókjuajon Díos, la ko chrókia̱nxia̱n kaín ti nkehe kuènté Díos na̱xa̱ noehña chojni, la chrókónona kaín nkehe, la ko a̱ntsí chrókuinkachónkia Díos la chrókjuácha chróndátjan ijnko ijna̱ sáchrokjui ókjé, a̱ndá kaínhña a̱sená tjua̱ha̱ chojni, la ninkehó sínkíhya tíha.

La ko ti chrókjui̱ntaki̱to̱nha̱n ti sin nóa kaín ti nkehe chonta janhan, la chrókjuánjua ti cuerpo kuénta̱na kixin chróche, la kjónté xi̱kaha ndá kaínhña a̱sená tjua̱ha̱ chojni la ninkehó tsꞌinkihya tíha.

Ti na̱xa̱ kꞌuéchájan la kꞌuénixja̱ éxi chájan, kꞌuékjenka̱yáxian éxi chájan, kꞌuékia̱nxia̱n éxi chájan. A̱ndá ti ó kꞌóna janhan ijnko chojni nte̱to la kui̱to̱ha̱ kaín ti nkehe éxi tjenka̱yáxin ijnko chájan.