Oblíbené biblické verše z Éxodo 8

Sdílet

Masĩrĩ masã, tʉꞌoñaꞌrĩ masã quẽꞌrã na weeĩꞌomasĩse meꞌrã moarã dímiꞌrĩrãcã pãjãrãrẽ bajurẽsĩꞌrĩcãrã nimiwã. Põtẽoticãrã niwã. Na moarã dímiꞌrĩrãcã masãrẽ, waꞌicʉrãrẽ nuꞌrĩcãrã niwã. Na tojo wee põtẽotirã, faraṍrẽ nicãrã niwã: —Aꞌte Õꞌacʉ̃ cʉ̃ tutuaro meꞌrã weese niꞌi, nicãrã niwã. Tojo waꞌamicã, faraṍ peꞌe Õꞌacʉ̃rẽ yʉꞌrʉnʉꞌcãgʉ̃, na ucũsere ne tʉꞌoticʉ niwĩ. Õꞌacʉ̃ cʉ̃ níꞌcaronojõta weecʉ niwĩ.

Titare Õꞌacʉ̃ Moisére nicʉ niwĩ: —Faraṍ tiropʉ waꞌa, cʉ̃rẽ aꞌtiro niña: “Õꞌacʉ̃ aꞌtiro niami: ‘Yarã masãrẽ duꞌuoꞌoya. Na yʉꞌʉre ẽjõpeorã waꞌato.

Oma peꞌticã ĩꞌamigʉ̃, faraṍ na marĩcã ĩꞌagʉ̃, Õꞌacʉ̃rẽ yʉꞌrʉnʉꞌcãgʉ̃, Moisé, Aarṍ na ucũsere ne tʉꞌosĩꞌrĩticʉ niwĩ. Õꞌacʉ̃ cʉ̃ níꞌcaronojõta waꞌacaro niwʉ̃.

Mʉꞌʉ narẽ duꞌuwĩrõticãma, oma meꞌrã nipeꞌtiro Egiptopʉre buꞌiri daꞌregʉti.

Õꞌacʉ̃ Moisére nicʉ niwĩ: —Aarṍrẽ cʉ̃ yagʉ tuacjʉre sĩ́oo, nucũcãpʉ diꞌtamarãrĩ nisere paacũudutiya. Tojo weecã, nipeꞌtiro Egiptopʉre moarã dímiꞌrĩrãcã pãjãrã bajuarãsama, nicʉ niwĩ.

Cʉ̃ níꞌcaronojõta waꞌacaro niwʉ̃. Faraṍ ya wiꞌipʉre, tojo nicã cʉ̃ docacjãrã wiorã ye wiꞌseripʉre nurũrũa pãjãrã waro añurõ naꞌitĩꞌarõ tuusãjãacãrã niwã. Nipeꞌtiro Egiptocjãrã na nirõpʉre tojo waꞌacaro niwʉ̃. Na nurũrũa pãjãrã niyʉꞌrʉarã, ti diꞌtare añurõ muꞌmuyʉꞌrʉa, dojorẽbutiacãrã niwã.