Oblíbené biblické verše z Fingec fingec 6

Sdílet

Anu ye imoc hemma ngicngac meficyunuma bangecfu faiyunuec uaya imoc ubeango wama ubaebictoa meec.

KEBUNGO bangecfu ngicngac yenenu yeni faka mangana homac meficgegec. Amma ubaherenginau negen negeng manganasac feu imocacsoc faka mangana nasosoc amma kecgec.

Nga KEBUNGO ine Noaac negenu ngereec.

Yomoc Noaac siduc. Ye dindingac nga kopocsiha kpac ngicngac botucnginau kefec amma ye Anutugoc wegenac kefoc.

Mema yofi deec, “Bangecngicngac meficyunuai yeni bangec witiaunac meicyunubesare. Ni meficyunuai imoc ubanango wayunuduaeac ngicngac nga yang amma wiac kekecnginagoc bangecgoc wegenac kengha amma kecandae nga sawaac neng sasawa meicyunudacbade.”

Anu ngicngac yeni sahema bangec sokodacmagec naroangfocngina fingecgec. Fingecgec Anutuac medacfora yeneng naroang siricngina gombunga yenembokoma hengisingyunuma imoc meyunugec enengfocngina anggec. Ifi anggec KEBUNGO yofi deec, “Ngicngac yeni sebifusingina bangectehecngo memea imocac amma neac asu yenearu fefeseri mi febeso. Yeni bangecfu kekecnginaac kifanaso 120sac ambeso.” Anu yofi fingerec Anutuac medacfora yeni bangecngic yeneac naroangfocngina yenigoc fegec yenearunac nambaracfocngina fingecgec. Anu nefilingic yeni bangecfu naso imohai nga ngadeau ifingoc kecgec. Ngic imoc yeni warac kecgec nga yeni kucnginagoc nga kpac kunengnginagoc kecgec.

Anu Noa ye Anutungo edeec yoac imoc sasawa modacdarec.

Anu Anutungo Noa yofi dema edeec, “Wiac sasawa sebifusinginagoc yeni faka mangana angkecdaeac ewekpekpengo bangectoa bangec sokoma fede. Imocac yeni kpac andacgecdeac desiyunubesandua. Imocac ni bangectoa bangec nga yeni momoc kpetotieyunubade.

Ge ine gofer icngo wagetoa mong buya dabac dabac mema manabisic bisic homac hendzicma mana nga ngadea bangecac sopeango hosodacbesena.

Anu wiac sasawa sebifusinginagoc yeni bangecfu fakangina mangana angkecgec mengec mengereac sing mong mi fingerec. Ifi anu Anutungo bangec hemma negenec imoc mengec mengereasoc kpac.

Amma wiac sasawa sebifusinginagoc imoc yeni sasawa kpac andacbauac yenearunac yohockang yohockang siricngina arenga arenga ngiwa nga ngagera ifi meyununa gegoc momoc wageu emma kecbisia.