Oblíbené biblické verše z Lükɛ̀n 6

Sdílet

Nyɛ́n tán nyɛ́n nyran hɔ̀n, kɩ Ɔwɔ mán kɛ lɛ tán nyɛ̀n; ye le ku nyɛ̀n ny'ɛceci kotoku vri lɔ mɛ̀n, yɛ lɛ sɔ̀n wá, ke le yɩ̀ ke le cüe. Ɔwɔ kɛ lɛ wɔɛ́n ɛci kɛ lɛ tán nyɛ̀n, kɛ lɛ hán ɔmu le nyɛ́n mán nyɛ wɔɛ́n tán nyɛ́n nyran hɔ̀n nɔn hɔ́.”

Ɔwrɔn ankrànkràn lɔ ɛnbɔrɛmɛ̀n de n'eci ankrànkràn hán lɔ ke dù kɛ và nɔn; ɔwrɔn gbangbàn mán, ɛbɔrɛmɛ̀n de n'eci gbangbàn hán lɔ ke dù kɛ và nɔn. Ɔmuhi, ɔwrɔnwrɔn mùan de kɛ dɔ́ ankà léyi yɩ́ n'ɛnbɔrɛ lɔ mɛ̀n nɔn.”

Tɛ́n mɛ dɔ́ nyɛ̀n le, nyɛ́n cüɛ́n ny'egbri-bɔ̀, nyɛ́n hán yɔ anvrɛn, nyɛ́n vɛ́n eci, ô nyɛ́n bɩ́ vrá ɔwɔrɛ̀tan. Nyɛ lɛ cɔ́ anjakpà vri, kɩ nye le dú Ɔwɔ léyi dú anhobɩ́ nɔn, n'ɛẅì hɔ̀n, ɔmuhi nɛ cüɛ́n anwrɔn hɔ̀n léyi kè sɩ̀ nyrì anvrɛn mán anbɔrɛ-bɔ̀ nɔn.

Nyɛ́n ẅɛn ɛcüɛ̀n kè yɩ́ nyɛ́n ɛmɛ̀n kɛ̀ hán ɔmu le nyɛ́n Zi mán ɛcüɛ̀n yɩ edomɛ̀n nɔn.”

“Nyɛ́n bɩ́ ci nyɛ́n nyran hɔ̀n ɛmrɛ̀n, kɩ Ɔwɔ mán ke sɩ̀ ci nyɛ̀n ɛmrɛ̀n; nyɛ́n bɩ́ hán nyɛ́n nyran hɔ̀n ɛgbàn, kɩ Ɔwɔ mán ke sɩ̀ hán nyɛ̀n ɛgbàn; nyɛ́n bɩce nyɛ́n nyran hɔ̀n, kɩ Ɔwɔ mán ke le bɩce nyɛ̀n.

“Tɛ́n, mɛ dɔ́ nyɛ̀n, nyɛ́n léyi nye die mɛ̀n nukùɛ nɔn. Nyɛ́n cüɛ́n ny'egbri-bɔ̀, nyɛ́n hán anvrɛn nyɛ́n tán yɔ léyi yɔ sɩ́ cüɛn nyɛ̀n nɔn, nyɛ́n dɔ́ ankà ankrànkràn nyɛ́n tán yɔ léyi yɔ dá nyɛ̀n ɛẅìɛ̀, ô nyɛ́n sɛ̀n nyɛ́n tán yɔ léyi yɔ hán nyɛ̀n nyɛ kán ɛgbàn nɔn.

Eci léyi ɛ cüɛ̀n le yɛ hán yɛ tán mɛ́n nɔn, ɛ̀ hán eci zri lɔ, ɛ̀ tán ɛnyran mán.

Ke dú kɛ ɔwrɔn tɔ̀n ke sɩ́ mɛ́n nukù tɔ̀n hô, ɛ̀ tán nɛ̀n nukù ndɔ lɔ mán; ke dú kɛ ɔwrɔn tɔ̀n ke bɩ́ mɛ́n ɛceci she, teze nɛ̀n, nɛ̀n bɩ́ v'ɛwú ceci lɔ mán. Ɛ̀ tán, ɔwrɔn totɔtɔ̀n léyi kɛ sán mɛ́n eci nɔn; ke dú kɛ ɔwrɔn tɔ̀n ke bɩ́ eci léyi dú vɛtɛn nɔn, e bɩ́ vru dɔ́ nɛ̀n le nɛ̀n tán mɛ́n eci lɔ.

“Ɛtɛ̀ ankrànkràn, ke sɩ́ shi ɛẅì gbangbàn. Ɛtɛ̀ gbangbàn mán ke sɩ́ shi ɛẅì ankrànkràn.

Antɛ̀-ẅì de kɛ hán tán ye nyri ɛtɛ̀ nɔn: ye sɩ́ küɛ dúgùshì mango-tɛ̀ wú; ɛnnàngbàn-wú mán, ye sɩ́ küɛ anzhà.