1
रोमी 1:16
नेवाः बाइबल
NEW
थथे जूगुलिं भिंगु खँ न्यंकेत जि मछाः मजू। छाय्धाःसा विश्वास याइपिं फुक्कसितं, न्हापालाक यहूदीतय्त अले यहूदीमखुपिन्त नं उद्धार बीत थ्व भिंगु खँ परमेश्वरयागु शक्ति खः।
Porovnat
Zkoumat रोमी 1:16
2
रोमी 1:17
थ्व भिंगु खँ परमेश्वरं मनूतय्त गुकथं उद्धार यानादी धकाः क्यनी। विश्वासं हे जक मनूत धर्मी ठहरय् जुइ। धर्मशास्त्रय् नं थथे च्वयातःगु दु – “धर्मीत विश्वासं हे म्वाइ।”
Zkoumat रोमी 1:17
3
रोमी 1:20
सृष्टिंनिसें परमेश्वरयागु खने मदुगु स्वभाव, वय्कःयाके सदां दयाच्वनीगु शक्ति, व दयेमाःगु गुण, वय्कःयागु सृष्टिं बांलाक हे सी दु। अय्जूगुलिं इमिसं त्वहः तयेथाय् मदु।
Zkoumat रोमी 1:20
4
रोमी 1:21
इमिसं परमेश्वरयात म्हस्यूसां वय्कःयात मानय् मयाः। अले वय्कःयात तःधंके मालं नं तःमधंकू। थुकथं इपिं थःगु बिचारं यानाः ज्यालगय् मजूपिं जुल व इमिगु बुद्धि मदुगु नुगः खिउँसे च्वन।
Zkoumat रोमी 1:21
5
रोमी 1:25
परमेश्वरयागु सत्ययात इमिसं मखुगु खँनापं हिलाः सृष्टि यानादीम्ह परमेश्वरयात मानय् मयासें वय्कलं सृष्टि यानातःपिन्त पुजा व सेवा यानाच्वन। परमेश्वर न्ह्याबलें तःधनेमा। आमेन।
Zkoumat रोमी 1:25
6
रोमी 1:18
मभिंगु बांमलाःगु ज्याखँ जक यानाः सत्ययात त्वपुया छ्वयेत स्वइपिं मनूत खनाः स्वर्गय् च्वंम्ह परमेश्वर तंम्वय्कादीगु दु धकाः फुक्क मनूतय्त सीकादिल।
Zkoumat रोमी 1:18
7
रोमी 1:26-28
इमिसं थथे याना जूगुलिं परमेश्वरं इमित मभिंगु बांमलाःगु हे जक याना जुइत त्वःतादिल। उकिं इमि मिसातय्सं थः भाःतपिं नाप द्यनेगु त्वःताः मिसात नाप हे व्यभिचार याना जुल। अथे हे मिजंत नं मिसात नाप द्यनेगु त्वःताः मिजं मिजंत हे व्यभिचार याना जुल। थुकथं मिजंतय्सं मिजंतनाप लज्या चायापुगु ज्याखँ याना जूगुलिं इमित पाय्छिगु सजाँय बियादिल। थज्याःपिन्सं परमेश्वरयात क्वह्यंकूगुलिं वय्कलं नं इमित दकलय् क्वह्यंगु मन व मभिंगु बांमलाःगु बिचालय् हे त्वःतादिल।
Zkoumat रोमी 1:26-28
8
रोमी 1:22-23
सःस्यूपिं बुद्धिमान खः धकाः धाधां हे इपिं छुं मस्यूपिं मूर्ख जुयाः वन। अले इमिसं सदां म्वाना च्वनीम्ह परमेश्वरयात मानय् याये मालं झन नाश जुयावनीपिं मनू, झंगः, पशुत व घिसय् जुया जुइपिं जन्तुतय्गु मूर्तियात पुजा यात।
Zkoumat रोमी 1:22-23