Jaꞌa sabajꞌa sèna ka Na hia mèngi-nale ae-ae mi dedha miu, madhutu dadꞌèi dꞌara Na dhu hua iia risi èèna.
Aa jaꞌa manèngi kahèi ho Na hia Roh Na, dènge koasa Na, sèna ka paꞌèra dꞌara miu.
Jaꞌa manèngi ho Yesus Kristus pea ètu dꞌara miu, lula miu parcaya Ne taruu.
Aa jaꞌa sabajꞌa kahèi sèna ka miu mamuri paꞌèki dènge sasue Na, nuka sèmi ana aajꞌu asa èra, lula amo na maso marèma asa dꞌara rai.
Jaꞌa sabajꞌa kahèi ho miu dènge dhèu unu Lamatua aaꞌi-aaꞌi bisa meꞌa mèu sasue Kristus dhu dhèu rai-haha ne dꞌèu rare boe. Te sasue ne, kapai titu kèna, taleo titu kèna, marèma titu kèna, aa ae titu kèna!
Jaꞌa sabajꞌa kahèi sèna ka miu rasa sasue Na, toke sasue ne maso papènu dꞌara dènge mamuri miu.