Oblíbené biblické verše z Matiu tokbaut Zizas 24

Sdílet

Dempla i go meke dem pipol meke ol monugud samting, ane i go meke ebri pipol nomo gad lab. Bat demwan uda i go mata stap gad strong bilib lo mi, dempla gobi seib.

Ane wen ebri pipol wea ol kantri lo da wold i go lisenbaut da Gudniuz blo God, den ai go kambaigen.’

Ane wen yupla lisenbaut ol bigpait, dat ebriwei ol i pait, yupla no prait bikoz demting mas kam. Bat da wold i nogo pinis yet.

Bipo da pinistaim go kam, ol nada kantri go pait gense nada kantri, ane i go gad ertseik lo ebri eria blo da wold, ane prapa plenti pipol i go anggre ebriwea raun lo da wold tu. Bat demting wea i go apen, demwan i mata da stat blo da trabol de kam biain.

Ane eben ane ert i go pinis, bat wod blo mi i kan neba pinis.

Bikoz plenti pipol i go spik diskain ya, “Ai nau da Promiswan uda God i go sanem.” Plenti pipol i go bilib prom dempla tu.

‘Ane wen da trabol i go kam, demwan uda i blo mi, dempla i go kese yupla ane teke yupla go po kot. Ane ol i go paine olkain polt lo yupla bikoz yupla i blo mi. Den ol i go kile yupla. Plenti pipol i go tanewei prom mi, ol pren go eite wananada, ane go teke pren blo dempla po kot. Ane plenti ol laimesizman i go kamaut ane trike ol plenti pipol.

Zizas i bin spik baik, ‘No lete nobodi trike yupla.

Seimkain. Yupla mas redi ebritaim, bikoz yupla no sabe wattaim ai da Truwan blo Man i go kambaik.

‘So yupla mas ebritaim redi, bikoz yupla no sabe wattaim ai go kambaigen.

‘Bat nobodi i sabe wattaim ol demting i go apen. Iben mi ane dem einzel de antap lo eben i no sabe. Mata PapaGod blo mi de antap lo eben i sabe.

Ol lai Promiswan ane ol laimesizman i go kamap. Ane dempla go meke olkain gudsain ane spesil gudsamting, ane plenti pipol i go tekenotis lo dempla. Dempla go trai po tane dem pipol uda bilib lo God gowei prom God.

‘Ane wen ai da Truwan blo Man i go kambaigen, i gobi demkain wase dat taim blo Noa. Bipo da big pladwata i bin kam, dem pipol i bin meke ol big maretpati, ol big kaikai ane big dringkap, spakap. Dempla i bin meke demkain raitap po da taim wen Noa i bin go insaid po da bot blo em. Dem pipol no bin gede woning, ane dempla i no bin sabe wanem go apen antil da big pladwata i bin kam ane wase dempla ebriwan go. Wa, dat taim wen ai da Truwan blo Man i go kambaigen, plenti pipol i go mekem seimkain.