Oblíbené biblické verše z San Lucas 5

Sdílet

Leꞌa gor na mtayadiꞌizh xa ndoꞌ be men wa, cha ndab xa ndoꞌ Simón: —Btseꞌa barco ndee sa mas wat, cha btsaꞌab bego be red ten bega ndontsa igaꞌa mbeal.

Leꞌa Simón ukaꞌab ndab: —Mech, leꞌa besa idub teꞌal mbin tiꞌin, ná ni dub man lá isen besa. Parea nat leꞌa naꞌ utsaꞌab red ndee leꞌa go leꞌa li ndab. Leꞌa gor na li mbin bexa wa, leꞌa red wa cha mzhea uyoꞌo be mbeal gast usaxan nsasaw‑a.

Ná leꞌa Jesús sian biaj ntoꞌo nab, ndaꞌyadiꞌizhno xa Dios sa naꞌan men.

Leꞌa naꞌ ndee naꞌanpa ndalteꞌezh bexa ndanbeꞌe leꞌa naꞌanpa ndap ke. Leꞌa naꞌ ndi ndalteꞌezh bexa ngondoꞌ leꞌa ndapka ke, ndontsa yach bexa wats Dios.

Leꞌa gor na uniꞌí Simón Pedr ta wa, cha msaxib xa ndoꞌ Jesús, ndab xa: —Bxoꞌon ga wats naꞌ, Señor. Leꞌa naꞌ lá nsabndoꞌ isoꞌ wats ga, leꞌa naꞌ dub xa ndap ke ndoꞌ Dios.

Leꞌa Jesús cha ukaꞌab ndab: —Leꞌa bexa naꞌanpa gizh lá nkiꞌin doctor, ndi leꞌa bexa gizh nkiꞌinka xa wa.

Leꞌa bexa wa cha myoꞌo be barco wa toꞌo nits ndoꞌ yo, cha mlaute bexa itea be taꞌa ten bexa, cha nchaꞌano bexa Jesús.

Leꞌa dub biaj zha uyoꞌo Jesús dub gezh, cha ulen dub xabgiꞌi wats Jesús, dub xa nsaꞌgea las na, nsén gealgizh lepra xa. Leꞌa gor uniꞌí xa Jesús, cha msaxib xa ndoꞌ Jesús gast ndoꞌ yo ngol xtuzh xa. Cha ndab xa ndoꞌ Jesús: —Señor, tal go nlad yunyakna go naꞌ, leꞌa naꞌ uní leꞌa go sunka gan. Leꞌa Jesús cha mxoꞌob yaꞌa na tsoꞌo xa wa, cha ndab Jesús: —Nladka naꞌ yakna lu. Nat myakna lu. Cha bi leꞌa gor wa leꞌa gealgizh wa cha unitndoꞌ.

Ná leꞌa be ta li mbin Jesús wa uzhebpa mgen. Weꞌe leꞌa kwaꞌad be men ulansea wats Jesús, goꞌón bexa diꞌizh ten Jesús nsea yunyakna Jesús bexa.