1
Room Tere 5:8
Uumeleembaa buŋa tere soomoŋgo gbilia
ksr
Ejembanoŋ iikaaŋa amakejonto, Anutunoŋ uutanoŋ jopagoŋ nonomakeji, iinoŋ ii kokaeŋ qendeeno: Iinoŋ Kraist wasiro kamaaŋ wala aŋgonjora ejemba laligoniŋi, kambaŋ iikanondeeŋ mono ananaajoŋ ama komuro.
Porovnat
Zkoumat Room Tere 5:8
2
Room Tere 5:5
Anutunoŋ Uŋa Toroya ama nonono kana kolooro uujopaa molaaro uunananoŋ kemero laligojoŋ. Kawaajoŋ jejeromoŋromoŋ ama oyaŋboyaŋ koloowombaajoŋ ama mamboma gamugamu mende mokoloowoŋa.
Zkoumat Room Tere 5:5
3
Room Tere 5:3-4
Kawaajoŋadeeŋ mende aisooŋkejonto, koŋajiliŋ moma kawaajoŋ kaaŋagadeeŋ aisooŋkejoŋ. Koŋajiliŋ moma mokosiŋgoŋ iikaaŋa kanoŋ kaparaŋkoŋkoŋ mokoloowoŋa. Ii moma iikawaajoŋ aisooŋkejoŋ. Kaparaŋ koma aŋgobatonoŋ kotiiŋ namboŋa. Aŋgobatonoŋ kotiiŋ naniŋ jejeromoŋromonananoŋ kotiiŋkebaa.
Zkoumat Room Tere 5:3-4
4
Room Tere 5:1-2
Anana Anutu moma laariniŋ qaanana jeŋ tegoro solaŋanijoŋ. Kawaajoŋ Poŋnana Jiisas Kraistnoŋ mono nemuŋ koma nonono Anutuwo luae mokolooŋ laligojoŋ. Kaaŋagadeeŋ Jiisas Kraist moma laariniŋ nemuŋ koma nonono kaleŋmoriaŋ buŋa qeŋ aowombaa kania mokolooŋ kambaŋ kokaamba kaleŋmoriaŋ uutanoŋ laligojoŋ. Anutuwaa asamararaŋ uutanoŋ keubombaajoŋ jejeromoŋromoŋ ama aisooŋkejoŋ.
Zkoumat Room Tere 5:1-2
5
Room Tere 5:6
Iikawaa kania ii kokaeŋ: Anana wala loolooria esunana qaa laligoniŋi, Kraistnoŋ mono kambaŋ dindiŋa iikanondeeŋ komuŋ ejemba aŋgonjorananawo ananaa dowenana mero.
Zkoumat Room Tere 5:6
6
Room Tere 5:9
Komuro kambaŋ kokaamba sayanoŋ soŋgbama jeŋ tegoŋ nonono solaŋaniŋ laligojoŋ. Kileŋ ii qereweŋa kaaŋa kolooro hoŋanoŋ mono kanageŋ kokaeŋ koloowaa: Anutunoŋ siŋgisoŋgowaa uugereya asuganoŋ qendeeno iwoi kanjaŋawo namonoŋ asugiwaa. Ii asugiro Anutuwaa jaanoŋ solaŋa koloojoŋiwaajoŋ Jiisasnoŋ mono iriŋsoŋsooŋ iikanoŋa metogoŋ nonono oyaŋboyaŋ mokoloowoŋa.
Zkoumat Room Tere 5:9
7
Room Tere 5:19
Iikayadeeŋ mombo jemaŋa: Eja motooŋgonoŋ qootogo ama siŋgisoŋgo waŋ kono seiro ejemba seiseiya anana meleema siŋgisoŋgo ejemba kolooniŋ. Kaaŋiadeeŋ eja moŋnoŋ Anutuwaa jeta teŋ koma siŋgisoŋgonanaa tawaya mero kana kolooro Anutunoŋ ejemba seiseiya ananaa qaanana jeŋ tegoro solaŋaniwoŋa.
Zkoumat Room Tere 5:19
8
Room Tere 5:11
Poŋnana Jiisasnoŋ Anutuwaa hamoqeqe gawoŋa mero Anutunoŋ tawanana ano iwo ala-ala kolooniŋi, iikayadeeŋ qaagoto, oŋanoŋ Anutuwo jopagoŋ aoŋ nama otokoriaŋ maama aisooŋkejoŋ. Kiaŋ.
Zkoumat Room Tere 5:11