Oblíbené biblické verše z Gálatas 5

Sdílet

Ttaka nu tse runi Espíritu ge Tata Do Yebáha lenri'i, runie kini ri'i rakin ge luesiri'i, lhe runie kini redú itta leri'i, lhe ruse'ebie ri'i xen su lasi, lhe anágaba besiba ribekie leri'i, lhe runie kini rakari'i benne re tse leri'i, lhe anágaba runie kini ruinri'i latsiru, lhe runie kini rakari'i nu abittu runnitti tisa geni, gwa ruinbari'i nu chi rari'i uinri'i, lhe ruingabe kini rakari'i nu abittu ruin disa. Anágaba ruingabe kini rakari'i nu rinnabia elha ruin geri'i. Ka luesi nu tse‑ni labí bia bennabi tee nu usunana uinri'i kana.

De nuha nna ria: Nu inná Espíritu ge Tata Do Yebáha, nuha gwaltse'e gwaluni nna abittu uinle nu satsa retaba le bela latile ruinna.

Ganna Espírituha rutebie elha nabani geri'i arlo Tata Do Yebáha, anágaba nna tegaba ki tse'eri'i uinri'i nu inná benneha.

Ka benne chi ankake ge Cristuha chiba bedhanke iyába nu satsa ruinkeha lhe iyába nu satsa reta lekeha lhe, attisidiba chiba betáke iyá nuha lo ya kurusiha.

Lebi'i gwa yúbale, nuní nu satsa reta le ka benne ruinke, delába: risáke nu subi subi, lhe ruinke iyá looba nu satsa, lhe ritebiabake nu ruinke lhe. Anágaba rudú xibike arlo ka nu labí gwalí ankakana diosi, lhe ruinke ge gwesá, lhe ritisin luesike lhe. Anágaba ritilha len luesike, lhe rapa yie luesike lhe. Anágaba nna ankagabake ka nu risa'a xxattani, lhe sun tteba geke ruchacha ikike lhe. Anágaba rila'a lhe'e luesike, ixe dhiba reyakake, lhe rutía di le luesike, lhe ankake ka nu runi elhutti lhe anágaba ankake nu dusi, lhe ritebiabake roke lhe ri'ake lo ttu laní, lhe ruinke adíru ka nu satsa luesi nuní lhe. Ge iyá nuní rulisaa le attigaba chi xpeya le ttuha, ka nu ruinkana aní labí ralha ka nuná dhíkana nu tse dhi ka benne chi rinnabia Tata Do Yebáha ke.

Kumu lebi'i xa betsi to, chi uxi Tata Do Yebáha le lo neda geeha kini tseki lhaale, delába abitturu innabia nu ra lo bia bennabi‑na le. Sun tteba nna abittu akinle de chi reki lhaale nna uinbale nu satsa rakaba lele. Nu uinlale, de rakin ge luesile nna latsiru gwaluyú luesile.

Kumu nu satsa reta le ttu benne runie, labí ru'u le Espíritu ge Tata Do Yebáha unie aníha nna nu raka le Espírituha uin benneha nna abígaba rede'o le bela latieha uinna nu raka le Espírituha. Ixpabake labí rugwelha luesike. De nuha nna lebi'i labí raka gele uinle nu rakaba lele.

Kumu iyába nu ra lo bia bennabi bodha'an Tata Do Yebáha len Moisés‑ni, suna len tisa nu ra: “Akinlu ge attu benne attiba rakabani gelu”, suna len ttúba tisa‑ni ttisidiba ge iyába nu ra lo bia bennabiha chi rudori'i tisa.

Bittu uinri'i ttaba lhe bittu utse'en luesiri'i lhe, anágaba abittugaba utía di le luesiri'i lhe.

Cristuha chi bodilábie ri'i kini tseki lhaari'i. De nuha nna gwaltse'e tsitsi de chi reki lhaale nna abitturu eyekile eta'ale lo bia bennabi bodha'an Tata Do Yebáha len Moisés‑ni, abitturu eyakale ttiba ttu nu to'ole loni.