Oblíbené biblické verše z San Lucas 3

Sdílet

Júnaköri sïme pueblota emo am batöayo, Jesús két batöhuak. Huanäi Diostau oraciompo ä nokayo, jü téhueka áu étapok. Espíritu Santo át kóm siika, guókouta bénasi takahuaka. Téhuekau bétana éntok áu nokhuak, ínel jíakari: —Émpë ín Üusi ín yeu púari, éntok ín nákëhui.

Huanäi Juan sïmemmeu ínel jiaahua: —Lútulay ínapo bäampo enchim batöa; të äbo huéiye senu ino béppa chë yörisi maachi, éntok chë nésahue. Huakäi béja ínapo katchanne júne áu kóm chätuka bocha huíkyam ä búttiriapo yúmala. Huäri béja enchim batönake Espíritu Santoyi éntok tájiyi.

Türi takame jípu báreka eiya, emo jíapsi kúaktiaka. Éntok katem enchim jiápsipo ée taite: “Béjate Abrahamta itom áchaypo jípure”; senu huémtane enchimmeu nooka, Dios kía ímï tétampo júne ára am toboktia, jume Abrahamta üusim.

Bueïtuk két jume tépuam béja júyam nahuapo kéchari, sïme jü júya kaa türik takame chúktiahuaka tájiu jímmaana.

Isaías profeetata jïojteri bénasi ínel ä jiäpo: Jiahui mékka ánia see päriapo chaaye: “Señorta böomem tüte, ili böom éntokem rútuktia. Sïme huame buía jójoroim nanahuittena, jume chopöriam, éntok káuhuim, jume böo chachakuim éntok rútuktiana; éntok jume böo rúrumuyim tütena. Huanäi sïme génte ä bínnake Diosta jínëuria.”