Oblíbené biblické verše z PILIPI 4

Sdílet

Mai ka'ah besau kenin seruh tong ineu'-ineu', bang dalem kekat néh béé jian keh sebayang bara' éh ngan Allah. Siget koléé' keh menyat jin Iah, jian keh menyat ngan bara' jian kenin ngan Néh kepéh.

La'ah pengepawah éh jin Allah, éh tengéé' mu'un jin kekat ineu'-ineu' éh omok kejam kelunan, omok éh mihau kenin keh ngan penyeruh keh dalem Kristus Yésus.

O kekat padéé' ké', tong pengega' ha' ké', jian keh ngelayau seruh tong kekat-kekat éh teneng ngan éh tekep kenajung kelunan, inah éh, tong kekat éh teneng ngan jian, éh tekep naneu' kelunan. Jian keh seruh tong kekat éh ni'ai, tong kekat éh mihin keh jam pika, ngan éh omok kenajung lu'.

Tong kekat éh benara' ké' iteu' omok akeu' kenat naneu' penyukat Kristus éh ngegahang akeu'.

Jian ka'ah ngelayau murung kenin dalem Tuhan, jah koléé' kepéh akeu' bara', jian ka'ah murung kenin.

La'ah Allah éh kenelan ké' omok Éh pesukup kekat pengekurang keh kivu pengekaya' Néh dalem Kristus Yésus.

La'ah tong kekat éh lepah pekalai keh ngan kekat éh nenéng keh, ngan éh ta'an keh tong akeu' nah, jian keh maneu' éh pekua' éh naneu' ke' nah kepéh. La'ah jian Tuhan Allah éh mena' Pengepawah Néh ngan uleu' pu'un pemung ngan ka'ah.

Jian ka'ah dawai kenin ngan kekat kelunan béé. Tuhan pu'un danii' juk tuai kepéh.

Jelua' koléé' akeu' jam kurang mu'un, ngan jelua' koléé' pu'un éh sukup mutaa' mu'un. Bang dalem kekat néh béé, akeu' jian kenin, kenat péh hun ké' beso, kenat péh hun ké' la'au', kenat péh hun ké' pu'un mutaa', ngan kenat péh hun ké' pu'un kurang.

Bé' akeu' pané kenat uban ké' pu'un kurang, uban hun néh kineu'-kineu' péh jalan ké', jian kenin ké' kenat.