Oblíbené biblické verše z KOLOSÉ 1

Sdílet

Uban pu'un Iah ngelepu lu' jin kekat penyukat éh tong merem, ngan pepiso lu' tai lem nihau Anak éh kemurung Néh

Uban dalem Iah Allah suai kekat ineu'-ineu' éh tong langit ngan éh tong tana', éh poléng ngan éh bé' poléng, kenat péh kekat meliket ngan ineu'-ineu' kepéh éh pu'un penyukat. La'ah Allah suai kekat tana' ngan langit neu' Anak Néh, dokoo' kekat penyuai Néh inah ngajung Kristus.

La'ah Kristus Anak Néh inah pu'un éh tenéh hun kekat ineu'-ineu' bé' jak pu'un, ngan neu' penyukat Néh kekat ineu'-ineu' pu'un petem reken.

Kristus Iah pekua' ngan Allah éh bé' omok ta'an kelunan palaa' maten usah néh. Kristus nah Anak Allah éh jah awah éh kemurung Néh, kepéh Iah pelapah jian jin kekat éh pu'un senuai Néh.

Uban néh kenat améé' ngelayau sebayang tong ka'ah. Pu'un mé' sebayang kenat jin bu'un mé' menéng rengah keh. Améé' menyat Tuhan nolong keh dokoo' keh omok jam mu'un tong pengeloo' Néh ngan jam seruh ngan nesen mu'un uban Sahéé' Tuhan pekelenaa' pengeloo' Néh ngan keh. Boh keh omok murip barei' Tuhan keloo' keh murip, ngan ngelayau ngepayoo' kenin Néh. Pinaa' buaa' keh kepéh éh neu' kuraa'-kuraa' kereja' keh éh jian, ngan pu'un keh pepit dalem pengejam keh tong Allah.