Oblíbené biblické verše z Genesis 49

Sdílet

Ikaw Juda, ay magturáy peyapeyang daya gakagaka mu, Panda ki ilalbet naya magturáy nga ittu kurug ya katurayán. Ay aggína ngin ya kur-kurugan da tolay se day-dayáwan da.

Ikaw Jose, daya gakagaka mu, ay árig da ya nabúnga tutu wala nga pasanga naya múla úbás nga ki adanni ki awweg ya nagtubuwán da; ay kumaray-kay da ki darupírip abut daya pas-pasanga da. Bút-bútug daya marammútug; gangngatan da, se pagan-anitán dada tutu wala

Ngamay akkan nala nga makínin datu pas-pasanga da. Nasikan datu im-íma da, ta pinasikan ne Dios nga Mannakabalin nga Dios ne Jacob, e Dios nga árig Maragtarakan ka karneru, se aggína ya mangigdù kadaya iIsrael; e Dios ya sumeng kaggída, nga Dios naya ama da, e Dios nga Mannakabalin ki ngámin, ay ittu ya magkallà kaggída, kadaya pagkallà a maggayát ka lángit ummán ki udán, se daya pagkallà a maggayát ki taggad lusà, ummán ki gabbuwà, se ya pagkallà nga adu annánà.

Ikaw Juda, ay pàgan daka daya wawwágim ma lalláki. Abákan mu daya kumalínga kikaw. Ay ngámin daya wawwágim ma lalláki ay dayáwan daka. Ikaw, ay árig mu ya bumarítu wa láyon. Nu mabalin mu kanan ya nígay mu, mawe ka kammin kiya agsiruán mu. Magidda ka nga magimáng nga ummán kiya kuwaan daya láyon. Ay áwan naturad da manglukág kikaw.

Ruben, ikaw ya manákam. Ikaw ya nunna nga pútut ku kitu kabílag ku pikam. Ikaw pe ya kadayáwan se ikaw ya katurayán kadaya pútut ku. Ngamay ummán ka ka balnag nga akkan meturung. Díkod akkan ikaw win ya katurayán. Ata rinag-ragitán mu ya idda naya ama mu, se rinag-ragitán mu ya dáyaw na, ta inlay mu ya naniyumán kikaw.