Oblíbené biblické verše z Madiyu 15

Sdílet

Ko꞉sega kelego꞉ asulo꞉wa a꞉la꞉ta꞉ga꞉lo꞉ mego꞉f amilo꞉ fa꞉la꞉dowab a꞉ma꞉yo꞉, kaluwo꞉ heyo꞉wo꞉ doma꞉ki ta꞉ta꞉sen. Mo꞉wo꞉ kaluwa꞉ asulo꞉ usamilo꞉ mogago꞉ ko꞉lilo꞉ fa꞉la꞉dowa꞉lab a꞉no꞉ we. Asulo꞉ mogago꞉wo꞉, kalu sana soma꞉no꞉ mano꞉, kalu galeso꞉ o꞉lia꞉ ga indo꞉ o꞉lia꞉ma꞉lo꞉ afa dian mano꞉, uwo꞉ dian mano꞉, afa dian mano꞉, nowo꞉mbo꞉lo꞉ diga꞉li sa꞉lan mano꞉, a꞉la꞉ta꞉ga꞉ sada꞉dan mano꞉ o꞉m.

Kelego꞉ kaluwa꞉ mego꞉f amilo꞉ ti ha꞉nab a꞉ma꞉yo꞉, Godeya꞉ siwa꞉l amio꞉ e heyo꞉wo꞉ doma꞉kiyo꞉ mo꞉dimidama꞉ib. Ko꞉sega kalu a꞉ma꞉ ene mego꞉fa a꞉la꞉ta꞉ga꞉lo꞉ handalowab a꞉ma꞉yo꞉sa, e heyo꞉wo꞉ doma꞉ki ta꞉fa꞉ib,” a꞉la꞉sio꞉.

“ ‘Kaluka꞉isale i wema꞉ mego꞉f mosowa꞉yo꞉ ni wiyo꞉ ko꞉lo꞉ wabudan, ko꞉sega inin asulo꞉wo꞉ ne o꞉lia꞉yo꞉ mo꞉imilo꞉, ko꞉na꞉ dofo꞉likigab. Iliyo꞉ ma꞉muwa꞉ man ko꞉lo꞉ widakiyo꞉, Godeya꞉ ene man a꞉no꞉ ko꞉lo꞉ wido꞉l a꞉la꞉sa꞉la꞉sen. Iliyo꞉ ne wi duludakilo꞉ to sa꞉la꞉lab a꞉no꞉ o꞉ngo꞉malo꞉ngo꞉ dowab.’ ”

Ya꞉su eyo꞉ to a꞉no꞉ da꞉da꞉sa꞉ga꞉yo꞉, emo꞉wo꞉ a꞉la꞉sio꞉, “Ga ge, tili dabu gilo꞉wo꞉ mada alan ko꞉lo꞉, kelego꞉ gilo꞉ fa꞉la꞉domabesa꞉ a꞉la꞉do꞉ asulab a꞉no꞉, hendele fa꞉la꞉doma꞉ki ta꞉to꞉l.” A꞉la꞉ta꞉ga꞉ wigibo a꞉naka gaya꞉ ida꞉yo꞉ hendele falelab.

Ko꞉sega ga a꞉no꞉ Ya꞉sulo꞉wa ya꞉sa꞉ga꞉ gulalu misa꞉fu alilakiyo꞉, emo꞉wo꞉ a꞉la꞉sio꞉, “Kalu Alan, giyo꞉ ne asuwa꞉foma.” Ya꞉su eyo꞉ towo꞉ a꞉ma꞉la꞉ sa꞉lakiyo꞉ a꞉la꞉sio꞉, “So꞉wagalina꞉ ma꞉no꞉wo꞉ asulia꞉ga꞉yo꞉, gasamo꞉ sandifa꞉no꞉wo꞉ mada mo꞉ililo꞉.” A꞉la꞉sa꞉labiki ga a꞉ma꞉ sa꞉lakiyo꞉, “Kalu Alan, gilo꞉ to sa꞉lab ko mada hendele. Ko꞉sega gasalo꞉ biso꞉wa꞉ i fofodo꞉ ha꞉g ami siliki, ma꞉n muda꞉yo꞉ sudufelab a꞉no꞉ ko꞉lo꞉ na꞉sen.”