Oblíbené biblické verše z Mga Taga-Roma 16

Sdílet

Ang Diyos ang nagbibigay ng kapayapaan, at malapit na niyang durugin si Satanas sa pamamagitan ninyo. Sumainyo nawa ang biyaya ng Panginoong Hesus.

Mga kapatid, nakikiusap ako sa inyo: Mag-ingat kayo sa mga taong lumilikha ng pagkakahati-hati at gumugulo sa pananampalataya ninyo. Nangangaral sila laban sa mga aral na natanggap ninyo sa amin. Kaya iwasan ninyo sila.

Ang mga taong ganyan ay hindi naglilingkod sa Panginoong Hesu-Kristo, kundi sa pansarili nilang hangarin. Dinadaya nila ang mga walang muwang sa pamamagitan ng mahuhusay nilang pananalita at pambobola.

Purihin natin ang Diyos na siyang makakapagpatibay sa pananampalataya ninyo ayon sa Magandang Balita na ipinangaral ko sa inyo. Ang Magandang Balita tungkol kay Hesu-Kristo ay inilihim nang matagal na panahon, ngunit ipinahayag na ngayon sa pamamagitan ng mga isinulat ng mga propeta. Itoʼy ayon sa utos ng walang kamatayang Diyos, upang ang lahat ng tao ay sumampalataya at sumunod sa kanya. Purihin natin ang Diyos na tanging nakakaalam ng lahat. Purihin natin siya magpakailanman sa pamamagitan ni Hesu-Kristo! Amen.