Oblíbené biblické verše z Filifos 2

Sdílet

Na nangyu ku én i funayu fandam i gamu knayè, na nangyu fdatah i ktoyu, bay balingyu fdanà, na fandamyu i dademe to mdatah fa di gamu kto. Na nangyu alò fabtas i gamu knayè, bay i knayè dad demeyu.

Fye ku i fandamyu salngad i fandam Krayst Dyisas, na ani sa dunan

Balù ku én kagkahan salngad Dwata, laan fasngad i kton di Dwata, bay balingan tnagak i kdatahan, na fasakan i kton, na fbaling kenen to di tah tanà. Na di kafbalingan to, toon fdanà fa i kton, na nimenan i kdee knayè Dwata kel di kfatin di krus.

Du Dwata sa i tmabeng gamu, na kenen i mlé gamu ayè na gnagan mimò i knayean di gamu.

Taman too fdatah kenen Dwata, na blén di kenen i dagit mdatah di kdee dagit, du fye i kdee mnè di langit na tanà, na balù di gumnè i dad mati, lkuad i kdeela du mangamfù ale, di kaklingela i dagit Dyisas. Na i kdeela tmulen na Dyisas Krayst i too glut Amu, du fye too magdayen Maito Dwata.

Na balù tan i knayean di gamu, tooyu nimò na nang gamu sugak demen sdal, du fye landè fakay mlé gamu salà, na landè sasè gbol di gamu dad ngà Dwata, balù mnè gamu di bleng i dad to sasè i gamsalà di tah tanà. Salngad gamu i dad blatik mneng di langit, i tmuyal i dad to mnè di gukmifun

Taman dad flanekgu kanbonggu nawa, di muna fa, di kdéén agu di safédyu, landè i làyu nimen di fngewegu gamu. Na lumban nan ani di ksawagito, tooyu fnadlug mimen i knayè Dwata gagin i klikòyu kenen, kel di ksikof i kagalwàyu mdà di kaflayam landè gusenan.