Oblíbené biblické verše z چیخیش 7

Sdílet

رب موسایا ددی: «سنی فئرعون اوچون تاری کئمی قویدوم، قارداشین هارون دا سنئن پیغمبرئن اولاجاق.

لاکئن من فئرعونون اوره‌یئنی عئنادکار اده‌جیم کی، مئصئر تورپاغیندا گؤرسده‌جیئم علامتلر و مؤجوزه‌لری چوخالدیم. او سئزه قولاق آسمایاجاق. او واخت من الئمی مئصئر تورپاغینا اوزادیب، بؤیوک جزالار گؤندَ‌ره‌رک، قوشونومو، خالقیم اولان ائسرایئل اؤولادلارینی مئصئر اؤلکه‌سئندن چیخارداجاغام.

اَلئمی مئصئر اؤلکه‌سئنه اوزادیب ائسرایئل اؤولادلارینی اونلارین آراسیندان چیخارتدیغیم واخت مئصئرلی‌لر بئله‌جکلر کی، رب منم!»

لاکئن فئرعون مودرئک آداملاری و جادوگرلری چاغیردی. مئصئر سِحربازلاری دا اؤز سِحرلری ائله بله اتدئلر. هر بئری اؤز دَیَنَکئنی یره آتیب ائلانا دؤندَردی، آمّا هارونون دَیَنَکی، اونلارین دَیَنَکلرئنی اودّو.

بونا گؤره ده رب بله دیئر: بوندان بئله‌جکسن کی، رب منم. باخ، من الئمده‌کی دَیَنَکی نئل چایینین سویونا ووراجاغام، اوندا سو قانا دؤنه‌جک.

«فئرعون سئزه دئیَنده کی، ”بئر مؤجوزه گؤرسه‌دئن.“ موسا هارونا دسئن: ”اؤز دَیَنَکئنی گؤتوروب فئرعونون قاباغیندا یره آت کی، ائلانا دؤنسون.“» موسا و هارون فئرعونون یانینا گلئب، رب نجه امر اتمئشدی، اله ده اتدئلر. هارون اؤز دَیَنَکئنی فئرعونون و اونون اعیانلارینین موقابئلئنده یره آتدی و دَیَنَک ائلانا دؤندو.