Oblíbené biblické verše z Akintaahsonan 22

Sdílet

Miitahsh kaaTipencikenitc kaakii ishi'ikonitc omaanshimihtatimooman ci⁠kiikitonitc. Miitahsh o'o kaa'ikotc, “Aaniin itahsh kaah⁠tootawinaan, o'o aasha nihsink kaa⁠pahpahkihte'oyan?” okii'ikoon.

Miitahsh Pelam kaa⁠ishi ishi'ikotc kaaTipencikenitc ci⁠waapitc, miihsh kaakii waapamaatc kaaTipencikenitc otencalimini e⁠niipawinitc miihkanaank e⁠tahkonaminitc pashipa'ikewihkomaan. Miitahsh kaa⁠ishi animihkohtaatc mihtahkamik.

Miitahsh kaa'ikotc ini encalan, “Wekonenini tahsh nihswaa kaa⁠onci pahkihte'watc kimaanshimihtatimoom. Mii osha'i wenci piishaayaan ewii nakaashkawinaan, aaniihsh kaawiin sesik kitishaahsii o'o kaa⁠pimi ayaayan.

O'o tahsh okii'ikoon, “Kaawiin ina niin a'a peshikwan kimaanshimihtatimoom minihk kaapi pimaatisiyan kaa⁠pipimiwanaaninaan? Wiihkaa na o'o kipi tootawin otaanaank?” okii'ikoon. “Kaawiin,” itahsh okii'inaan.

Miihsh Pelam kaa'inaatc omaanshimihtatimooman, “Onsaam aaniihsh kikakiipaasinaako'ish! Kiishpin hsa pashipa'ikewihkomaan eyaayaampaan, aasha kitaakii nihsin,” okii'inaan.

Ahpii tahsh omaanshimihtatimooman e⁠waapamaanitc kaaTipencikenitc otencalimini, mii hsa 'i kaa⁠ishi oshihshininitc mekwaa Pelam eh⁠pimiwanaasotc. E⁠nishki'ikotc itahsh, mii 'i kaa⁠ishi pahpahkihte'waatc mihtik ekii aapacihtootc.