Oblíbené biblické verše z Ekihsatahs 10

Sdílet

KaaTipencikenitc itahsh Moosihs (Moses) okii'ikoon, “Maacaan, anta waapam Peroo (Pharaoh) , ninkiih tootawaa ohsha ci⁠shashiipihtank, i'i kaye otaanihkewikimaama', ewiih tootamowak nimaamahkaaci kihkinawaacihcikewinan mekweya'ii eshi'ayaawaatc. Miitahsh i'iweni ke⁠ani waawiintamawekwaa kiniicaanihsiwaak, kooshihsiwaak itahsh kaye aaniin kaakii ishi manaaci'aahsiwakwaa Iicip (Egypt) kaatinowiwaatc, aaniin kaakii ishi naakohtamawakwaa nimaamahkaaci kihkinawaacihcikanan eshi'ayaawaatc, ci⁠kihkentamek hsa niin kaaTipencikeyaan eh⁠tinowiyaan,” okii'ikoon.

Miitahsh Moosihs kaa'ikotc kaaTipencikenitc, “Ishpimink inahke ishi niiminihkenin, ci⁠kashkiitipihkahk misiwe Iicipahkiink (Egypt) . Ke⁠ahpiihci kashkiitipihkahk hsa ta⁠toohkishkikemakan,” okii'ikoon. Moosihs hsa tahsh ishpimink inahke kii‑ishi niiminihkeni, wiinke tahsh kii⁠kihpaki kashkiitipihkan i'imaa misiwe ahkiink nihsokiishik minihk. Kaawiin hsa awaac kii⁠waapantihsiiwa', kaawiin kaye okii onci nakatansiini otaawinini nihsokiishik minihk. Kaakii ishitaanitc itahsh wiin Isriyala' (Israel) wiinke kii⁠waahseyaani.

Moosihs hsa tahsh okii ishi niimaahkonaan osahka'onaahk i'imaa Iicipahkiink. KaaTipencikenitc itahsh kii‑ishihcikewan ci⁠waapaninoowenik i'imaa misiwe ahkiink kapekiishik, kapetipihk kaye. Miitahsh eh⁠kishepaawakaninik kaakiih pakami wepaahshinitc pahpahkine'. Misiwe hsa ko pahpahkine' kii⁠ayaawa' Iicipahkiink. Misiwe hsa piko kii‑ishi'ayaawa' eshi pepahkaanentaakwaninik i'imaa Iicipahkiink. Kaawiin hsa wiihkaa otaanaank i'i kiihpi tashihsiiwa', kaawiin miina wiihkaa i'i ta⁠ishiwepahsinoon.