Oblíbené biblické verše z ᐁᑭᓴᑕᔅ 20

Sdílet

ᓃᓐ ᐅᔕ ᑳᑎᐯᒋᑫᒡ ᑭᑭᔐᒪᓂᑑᒻ ᑳᑮ ᓵᑭᒋᐎᓂᓈᓐ ᐌᑎ ᐄᒋᐸᑮᕽ Egypt , ᑳᑮ ᐃᔑ ᑲᒀᑕᑭ ᒥᑦᑲᓄᑮᐃᑯᔭᐸᓐ᙮ ᑫᑯ ᐸᑳᓐ ᒪᓂᑑᒃ ᐊᔮᐙᑫᓐ ᐁᓈᓴᒦᔮᓐ᙮

ᑫᑯ ᐅᔑᑕᒫᓱᑫᓐ ᒪᓂᑑᐎ ᐅᔑᒋᑲᓇᒃ ᒋᐃᔑᓈᑯᓯᐙᒡ ᑫᑰᓐ ᐁᔑᓈᑾᒃ ᑭᒋ ᑮᔑᑯᕽ, ᑯᒫ ᑲᔦ ᐊᑮᕽ, ᑯᒫ ᑲᔦ ᐌᑎ ᑫᑰᓐ ᐁᔮᒃ ᐊᓈᒥᐲᒃ᙮ ᑫᑯ ᑲᔦ ᐅᒋᒌᑾᓇᐲᑕᐙᑫᓐ ᐊᐌᓀᓇᒃ ᐃᑯ ᑎᓄ ᒪᓂᑑᑳᓇᒃ, ᑫᑯ ᑲᔦ ᐊᓇᒥᐁᑕᐙᑫᓐ᙮ ᓃᓐ ᐄᑐᒃ ᑳᑎᐯᒋᑫᒡ ᐌᑭᔐᒪᓂᑑᒥᔭᓐ, ᑳᐐᓐ ᑕᔥ ᐊᐙᒡ ᐃᑯ ᑭᐸᑭᑎᓂᓯᓅᓐ ᐸᑳᓐ ᒪᓂᑑ ᒋᐊᔮᐗᒡ᙮ ᓂᑲ ᓇᓇᐊᓵᒃ ᓴ ᐃᑭ ᑳᔒᑫᓂᒥᐙᒡ, ᐅᐲᐌᓰᒥᐙᐞ ᑲᔦ, ᐲᓂᔥ ᓂᓯᕽ, ᑯᒫ ᑲᔦ ᓃᐎᕽ ᑫᓂ ᐊᔮᓂᑫ ᓂᑖᐎᑭᐃᑎᐙᒡ᙮

ᑭᑌᓂᒻ ᑭᑌᑌ, ᑭᒫᒫ ᑲᔦ, ᑭᓉᔥ ᒋᐱᒫᑎᓯᔭᓐ ᐃᐃᒫ ᐊᑮᕽ ᑳᑎᐯᒋᑫᒡ ᑭᑭᔐᒪᓂᑑᒻ ᑳᐐ ᒦᓂᒃ᙮

ᒫᒥᑲᐎᓄᑕᓐ ᑲᔦ ᑳᐊᓉᐲᐎ ᑮᔑᑲᒃ, ᑭᔐᒪᓂᑑ ᓴ ᐃᐃᐌᓂ ᐅᑮᔑᑲᓄᒻ᙮

ᑫᑯ ᑕᔥ ᑲᔦ ᐊᓅᒋᑯ ᐃᓈᐸᒋᑑᐙᑫᓐ ᑳᑎᐯᒋᑫᒡ ᐅᐐᓱᐎᓐ ᑭᑭᔐᒪᓂᑑᒻ, ᑳᐐᓐ ᐅᔕ ᑳᑎᐯᒋᑫᒡ ᐅᑲ ᐋᓶ ᓇᓇᐊᓵᓰᓐ ᐃᓂᐌᓂᐗᓐ ᐊᓅᒋᑯ ᑳᐃᓈᐸᒋᑑᓂᒡ ᐅᐐᓱᐎᓐ᙮

ᓂᑯᑣᓱᑮᔑᒃ ᓴ ᑭᐸᑭᑎᓂᑰ ᒋᑑᑕᒪᓐ ᑲᑭᓇ ᑭᑕᓄᑮᐎᓇᓐ᙮ ᐃᐃ ᑕᔥ ᐐᓐ ᑳᓃᔣᓱᑮᔑᑲᒃ ᒦ ᓴ ᐃ ᐁᐊᓉᐲᐎ ᑮᔑᑲᒃ ᑭᔐᒪᓂᑑ ᐐᓐ ᐃᑯ ᑳᑎᐯᑕᕽ᙮ ᑳᐐᓐ ᓴ ᐊᐎᔭ ᑕᐊᓄᑮᓰ ᐃᐃ ᐊᐲ᙮ ᑳᐐᓐ ᑭᑲ ᐊᓄᑮᓰᒻ, ᑭᑯᓯᓴᒃ, ᑭᑖᓂᓴᒃ, ᑭᑕᓄᑮᐋᑲᓇᒃ ᑳᐃᑴᐎᐙᒡ, ᑳᐃᓂᓃᐎᐙᒡ ᑲᔦ᙮ ᑳᐐᓐ ᑲᔦ ᑭᑕᐗᑳᓇᒃ, ᐃᑭ ᑲᔦ ᑳᒪᔭᑭᓯᐙᒡ ᑳᐐᒋ ᐊᔮᒥᒀ᙮

ᑫᑯ ᑲᔦ ᒥᓴᐌᑕᒪᐙᑫᓐ ᑮᒋᐱᒫᑎᔅ ᐅᐙᑳᐃᑲᓐ᙮ ᑫᑯ ᑲᔦ ᒥᓴᐌᓂᒥᒫᑫᓐ ᑮᒋᐱᒫᑎᔅ ᐐᐗᓐ, ᑯᒫ ᑲᔦ ᐅᑕᓄᑮᐋᑲᓇᓐ ᑳᐃᑴᐎᓂᒡ, ᑯᒫ ᑲᔦ ᑳᐃᓂᓃᐎᓂᒡ᙮ ᑫᑯ ᑲᔦ ᒥᓴᐌᑕᒪᐙᑫᓐ ᐅᐱᔑᑮᒪᓐ, ᐅᒫᔑᒥᑕᑎᒨᒪᓐ, ᑫᑰᓂᓂ ᑲᔦ ᑮᒋᐱᒫᑎᔅ ᑳᐊᔮᒡ᙮

ᑫᑯ ᑲᔦ ᐊᓅᒋᑯ ᐃᔑ ᐊᓂᔕ ᐊᓈᒥᒫᑫᓐ ᑮᒋᐱᒫᑎᔅ ᑫᐅᒋ ᒫᔑᓭᒡ᙮

ᑫᑯ ᑲᔦ ᐸᐹᒣᓂᒥᒫᑫᓐ ᐊᐎᔭ ᐅᐐᑎᑫᒫᑲᓇᓐ ᐱᔑᒀᒐᔭᐃᕽ ᐃᓇᑫ᙮

ᑫᑯ ᑲᔦ ᓂᔑᐌᑫᓐ᙮

ᑫᑯ ᑲᔦ ᑮᒨᑎᑫᓐ᙮