Oblíbené biblické verše z ᐁᑭᓴᑕᔅ 10

Sdílet

ᑳᑎᐯᒋᑫᓂᒡ ᐃᑕᔥ ᒨᓯᔅ Moses ᐅᑮᐃᑰᓐ, ᒫᒑᓐ, ᐊᑕ ᐙᐸᒻ ᐯᕒᐆ Pharaoh , ᓂᑮ ᑑᑕᐙ ᐅᔕ ᒋᔕᔒᐱᑕᕽ, ᐃᐃ ᑲᔦ ᐅᑖᓂᑫᐎᑭᒫᒪᐞ, ᐁᐐ ᑑᑕᒧᐗᒃ ᓂᒫᒪᑳᒋ ᑭᑭᓇᐙᒋᒋᑫᐎᓇᓐ ᒣᑴᔭᐄ ᐁᔑᐊᔮᐙᒡ᙮ ᒦᑕᔥ ᐃᐃᐌᓂ ᑫᐊᓂ ᐙᐐᑕᒪᐌᒀ ᑭᓃᒑᓂᓯᐙᒃ, ᑰᔑᓯᐙᒃ ᐃᑕᔥ ᑲᔦ ᐋᓃᓐ ᑳᑮ ᐃᔑ ᒪᓈᒋᐋᓯᐗᒀ ᐄᒋᑉ Egypt ᑳᑎᓄᐎᐙᒡ, ᐋᓃᓐ ᑳᑮ ᐃᔑ ᓈᑯᑕᒪᐗᒀ ᓂᒫᒪᑳᒋ ᑭᑭᓇᐙᒋᒋᑲᓇᓐ ᐁᔑᐊᔮᐙᒡ, ᒋᑭᑫᑕᒣᒃ ᓴ ᓃᓐ ᑳᑎᐯᒋᑫᔮᓐ ᐁᑎᓄᐎᔮᓐ, ᐅᑮᐃᑰᓐ᙮

ᒦᑕᔥ ᒨᓯᔅ ᑳᐃᑯᒡ ᑳᑎᐯᒋᑫᓂᒡ, ᐃᔥᐱᒥᕽ ᐃᓇᑫ ᐃᔑ ᓃᒥᓂᑫᓂᓐ, ᒋᑲᔥᑮᑎᐱᑲᒃ ᒥᓯᐌ ᐄᒋᐸᑮᕽ Egypt ᙮ ᑫᐊᐲᒋ ᑲᔥᑮᑎᐱᑲᒃ ᓴ ᑕᑑᑭᔥᑭᑫᒪᑲᓐ, ᐅᑮᐃᑰᓐ᙮ ᒨᓯᔅ ᓴ ᑕᔥ ᐃᔥᐱᒥᕽ ᐃᓇᑫ ᑮᐃᔑ ᓃᒥᓂᑫᓂ, ᐐᑫ ᑕᔥ ᑮᑭᐸᑭ ᑲᔥᑮᑎᐱᑲᓐ ᐃᐃᒫ ᒥᓯᐌ ᐊᑮᕽ ᓂᓱᑮᔑᒃ ᒥᓂᒃ᙮ ᑳᐐᓐ ᓴ ᐊᐙᒡ ᑮᐙᐸᑎᓰᐗᐞ, ᑳᐐᓐ ᑲᔦ ᐅᑮ ᐅᒋ ᓇᑲᑕᓰᓂ ᐅᑖᐎᓂᓂ ᓂᓱᑮᔑᒃ ᒥᓂᒃ᙮ ᑳᑮ ᐃᔑᑖᓂᒡ ᐃᑕᔥ ᐐᓐ ᐃᔅᕒᐃᔭᓬᐊᐞ Israel ᐐᑫ ᑮᐙᓭᔮᓂ᙮

ᒨᓯᔅ ᓴ ᑕᔥ ᐅᑮ ᐃᔑ ᓃᒫᑯᓈᓐ ᐅᓴᑲᐅᓈᒃ ᐃᐃᒫ ᐄᒋᐸᑮᕽ᙮ ᑳᑎᐯᒋᑫᓂᒡ ᐃᑕᔥ ᑮᐃᔑᒋᑫᐗᓐ ᒋᐙᐸᓂᓅᐌᓂᒃ ᐃᐃᒫ ᒥᓯᐌ ᐊᑮᕽ ᑲᐯᑮᔑᒃ, ᑲᐯᑎᐱᒃ ᑲᔦ᙮ ᒦᑕᔥ ᐁᑭᔐᐹᐗᑲᓂᓂᒃ ᑳᑮ ᐸᑲᒥ ᐌᐹᔑᓂᒡ ᐸᐸᑭᓀᐞ᙮ ᒥᓯᐌ ᓴ ᑯ ᐸᐸᑭᓀᐞ ᑮᐊᔮᐗᐞ ᐄᒋᐸᑮᕽ᙮ ᒥᓯᐌ ᓴ ᐱᑯ ᑮᐃᔑᐊᔮᐗᐞ ᐁᔑ ᐯᐸᑳᓀᑖᑾᓂᓂᒃ ᐃᐃᒫ ᐄᒋᐸᑮᕽ᙮ ᑳᐐᓐ ᓴ ᐐᑳ ᐅᑖᓈᕽ ᐃᐃ ᑮᐱ ᑕᔑᓰᐗᐞ, ᑳᐐᓐ ᒦᓇ ᐐᑳ ᐃᐃ ᑕᐃᔑᐌᐸᓯᓅᓐ᙮