Oblíbené biblické verše z ܡܪܩܘܣ 2

Sdílet

ܟܲܕ ܫܡܝܼܥ ܠܹܗ ܝܼܫܘܿܥ ܐܵܗܵܐ، ܐ݇ܡܝܼܪܹܗ ܐܸܠܲܝܗܝ، ”ܠܹܐ ܝܢܵܐ ܣܢܝܼܩܹܐ ܠܐܵܣܝܵܐ ܐܵܢܝܼ ܕܝܼܢܵܐ ܒܚܘܼܠܡܵܢܵܐ، ܐܸܠܵܐ ܐܵܢܝܼ ܕܡܪܝܼܥܹܐ ܝܢܵܐ. ܠܵܐ ܐ݇ܬܹܐ ܠܝܼ ܕܩܵܪܹܝܢ ܠܙܲܕܝܼܩܹ̈ܐ ܐܸܠܵܐ ܠܚܲܛܵܝܹ̈ܐ.“

ܟܲܕ ܚܙܹܐ ܠܹܗ ܝܼܫܘܿܥ ܗܲܝܡܵܢܘܼܬܲܝܗܝ، ܐ݇ܡܝܼܪܹܗ ܠܗ̇ܘ ܫܦܝܼܠܵܐ، ”ܒܪܘܿܢܝܼ، ܦܘܼܚܠܹܐ ܝܢܵܐ ܐܸܠܘܼܟ݂ ܚܛܝܼܵܬܘܼ̈ܟ݂.“

ܘܐ݇ܡܝܼܪܹܗ ܐܸܠܲܝܗܝ، ”ܫܲܒܬܵܐ ܦܝܼܫܬܵܐ ܝܠܵܗ̇ ܒܪܝܼܬܵܐ ܩܵܐ ܒܲܪܢܵܫܵܐ، ܠܵܐ ܒܲܪܢܵܫܵܐ ܩܵܐ ܫܲܒܬܵܐ.

ܘܐܝܼܡܲܢ ܕܠܵܐ ܡܨܹܐ ܠܗܘܿܢ ܩܲܪܒܸܢܝܼ ܗ݇ܘܵܘ ܠܟܸܣ ܝܼܫܘܿܥ ܡ̣ܢ ܟܸܢܫܵܐ، ܓܘܼܠܹܐ ܠܗܘܿܢ ܠܐ݇ܓܵܪܹܐ ܐܲܝܟܵܐ ܕܝܼܗ݇ܘܵܐ ܝܼܫܘܿܥ، ܘܡܘܼܨܠܹܐ ܠܗܘܿܢ ܠܫܘܝܼܬܵܐ ܕܥܲܠܘܼܗ̇ ܝܗ݇ܘܵܐ ܗ̇ܘ ܫܦܝܼܠܵܐ.

”ܐܝܼܢܵܐ ܕܝܵܕܥܝܼܬܘܿܢ ܕܒܪܘܿܢܵܐ ܕܐ݇ܢܵܫܵܐ ܐܝܼܬ ܠܹܗ ܫܘܼܠܛܵܢܵܐ ܥܲܠ ܐܲܪܥܵܐ ܕܦܲܚܸܠ ܚܛܝܼܵܬܹ̈ܐ،“ ܗ̇ܝܓܵܗ ܐ݇ܡܝܼܪܹܗ ܠܫܦܝܼܠܵܐ، ”ܐܸܠܘܼܟ݂ ܒܹܐܡܵܪܵܐ ܝܘܸܢ: ܩܘܼܡ، ܫܩܘܿܠ ܫܘܝܼܬܘܼܟ݂ ܘܙܹܠ݇ ܠܒܲܝܬܘܼܟ݂.“

”ܐܲܝܢܝܼ ܝܠܹܗ ܒܘܼܫ ܦܫܘܼܩܵܐ ܠܹܐܡܵܪܵܐ ܠܫܦܝܼܠܵܐ، ’ܦܘܼܚܠܹܐ ܝܢܵܐ ܐܸܠܘܼܟ݂ ܚܛܝܼܵܬܘܼ̈ܟ݂،‘ ܝܲܢ ܠܹܐܡܵܪܵܐ، ’ܩܘܼܡ، ܫܩܘܿܠ ܫܘܝܼܬܘܼܟ݂ ܘܚܕܘܿܪ؟‘

ܘܗܲܪ ܒܗ̇ܝ ܥܕܵܢܵܐ ܩܝܼܡ ܠܹܗ، ܫܩܝܼܠ ܠܹܗ ܫܘܝܼܬܹܗ ܘܦܠܝܼܛ ܠܹܗ ܩܵܕ݇ܡ ܥܲܝܢܹ̈ܐ ܕܟܠܲܝܗܝ، ܗܲܕܟ݂ܵܐ ܕܥܲܓ̰ܒܝܼ ܗ݇ܘܵܘ ܟܠܲܝܗܝ، ܘܫܲܒܚܝܼ ܗ݇ܘܵܘ ܠܐܲܠܵܗܵܐ، ܒܹܐܡܵܪܵܐ، ”ܗܲܪ ܠܹܐ ܝܘܲܚ ܚܸܙܝܹܐ ܗܲܕܟ݂ܵܐ ܡܸܢܕܝܼ.“