Oblíbené biblické verše z ܩܘܗܠܬ 1

Sdílet

ܣܵܒܵܒ ܒܦܸܪܝܘܼܬܵܐ ܕܚܸܟ݂ܡܬܵܐ ܐܝܼܬ ܪܵܒܵܐ ܚܲܫܵܐ، ܘܡܲܙܝܸܕܵܢܵܐ ܕܝ݇ܕܲܥܬܵܐ ܟܹܐ ܡܲܙܝܸܕ ܟܹܐܒ݂ܵܐ.

ܡܸܢܕܝܼ ܕܗܘܹܐ ܠܹܗ ܗ̇ܘ ܝܼܠܹܗ ܕܒܸܬ ܗܵܘܹܐ، ܘܡܸܢܕܝܼ ܕܦܝܼܫ ܠܹܗ ܥܒ݂ܝܼܕܵܐ ܗ̇ܘ ܝܼܠܹܗ ܕܒܸܬ ܦܵܐܹܫ ܥܒ݂ܝܼܕܵܐ، ܘܠܲܝܬ ܡܸܢܕܝܼ ܚܵܕ݇ܬܵܐ ܬܚܘܿܬ ܫܸܡܫܵܐ.

ܟܠܲܝܗܝ ܡܸܢܕܝܼܵܢܹ̈ܐ ܡܲܓ̰ܗܝܼܵܢܹ̈ܐ ܝܢܵܐ، ܠܹܐ ܡܵܨܹܐ ܐ݇ܢܵܫܵܐ ܠܗܲܡܙܘܼܡܹܐ ܒܘܼܬ ܕܝܼܲܝܗܝ، ܠܹܐ ܣܵܒ݂ܥܵܐ ܥܲܝܢܵܐ ܡ̣ܢ ܠܸܚܙܵܝܵܐ، ܘܠܹܐ ܡܵܠܝܵܐ ܢܵܬܵܐ ܡ̣ܢ ܠܸܫܡܵܥܵܐ.

”ܣܪܝܼܩܘܼܬܵܐ ܕܣܪ̈ܝܼܩܘܼܝܵܬܹܐ،“ ܒܹܐܡܵܪܵܐ ܝܠܹܗ ܟܵܪܘܿܙܵܐ، ”ܣܪܝܼܩܘܼܬܵܐ ܕܣܪ̈ܝܼܩܘܼܝܵܬܹܐ. ܟܠ ܡܸܢܕܝܼ ܣܪܝܼܩܘܼܬܵܐ ܝܠܹܗ.“ ܡܘܿܕܝܼ ܝܘܼܬܪܵܢܵܐ ܐܝܼܬ ܠܒܲܪܢܵܫܵܐ ܒܟܠܹܗ ܥܲܡܠܹܗ ܕܟܹܐ ܥܵܒܹܕ ܬܚܘܿܬ ܫܸܡܫܵܐ؟

ܚܙܹܐ ܠܝܼ ܠܟܠܲܝܗܝ ܥܒ݂ܵܕܹ̈ܐ ܕܦܝܼܫ ܠܗܘܿܢ ܥܒ݂ܝܼܕܹܐ ܬܚܘܿܬ ܫܸܡܫܵܐ، ܘܗܵܐ، ܟܠܹܗ ܣܪܝܼܩܘܼܬܵܐ ܝܠܹܗ ܘܩܦܵܝܬܵܐ ܕܦܵܘܚܵܐ.

ܕܵܘܪܵܐ ܟܹܐ ܐܵܙܹܠ، ܘܕܵܘܪܵܐ ܟܹܐ ܐܵܬܹܐ، ܐܝܼܢܵܐ ܐܲܪܥܵܐ ܠܥܵܠܲܡ ܡܩܵܘܝܵܢܬܵܐ ܝܠܵܗ̇.

ܠܲܝܬ ܕܟ݂ܵܪܵܐ ܠܩܲܕ݇ܡܵܝܹ̈ܐ، ܘܐܘܼܦ ܠܵܐ ܠܐ݇ܚܵܪ̈ܵܝܹܐ ܕܒܸܬ ܗܵܘܝܼ، ܠܹܐ ܗܵܘܹܐ ܐܸܠܲܝܗܝ ܕܟ݂ܵܪܵܐ ܠܟܸܣ ܐܵܢܝܼ ܕܗܵܘܝܼ ܒܵܬ݇ܪ ܗܵܕܵܐ.

ܘܡܘܼܬܸܒ݂ ܠܝܼ ܠܸܒܝܼ ܠܝܼܕܵܥܵܐ ܚܸܟ݂ܡܬܵܐ ܘܝ݇ܕܲܥܬܵܐ، ܘܐܘܼܦ ܫܹܐܕܵܢܘܼܬܵܐ ܘܣܲܟ݂ܠܘܼܬܵܐ. ܘܝ݇ܕܝܼܥ ܠܝܼ ܕܐܘܼܦ ܐܵܗܵܐ ܩܦܵܝܬܵܐ ܕܦܵܘܚܵܐ ܝܠܵܗ̇.