Oblíbené biblické verše z MARKKC 13

Sdílet

Odokkc nolum appvngc tayumyc ngok lcgangc. Ckvdaggom sc:kobvi mentumsula du:ycnc bv turyc.

Ansutoka, darra du:lang; kapila:nc cdvlo ayirdc pvnga:ycsong nolu kinmang.

Odokkc cdvloi bulu nolum kcba:lo soabomycnc odokkc nolum topakycnc, nolu okkom lupcnammcnc mcngkesula siyoka; cmpige:la odo ayirdo okkomci biycji cdcmci lulangka, kapila:nc cdc luncdc nolumang, cmpige:la cdc Angunnc Yalodc.

Do:mvrtc odokkc mo:pvsc yogpakyc, cmpige:la ngok agomkvdv:dc yogpakma:yc.

“Cmpige:la cdc longcdcm cdcmanggom cdc ayirdcm sc:kosin kinmang, taycng amo:tok lutad lunckvdv:dc:sinci, cdcmanggom Awodc:sin, cmpige:la Abudcwong.

Odokkc cdvlo mimag monamcm nolu tadbegycnc odokkc mimag monamlok lubonna lunam agomcm, tadlomsuyoka; cdcm ipci iyc, ckvdaggom du:tcrdungapdc pvnga:ma:da.

Darra ka:ya:la du:tok cdcmpiga:lok– Kapila:nc cdvloi okumdok ru:tumdc gv:yckusong nolu kinmang, yumcayirdoisong, cdcmpcmanggom yumc kvdvsuddoisong, cdcmanggom porogkokdoisong, cdcmanggom ro:doisong– ckvma:mvlo Bv vgcmpc gvlangkula nolum yubla du:dom gagycku. Odokkc nolum ngo okkom ludu:nc ngo appvngcm ludung: toya:la du:toka.”

Kapila:nc opvnkvdv:dc opvnkvdv:dokki pakkeka:mvnsuyc, odokkc migom donc amongc migomdonncm moka:mvnsuyc; mo:di: mo:di:lo tarcmo:tonc tonyc, dobegtv:begma:namc lenyc; cmpige:la cdc ommang pa:dom kinamlok kisango:nammc.

Odokkc tadponc do:yv:dcm appvng opvnlo lungappo:pa:ru:yc.

Ngok aminno bojcrungc gvyc, scmpc lula, ‘Ngo Bv!’ Odokkc bulu bojcrungcm lambcm gvyodboyc.

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

Lume:lun Kristokvdv:dc odokkc lume:la lungor lunc tani:kvdv:dc lenyc odokkc mcngapla:ma:nam kanggodcm lcngkanyc, gvyodbola gvbopcmna, pagmvlo, cdc balennam kvdv:dcmsin.

“Cmpige:la odo longckvdv:do, cdc asin mc:pinsudo dokkc, do:nyitcm kcmomoyc, odokkc, po:lok pvang pvma:yc, odokkc takarkvdv:dc taycng amo:tokkc kcdledamyc, odokkc do:mvrtok kvnggv:pc mcnggcsunamkvdv:dcm yonkukyc.