Oblíbené biblické verše z MATHI 5

Sdílet

Yungsho shenü she tsün takkihbah muluknü hüpdoa muzochoh; tüshe adubopung kheak zochoh, tüsho junü thüyam ching larü alala kilim yinshihchoh. Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

Nüsa alomi ayinatrüm. Awung kheak lakhi kiuto amüyimpü mukuk.

Mulong müsühde alarübo asühpü, tümüde arünü Thrünpuh ngübah.

Thiyuro-lungki thsungkheak khümkethürirü asühpü, tümüde arü bukthsübah.

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang

“Me ching zholümde alarübo asühpü, tümüde yinmi kiulongthsü arü yo.

Mungtsü thsürübo asühpü, tümüde arü ki Thrünpuh tsührübo de ajibah.

Mitriprübo asühpü, tümüde arübo mulong shukheambah.

Thiyuro-lungki dünkheaknü thsümüchirübo asühpü, tümüde yinmi kiulongthsü arü yo.

Mihmüthsümrü asühpü, tümüde arü ki mihmüthsüm huhbah.

“I dünkheaknü arünü nüsa mükhemükimde thsümüchichoki tüsho arükchihnü nüsa azhihde amütsü alala thachoki nüsa asühpü. Asühachihang tüsho asühang, tümütüsho yinmi ching nüsa thsambah ato lah, tümüde nüsa müngüh larü wukihrübo arünü hanangde thsümüchikheah.

Tsüyihrübo asühpü, tümüde arünü alomi yamrüplurüp lubah.

“Nüsa alomi thimi ah; tüshe thimi ju amüsüpbe dükheakabahsho, ju küde thsah amüsüpshihba? Ju tümü thsungkheak she atsü müla, ju abahbah tüsho mihtsürübonü ajungbah.

Jumonü yinmi ching nüsa Abuh khiukdahkhi nangde nüsa khiukdahde laang.

Tüshe nünü am tüsho am dang, tüsho yung tüsho yung dang; tümükhüh ha hobah lasho ju amütsübe limnü arüchoh.

“Hade athakhi nüsanü sodo, ‘Mük müthri mük, tüsho hü müthri hü.’ Tüshe amütsü mihtsürü ki dathrihlo de inü nüsa ki thachoh. Khürünü nü müchip tsülim damsho, api kilim khülim she leangjang.

Nü mük tsülimnü nü neak yihbeakshihsho, ju khünkhita bahang. Nü pang alala thsümüchipung ching jipyukpü dün a nü jingkhah khürü dükheakkhi atsübe ah. Tüsho nü khah tsülimnü nü neak yihbeakshihsho, ju lipkhia bahang. Nü pang alala thsümüchipung ching jipyukpü dün a nü jingkhah khürü dükheakkhi atsübe ah.