Oblíbené biblické verše z KOLOSI 3

Sdílet

khülangnü khülang arümkheamachihde, tüsho khürünü püpürü azhihde atsangpü lasho, neak bahachihang; Atungpuhnü nüsa neak bahjihkhi nangde nüsanü she neak bahjihbeah.

Alomi ching lakhi kukrukbo kheak yungde, akulim lakhi kukrukbo kheak nüsa lümkhibo zoang.

Nünü tümüpürü rhimobanü, mihtsürü thsungkheak yungde, Atungpuh thsungkheak rhimokhi nangde nü mulong alalanü rhimoang

Thrünpuhnü mokhitkhi, amüsüh tüsho amuzhokhi a le, amuzho, tsüyihkhi, aninirü kamkhi, azhihayih tüsho arümkheam yihang

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang. Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

Tüsho harü alala kurungkheak, tsüdakde arihakokhi ching lüpdükhi rhükrukhi amuzho yihang.

Nü Khrista lung arhang kamlokheasho, Thrünpuh khah tsülim Khrista bina lapung, akulim kukrukbo yimang.

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

Tümüde nü shedo, tüsho nü ju Khrista lung rhangdung Thrünpuh kheak jika lah.

Tüshe kheakü alala chamkhia bahang: bukakhiuk, mulong zhipzhip, lungchihlunghean, dünthamungtha, nü mün chingnü makhamaleak thakhi.

Khülangnü khülang ki akeangyu dütha, tümütüsho nüsanü awün yakli rhimobo bahdo, tüsho athrünrü mejak yande mükheahmudu ching aso kamlokhi yakli aso yihbah.

Niubuhrübo, nüsa niuberübo muzhoang, tüsho arü kheak müküpde düla.

Tsührübo, lüpdükhi ching nüsanü berübuhrü ki mihyuaniang, tümüde hanü Atungpuh asühshihchoh.

Niuberübo, Atungpuh kheak ayekhi nangde nüsa niubuhrü bukkhüp laang.