Oblíbené biblické verše z Aposelme 2

Sdílet

Ka bainae Pita ke ala rea roma, “Miau kenakena ngaka pulivalakale baingamiau reke sosoali na ngaka tunge lomiaumatenganame te Nutu. Ba ngaka rave pangamagoe nga Iesus Karais giana ta baina Nutu nge osurure baingamiau reke sosoali. Nae Nutu ke la tungnge tunga a i ae Kannu E Tupu te miau.

Na ra lopatokonakana te Karais keke matea raumana ina aposelme ke palomatantana rea. Ba bole keke palitungtungu karea oru, ba keke kaninni ba keke kavkava kinung.

Minmina na ri kinung keke ponu kae Kannu E Tupu. Na keke paturu ta pangamologa ka kaling re nga galiau pattoto kurumea Kannu E Tupu pangaginggingngana kerea.

Ba ka pannasa mana na oru a maina ma sauu e bollau ke atupisigi nga tava ba ke paponue iname karolu ngallo nga bale a ri ke tattaralu ngia. Ba ri keke kele oru reke base ma sia miminname ra sinrea ma ragau tengtengkereame. Na miminna nginngina keke palitavao kerea ba keke loa eke tara nga agau kenakena. Minmina na ri kinung keke ponu kae Kannu E Tupu. Na keke paturu ta pangamologa ka kaling re nga galiau pattoto kurumea Kannu E Tupu pangaginggingngana kerea.

Ka kaeme kinung na keke katualla kinung ngallo nga tempel ba keke kaninni kinung nga bale nga ri ka serengarea ba loreapengana. Keke kalapagpage Nutu ba ragau karolu ka loreape ka ra lopatokonakana. Ba ka kae kenakena nae Nutu ke pulisivalvale ragau pattoto ra i raravulele rea kala nga ra lopatokonakana nginngina.

“Nutu ke role roma, ‘Nga momong gunguna, na iau ka la kengalinge Kannu ae iau nga ragau kinung. Na goe rae miau ra panung ba na ra bale keke la pulingmalagange pangamologa a kanau ta ragau, ba goe rae miau ra ri ra taulai keke la kelange kelanga rae Nutu pakosining rea ki, bae Nutu ke la pakenongminge ravollalau kamiau memena reke papisigi tapu.

Ba ra lopatokonakana keke momo kinung ba orume ka oru nga kanrea kinung. Keke bava ka oru nga kanrea na keke tavova ka lollokanna ngaliua nge ri kurumea kenakena lonamatengana ka oru.

Bae Avolau ke la ravunglelenge ragau kinung reke kiu te i.’”

Kae e momo nga tava ke la kamongpiliu, na nga i a osuguna, ba inna nga i a toto pala nga kae laeala e bollau raumana ore nga Avolau atungngana.