Oblíbené biblické verše z HEBRAIRAO 11

Sdílet

Lonma de jinis asa khlaiyaba buthu, asaba dara jang dong thi hi tharmaiyaba, jinis nuyayaba khe ragao sisi tharmai soyaba se. Lon bani khlai hi jini greng buthubo bakhan khlaijao ba se.

Lonma giri khade Madai khe khusi khlai phuya, asababo Madai niha phaiyaba de, bokhe lonma nang du thi hi ode, bokhe smaiyarao khe bo yaosandi ridu thi hi lonma nang du.

Lonma jang habsao khe Madai grao ha khrip sangsaiba se thi hi jing tharmai du, odebani jinis nuphuyaba buthu khe jinis nuphuyayaba ni phrang bo sangsai ba se.

Abraham khebo long khali ha lonma jang ning somphothi ni phantha lama ni Madai longyaba grao khe mani ba. Odebani bo thangginyaba lama khebo tharmaiya hi bo baigo lang ba. Lonma jang raji andar, malai ni raji ha naorai jahi dongba lai bo dongsong hi, rih ni noh buthu ha bo dong ba, olei jasosi ning grao hanggaiyaba graoma mai phayaba, Isak jang Jakob thubo bonsi jang baosi dong ba.

Lonma jang Noah de jinis nujaoyayaba buthu ni balam ha Madai sainthi dayaba khe bo nangyaba se bao hi, Madai khe khinyaba gathar khe la hi, bo jar ni noh khor khe sogo mani khlai hi bo rung dain ba. Bokhe habsao gajai ja riba, thikhabo lon bani bo dormo somphothi ni phantha ja lang la kha.

Lonma jang ning Enok de thihyaba khe nuya hi ning bo sugu langjao ba, Madai ning sugu lang bani bokhe nuya kha. Sugu lang bani sagang ha ning Madai khe bo khaja riba thi hibo sakhi ri lang kha.

Lonma jang ning Abel de Kaina thanebo bandai hamdaoyaba Madai niha yaopha ba. Odebani bokhe dormo subung se thi hi sakhi bo ri du, bede thikhade Madai ning bo jinis riyaba buthu ni balam habo sakhi ri kha. Bo thi langla khabo, duha sosibo grao thi du.

Lonma jang Sara-bo bo hanggaiyaba khe lonma ha bokhe saikho bani bo grajik jahibo bumu thao phuyaba raothai khe bo mai ba.

Bode longthai gaiyaba buthu gnang nogor, Madai ni bisar jang dangyaba ode slamyaba khe naibai hi jon hi bo dong ba.

Lonma ha Moses dephai bani yaohon ha Pharao ni bisik ni basa thijaoma khe bo nangjaoya ja ba. Khaisa bubli ni bising ha phap ni bandai ha suk khlaiba thane, Madai ni subung buthu jang baosi dukhu hadi khlai mani bo saikho ba. Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba. Lonma jang raja ni thamsi khebo khinya hi Egypt raji khe bo haiger hi baigo lang ba; nuphuyayaba Madai khe nu bani bo dukhu ajaoba se.

Lonma ha Abraham khe khah naiba ni bubli ha, Isak khe bo bandai yaopha ba. Grao hanggaiyaba buthu khe maiyaba de boni basa saosi mang mang dongyaba

Lonma jang sao khe phain jiyaba Rahabbo naikhaoyarao khe hamsisi noh mathao ri bani lonyayarao ni bising ha bo jamphaya.

Lonma jang sagor gajao khe hah grain ha thangba lai, bonsi bailang ba. Egypt raji ni subung buthubo lailang ma bao ba, thikhabo bonsi dih ha glik thar ba.

Lonma jang Jeriko khe nokha sain sni daoding bani yaohon ha bo gubu ba.

Lonma jang baiglai busu ni mel thijao jang phaidayaba khe bonsi mani hi, basa sagra khe sjamyaba de Israel bongso ni basa sagra buthu khe bo dophaya mani khlai hi.

Lonma jang Josef de thihma ni sagang ha Israel ni greng buthu thang mani grao khe bo thi ba, ode boni manggathi khe bonsi phip mani balam ha bonsi khe hukhum ri ba.

Lonma jang Jakob de, thihma ni sagang ha, Josef ni basathu gini khebo bo hamthai riba, ode boni yaothu khe asa jang gonggalai hi Madai khe bo khlim ba.

Lonma jang Isak de jinis sophai ginyaba ni balam ha Jakob jang Esau khe bo hamthai ri ba.