Oblíbené biblické verše z EPHESI 4

Sdílet

Nisi saosi jang saosi khe khasao lai hi, maya nanglai lah; bede thikhade Madai ning Krista ha nisi ni gajai khe map khlai ba lai ning nisi bo saosi jang saosi khe map khlai lai lah.

Khrip basasa ja la hi, baosi maigru gru ja hi, suima jang khah lao lai saosi jang saosi khe yaowai lai lah.

Nisi ni khuh ni phrang musibo hamya grao da baigo thing, nangba lai lai hamba slam mani khlai hi hamba grao baigo thing, bokhe khnayarao ni khlai hi khasaoma japhu ma.

Grao gudung joyaba, hamya baothai, thamsi ode sijiyaba, berbaiyaba, ebo khrip hamyayaba khe haiger hi dong lah.

Thamsi baigo kha bo, phap khusi da dang; nisi ni thamsi khe sain jroba sosi da deng thing. Soithan khe hajora da ri lah.

Odebani, nisi gda ni dongthai ni balam ha subung gajam thokhiba mijingyaba hamya daothaoyaba khe khokhlai hi, nisi ni khah bese ha ning gadain jahi dong lah. Gadain subung ni dormo jang gibi gibi ni gathar Madai jang baosi slamyaba khe la lah.

Milima jang khayaba ha Bese masi jayaba khe khah ha deng hi shanti jang dong lah.

Odebani, gejesi buthu khe Apostol ja mani, gejesi buthu khe gorasali ja mani, gejesi buthu khe hamba graojma sainthiyaba ja mani, gejesi buthu khe longjom naiso mani ode, gejesi buthu khe slingriyahsa ja mani bo ri ba. Krista ni saomang slam slammani, dangyasa ni khusi khe dang hi, subung gatharrao phura sothar mani khlai hi salai ba. Lonma jang Madai ni basa khe basao mithi bani balam ha jomsi jahi, khrao japhai ba, ode Krista habo phura sotharba lai jingbo sothar si japhu ma.

Odese, subung giriklaiyarao hamya buddi jang ejang ojang phlab khu hi thokhi dada gibin gibin slingrithai jang ansa hamya lai jahi jing dongba ja nang niya. Olei niya hi, bo hamjaoma ni grao gibi khe thihi khrip boni ha jing dedao phalang phnu mani khlai hi Krista de bokhro se.