Hawaii Pidgin Bible

<div class="version vid76 iso6393hwc" data-vid="76" data-iso6393="hwc">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Jesus An His Braddahs</div><div class="p"> 1Afta dat, Jesus go aroun inside Galilee. Dat time he no like go aroun inside Judea, cuz da Jew leada guys ova dea stay look fo him fo kill um. 2#Pries 23:34; Rules2 16:13Almos time fo da spesho religious kine ceremony wen da Jew guys rememba da time dea ancesta guys wen walk all ova da boonies an live inside shacks, long time befo time. 3Den Jesus braddahs tell him, &#8220;Go way from hea, an go Judea side, fo da peopo you teach see da kine stuff you stay do. 4If one guy like erybody know bout him, he no goin do stuff wea nobody can see him, aah? You stay do all dis kine stuff, az why good you let erybody all ova da place see you do um!&#8221; 5You know, even Jesus own braddahs neva trus him.</div><div class="p"> 6Jesus tell um, &#8220;Not da time fo me go yet. You guys can go any time. 7Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff! 8You guys go Jerusalem fo da spesho religious kine ceremony. I no goin go yet, cuz not time fo me go.&#8221; 9Afta he tell dat, den he stay Galilee side.</div><div class="s1">Jesus Go Da Spesho Religious Ceremony</div><div class="p"> 10But afta Jesus braddahs go da spesho religious kine ceremony, den he go too. But nobody know he stay go. 11Den da Jew leada guys, dey look fo him at da spesho religious kine ceremony. Dey tell da peopo, &#8220;Wea dat buggah stay?&#8221;</div><div class="p"> 12All da peopo stay talk bout him to each odda. Some peopo tell, &#8220;He one good guy, you know.&#8221; Odda peopo tell, &#8220;Nah! He bulai da peopo.&#8221; 13But nobody talk loud bout him, cuz dey sked a da Jew leada guys.</div><div class="p"> 14In da middo a da spesho religious kine ceremony awready Jesus go inside da open lanai fo da Temple an start fo teach. 15An da Jew leada guys, blow dea mind. Dey tell, &#8220;How come dis buggah know all dis stuff? He neva study wit da odda teachas, you know.&#8221;</div><div class="p"> 16Jesus tell dem, &#8220;Da stuff I teach, no come from me. Come from da One wen sen me. 17If anybody like do wat God like um fo do, dey goin know if da stuff I stay teach come from God, o if ony come from my head. 18Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai. 19Moses wen give you guys da Rules From God, but no mo nobody from you guys do wat da Rules From God tell um fo do. So, how come you guys try fo kill me?&#8221;</div><div class="p"> 20All da peopo tell, &#8220;Wassamatta you? You get one bad kine spirit in charge a you, o wat? Wat you mean, somebody try fo kill you?&#8221;</div><div class="p"> 21Jesus tell dem, &#8220;I wen do one awesome ting, an dat blow all you guys mind. 22#Pries 12:3; Start 17:10Moses wen give you guys da Rule fo cut skin on day numba eight afta one bebe boy born, an you guys do um fo one bebe boy, no matta on da Res Day. You know, oua ancesta guys do dat long time befo Moses. No was Moses dat give um da Rule firs time. 23#John 5:9If you guys can cut skin on one guy on da Res Day fo no broke Moses Rules, how come you guys come huhu wit me cuz I make one sick guy come good on da Res Day? 24No ack jalike one judge wen you guys can see ony da outside stuff. If you guys goin ack jalike one judge, gotta judge da right way.&#8221;</div><div class="s1">Dis God Spesho Guy?</div><div class="p"> 25Den some peopo from Jerusalem tell, &#8220;Eh! Dis da guy dey stay look fo, cuz dey like kill um, aah? 26But, wow! He stay talk hea in front erybody, an nobody tell him fo shut his mout. Wat you guys figga? You tink maybe da leada guys wen figga dat dis guy, he da Spesho Guy God Goin Sen, fo real kine, o wat?! 27But us guys, we know wea dis guy come from. Wen God sen his Spesho Guy Christ, nobody goin know wea he come from.&#8221;</div><div class="p"> 28Jesus stay teach inside da open lanai fo da Temple. Wen he hear dem guys tell dat, he talk real loud an tell, &#8220;You guys tink you know me, an wea I wen come from? I neva come hea jus fo do wat I like do. Da One dat wen sen me, he God fo real kine! You guys donno him. 29But I know him, cuz I come from him, an he wen sen me hea.&#8221;</div><div class="p"> 30Den dey try fo take him, but nobody grab him, cuz not time yet. 31But plenny peopo dat stay dea trus him. Dey tell, &#8220;Wen Christ, God Spesho Guy, come, you figga he goin do mo awesome stuff fo show who him den dis guy? Nah!&#8221;</div><div class="s1">Dey Sen Da Police Fo Bus Jesus</div><div class="p"> 32Da Pharisee guys hear all da peopo stay tell dat kine stuff bout Jesus. So dem guys an da Main Pries guys sen da Temple Police guys fo bus him.</div><div class="p"> 33Den Jesus tell, &#8220;I ony goin stay wit you guys litto bit mo time, an den I goin go back by da One dat sen me hea. 34You guys goin look fo me, but you no goin find me, cuz wea I goin go, you guys no can go.&#8221;</div><div class="p"> 35Den da Jew leada guys tell each odda, &#8220;Wea dis buggah goin go, an we no can find him? You tink he goin go by da Jew guys inside da Greek towns far away, fo teach da peopo dat talk da Greek language, o wat? 36Wat he mean wen he tell, &#8216;You guys goin look fo me, but you no goin find me,&#8217; an &#8216;Da place I goin stay, you guys no can go dea&#8217;?&#8221;</div><div class="s1">Da Watta Dat Make Da Peopo Live</div><div class="r">(Nehemiah 9:15, 19-20; Ezekiel 47:1-12)</div><div class="p"> 37 # 
 Pries 23:36
 On da las day a da spesho religious kine ceremony, dass da main day, Jesus stan up, an talk real loud. He tell, &#8220;Whoeva stay thirsty, let um come by me fo drink. 38#Ezek 47:1; Zek 14:8; Isa 58:11Whoeva trus me, da Bible tell az jalike &#8216;rivas goin come outa dem dat get plenny watta fo make peopo live fo real kine.&#8217; &#8221; 39Jesus tell dat bout God Spirit, cuz bumbye da peopo dat trus Jesus goin get God Spirit. Da time Jesus tell dat, dey neva get da Spirit yet, cuz God neva make Jesus come awesome to da max yet.</div><div class="s1">Da Peopo Split In Half</div><div class="r">(Rules Secon Time 18:18-19)</div><div class="p"> 40Plenny peopo wen hear wat Jesus tell. An dey tell, &#8220;Fo shua, dis da Spesho Guy dat goin come fo talk fo God!&#8221;</div><div class="p"> 41Get odda guys dat tell, &#8220;Dis da Christ Guy, da Spesho Guy God Wen Sen!&#8221;</div><div class="p">But da odda guys tell, &#8220;You tink God Spesho Guy goin come from Galilee? No way! 42#2Sam 7:12; Micah 5:2Da Bible tell dat da Christ Guy goin come from King David ancesta guys, an goin come from Betlehem, wea King David wen live, aah?&#8221; 43So da peopo split in half cuz a Jesus. 44Some guys like grab him an bus him, but nobody touch him.</div><div class="s1">Da Jew Leada Guys No Trus Jesus</div><div class="p"> 45Da police guys go back by da Main Pries guys an da Pharisee guys. An da pries guys tell da police guys, &#8220;Eh! How come you guys neva bring him hea?&#8221; 46Dey tell, &#8220;Wow! Nobody eva talk da way dat guy Jesus talk!&#8221;</div><div class="p"> 47Da Pharisee guys tell, &#8220;Wot! He wen bulai you guys too, o wat?! 48You know, no mo leada guys o Pharisee guys dat trus him. 49But dis peopo, dey donno da Rules From God, an God goin punish dem!&#8221;</div><div class="p"> 50 # 
 John 3:1-2
 Nicodemus, he one a da Pharisee guys. He da guy wen come fo talk to Jesus one nite befo time. He tell, 51&#8220;Oua Rules tell, we gotta lissen da guy firs, an find out wat he wen do. Den we can figga if he wen do good o bad.&#8221;</div><div class="p"> 52Dey tell him, &#8220;Wot! Fo shua you no come from Galilee jalike him! Go check out da Bible from befo time. You goin find out dat nobody dat eva talk fo God come from Galilee!&#8221;</div><div class="p"> 53Den erybody go home dea place.</div>
 </div>
 </div>
</div>

Afta dat, Jesus go aroun inside Galilee. Dat time he no like go aroun inside Judea, cuz da Jew leada guys ova dea stay look fo him fo kill um. Almos time fo da spesho religious kine ceremony wen da Jew guys rememba da time dea ancesta guys wen walk all ova da boonies an live inside shacks, long time befo time. Den Jesus braddahs tell him, “Go way from hea, an go Judea side, fo da peopo you teach see da kine stuff you stay do. If one guy like erybody know bout him, he no goin do stuff wea nobody can see him, aah? You stay do all dis kine stuff, az why good you let erybody all ova da place see you do um!” You know, even Jesus own braddahs neva trus him.
Jesus tell um, “Not da time fo me go yet. You guys can go any time. Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff! You guys go Jerusalem fo da spesho religious kine ceremony. I no goin go yet, cuz not time fo me go.” Afta he tell dat, den he stay Galilee side.

But afta Jesus braddahs go da spesho religious kine ceremony, den he go too. But nobody know he stay go. Den da Jew leada guys, dey look fo him at da spesho religious kine ceremony. Dey tell da peopo, “Wea dat buggah stay?”
All da peopo stay talk bout him to each odda. Some peopo tell, “He one good guy, you know.” Odda peopo tell, “Nah! He bulai da peopo.” But nobody talk loud bout him, cuz dey sked a da Jew leada guys.
In da middo a da spesho religious kine ceremony awready Jesus go inside da open lanai fo da Temple an start fo teach. An da Jew leada guys, blow dea mind. Dey tell, “How come dis buggah know all dis stuff? He neva study wit da odda teachas, you know.”
Jesus tell dem, “Da stuff I teach, no come from me. Come from da One wen sen me. If anybody like do wat God like um fo do, dey goin know if da stuff I stay teach come from God, o if ony come from my head. Da guy dat tell stuff dat come from his head, he ony like make peopo tink he awesome. But if one guy like peopo fo figga dat da one dat sen him stay awesome, dat guy stay tell da trut. He no bulai. Moses wen give you guys da Rules From God, but no mo nobody from you guys do wat da Rules From God tell um fo do. So, how come you guys try fo kill me?”
All da peopo tell, “Wassamatta you? You get one bad kine spirit in charge a you, o wat? Wat you mean, somebody try fo kill you?”
Jesus tell dem, “I wen do one awesome ting, an dat blow all you guys mind. Moses wen give you guys da Rule fo cut skin on day numba eight afta one bebe boy born, an you guys do um fo one bebe boy, no matta on da Res Day. You know, oua ancesta guys do dat long time befo Moses. No was Moses dat give um da Rule firs time. If you guys can cut skin on one guy on da Res Day fo no broke Moses Rules, how come you guys come huhu wit me cuz I make one sick guy come good on da Res Day? No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”

Den some peopo from Jerusalem tell, “Eh! Dis da guy dey stay look fo, cuz dey like kill um, aah? But, wow! He stay talk hea in front erybody, an nobody tell him fo shut his mout. Wat you guys figga? You tink maybe da leada guys wen figga dat dis guy, he da Spesho Guy God Goin Sen, fo real kine, o wat?! But us guys, we know wea dis guy come from. Wen God sen his Spesho Guy Christ, nobody goin know wea he come from.”
Jesus stay teach inside da open lanai fo da Temple. Wen he hear dem guys tell dat, he talk real loud an tell, “You guys tink you know me, an wea I wen come from? I neva come hea jus fo do wat I like do. Da One dat wen sen me, he God fo real kine! You guys donno him. But I know him, cuz I come from him, an he wen sen me hea.”
Den dey try fo take him, but nobody grab him, cuz not time yet. But plenny peopo dat stay dea trus him. Dey tell, “Wen Christ, God Spesho Guy, come, you figga he goin do mo awesome stuff fo show who him den dis guy? Nah!”

Da Pharisee guys hear all da peopo stay tell dat kine stuff bout Jesus. So dem guys an da Main Pries guys sen da Temple Police guys fo bus him.
Den Jesus tell, “I ony goin stay wit you guys litto bit mo time, an den I goin go back by da One dat sen me hea. You guys goin look fo me, but you no goin find me, cuz wea I goin go, you guys no can go.”
Den da Jew leada guys tell each odda, “Wea dis buggah goin go, an we no can find him? You tink he goin go by da Jew guys inside da Greek towns far away, fo teach da peopo dat talk da Greek language, o wat? Wat he mean wen he tell, ‘You guys goin look fo me, but you no goin find me,’ an ‘Da place I goin stay, you guys no can go dea’?”


On da las day a da spesho religious kine ceremony, dass da main day, Jesus stan up, an talk real loud. He tell, “Whoeva stay thirsty, let um come by me fo drink. Whoeva trus me, da Bible tell az jalike ‘rivas goin come outa dem dat get plenny watta fo make peopo live fo real kine.’ ” Jesus tell dat bout God Spirit, cuz bumbye da peopo dat trus Jesus goin get God Spirit. Da time Jesus tell dat, dey neva get da Spirit yet, cuz God neva make Jesus come awesome to da max yet.


Plenny peopo wen hear wat Jesus tell. An dey tell, “Fo shua, dis da Spesho Guy dat goin come fo talk fo God!”
Get odda guys dat tell, “Dis da Christ Guy, da Spesho Guy God Wen Sen!”
But da odda guys tell, “You tink God Spesho Guy goin come from Galilee? No way! Da Bible tell dat da Christ Guy goin come from King David ancesta guys, an goin come from Betlehem, wea King David wen live, aah?” So da peopo split in half cuz a Jesus. Some guys like grab him an bus him, but nobody touch him.

Da police guys go back by da Main Pries guys an da Pharisee guys. An da pries guys tell da police guys, “Eh! How come you guys neva bring him hea?” Dey tell, “Wow! Nobody eva talk da way dat guy Jesus talk!”
Da Pharisee guys tell, “Wot! He wen bulai you guys too, o wat?! You know, no mo leada guys o Pharisee guys dat trus him. But dis peopo, dey donno da Rules From God, an God goin punish dem!”
Nicodemus, he one a da Pharisee guys. He da guy wen come fo talk to Jesus one nite befo time. He tell, “Oua Rules tell, we gotta lissen da guy firs, an find out wat he wen do. Den we can figga if he wen do good o bad.”
Dey tell him, “Wot! Fo shua you no come from Galilee jalike him! Go check out da Bible from befo time. You goin find out dat nobody dat eva talk fo God come from Galilee!”
Den erybody go home dea place.

Poslouchat John 7