Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Yesu Zake Yhen mha Loh</div><div class="p"> 1Yesu gas Yerikho wus cho yah wvng las lai loh. 2Yoeuh aq, khoengh khywi bang mas uhjyung nghuot dah Zake ge soeu dvyuk nyeis. Hauh soeu ka dis soeu nghuot. 3Nyang gas Yesu hank nghuot yvlyis nyvng mes las xo laus eq dius puk thoeu lha, nyang gas nyhen yvmvyah ma yoh nyvng. 4Housoeh las nyang lyis nyvng shoq, xik lyis uhlhomh wuih las nyang lai loh das choyvm, lvhomp zains mas doq loh. 5Yesu hauh yvmas jweh las nghank yoeuh kat lyis nyang lyis nyvng las, Zake eh, lvnyap gyoh los aq, khvnyhik ngos nah yhen mha thoeng das, ge.</div><div class="p"> 6Nyang eq lvnyap gyoh las nyang lyis gauslaus gausseq lhom yoeus langh. 7Nyamoq hauh zis nyvng lyis, nyamoq dvnganhmoq gas nyang lyis, yaunos wons soeu yhen mha boengh wvng doq, ge lop.</div><div class="p"> 8Zake toq yap las Yhensain lhyi taiq zis gas, Yhensain eh, yoeuh aq ngah vyhang dvgohyih nyungs bang lyis dyei das; dvyuk yuk lyis ngos anzo lyis nyei huon doms cap das, ge.</div><div class="p"> 9Yesu nyang lyis taiq zis gas, Khyuot yoeus cho ka khvnyhik haih yhen mha los goeus, khasoeh ge lyis nyang eq Abraham dah lo dvyuk nghuot. 10Cangsoeu Lo gas dyuk loh soeu lhyi xo lha khyuot yoeus das xiklyis los zis nghuot, ge.#Mat 18.11</div><div class="s1">Ngwis kyvp Dvci Dangtoeuq</div><div class="r">(Mat 25.14-30)</div><div class="p"> 11Nyamoq haih zis lyis tsain xauhgyo lyis, nyang gas Yerusalem mas jweh ni los yvmvyah eq, nyamoq gas Mangso munghdan lvnyap thuq los das ge nghamh yvmvyah eq, nyang dangtoeuq dvkoeuq yah doms kyah taiq. 12Housoeh yvmvyah nyang taiq zis gas, Nyoqnho bos soeu dvyuk gas, nyang nyang munghdan dvkoeuq xauh yoeus thang lhyi doms los das ge we mau pheh loh. 13Hauh uhlyis nyah jyeidwis jens mas dvci yuk lyis khi las, yuk khanghmuh lyis ngwis kyvp dvci ci kyauh toh lho lha taiq zis gas, Ngos doms jweh los shoq haih zis yah soenghi kuot geh, ge. 14Nghuot laus eq nyah dius jens gas nyang lyis hoeng lha, Haih soeu ngamoq thoq mas guon das zis ngamoq ma o, ge nyah thang mha mang chank kat kat.</div><div class="p"> 15Hauh thang lhyi nyang munghdan yoh las tauh jweh los lyis, nyang ngwis dyei toh khoq dah jyeidwis jens soenghi kuot las, vmyat khayuk khanyhoq yoh zis seq shoq nyamoq lyis khi nhang kat. 16Cangxeih vyuk lyih las taiq zis gas, Yhensain eh, nah ngwis kyvp mas dvci kyvp myat goeus, ge. 17Nyang gas, Gis dah jyeidwis eh, nvng gas vmhauhlo dah muh mas lomluk goeus, wus dvci lhyi guon aq, ge nyang lyis taiq. 18Aiq vyuk eq, Yhensain eh, nah ngwis kyvp mas oeng kyvp myat goeus, ge. 19Nyang gas hauh soeu lhyi eq, Nvng wus oeng koeuq lyis guon aq, ge taiq. 20Gohtoeu dvyuk eq lyih las, Yhensain eh yoeuh aq, nah ngwis kyvp lyis ngos misseh yah khoek tsomh toh. 21Nvng gas ma toh masyah yoeus las, jyo ma khyoq masyah seq yhomh dah dius yau dvyuk nghuot yvmvyah ngos nvng lyis gyuk, ge taiq. 22Nyang taiq zis gas, Ma lyungs jyeidwis eh, nvnyang dang khonh yah ngos nvng lyis soetuon das: ngos ma toh masyah yoeus las, jyo ma khyoq masyah yhomh yoeus soeu, yau dah dius nghuot yvlyis nvng seq toh goeus lyis gas, 23ngos doms los lyis ngah ngwis bonzoe yahge ngwis lhyi yoh shoq ngwis jyi mha chamus ma kat toh, ge. 24Vyvm mas yap joq bang lyis eq nyang taiq zis gas, Nyah jyank masyah hauh ngwis kyvp dvkoeuq lyis yoeus las ngwis kyvp dvci yoh soeu lhyi dyei geh, ge. 25Nyamoq, nyang lyis taiq zis gas, Yhensain eh, nyang ngwis kyvp dvci yoh goeus, ge. 26Ngos namoq lyis taiq bah, Yoh bang lyis lung dyei das. Ma yoh bang jyank masyah gas, nyamoq yoh joq zis yangh yoeus tyamp dyei das.#Mat 13.12; Mak 4.25; Luk 8.18 27Ngos, nyamoq lyis guon das yvlyis ma o dah ngah jeswus lyis heimha shwih los las, ngah xikkhonh mas sat geh, ge.</div><div class="s1">Yerusalem mas Wvng</div><div class="r">(Mat 21.1-11; Mak 11.1-11; Yoh 12.12-19)</div><div class="p"> 28Nyang housoeh dye taiq lho lhyi, nyang gas nyamoq xik mas Yerusalem pheh tsoq loh nyeis. 29Tsanlun ge dah boms, Betphage yahge Bethani wukhau nvm mas jweh ni los lyis, nyang nyah changlo aiq yuk lyis nhang lha taiq kat zis gas, 30Nah aiq yuk, xik mas dah wukhau mha loh geh; houmha wvng loh lyis hank eq ma ji ku shih dah mauhlyihzoe lo dvdoeu twih toh zis lyis nah aiq yuk wvng loh lyis nyvng das, hauh yvlyis phui she los geh. 31Dvyuk yuk nah aiq yuk lyis, Chamus hauh yvlyis phui goh lah, ge nyei lyis, Yhensain hauh yvlyis yhung chah ge, oen taiq geh, ge.</div><div class="p"> 32Jyeinhang zis xauh vzomh loh las nyang taiq kat vgus loh nyvng. 33Nyah aiq yuk mauhlyihzoe lo lyis phui nyeis lyis, yhensain moq gas, Hauh mauhlyihzoe lo chamus phui goh lah, ge nyah aiq yuk lyis nyei.</div><div class="p"> 34Nyah aiq yuk phuk taiq zis gas, Yhensain haih yvlyis yhung chah ge, ge. 35Nyah aiq yuk gas hau mauhlyihzoe lo lyis Yesu jyank mas she loh dyei. Mauhlyihzoe gungs thoq mas nyamoq dah dyimis nyhoeuh las Yesu lyis ji nhang. 36Nyang housoeh ji loh nyeis lyis cho mha dius jens gas nyamoq dah dyi tsain nyhoeuh dyei.</div><div class="p"> 37Gvshih wugungs jweh bah ge dah Tsanlun boms nyeismhung mha jweh lyis, nyah moqjens gas nyamoq nyvng ku dah yomsoq zains muhzoh gvng mas phunk lyis gauslaus las Mangso lhyi yomkat las tsain chungh zis gas,</div><div class="q1"> 38Yhensain nyings mas jweh los dah hwankti ka ngelhoq;</div><div class="q1">Maukhung mha nyenstap zis yahge nyhang thank joqyos mas phunk bos nyeis bas jungh,</div><div class="m">ge.#Chd 118.26</div><div class="p"> 39Dius moqjens masyah Pharishe dvyhamh nyang lyis taiq zis gas, Svra eh, nah changlo jens lyis nyho aq, ge.</div><div class="p"> 40Nyang nyamoq lyis phuk taiq zis gas, Ngos namoq lyis taiq bah, haih bang samlo nyeis nghuot lyis gas lukgoq tsain kaiq los das, ge.</div><div class="s1">Yesu Yerusalem xiklyis Ngaus</div><div class="p"> 41Nyang hauh wus mas jweh ni los las, hauh wugungs lyis nyvng lyis, hauh nyhenshang nyang ngaus las taiq zis gas, 42Wugungs nvng eh, nah nyenstap zis yah sen zis cha nghuot yvlyis khvnyhik nvng toq seq ya lhyeh! Nghuot laus eq gvshih gas hauh zis lyis nvng ma nyvng. 43Khasoeh ge lyis, nah jeswus jens gas nah vyvm vwi mas gvduk kuot lho lha, nvng lyis tsain lhaink toh las, nvng lyis shot khanghmuh kyamp gos toh dah buisnyeis jweh los das. 44Nvng lyis eq, nah wusciank khau mha nyeis bang lyis eq mhont tyamp das las, nvng mas lukgoq dvlom thoq mas dvlom yangh ma yoh ci toh lo das: khasoeh ge lyis Mangso nvng lyis komh das shishenh lyis nvng ma seq.</div><div class="s1">Yesu Yhenmuh lyis Shang</div><div class="r">(Mat 21.12-17; Mak 11.15-19; Yoh 2.13-22)</div><div class="p"> 45Nyang gas yhenmuh mas wvng loh las houmha kaih ungh kaih wis bang lyis khat thuq tyamp. 46Nyang nyamoq lyis taiq zis gas, Maussauh mas, Ngah yhen ka shvmanh dung yhen nghuot, ge lhaih toh laus eq namoq gas hauh yvlyis khyanktau khyung tsain kuot, ge.#Esa 56.7; Yer 7.11</div><div class="p"> 47Nyang gas nyeih khanghmuh yhenmuh mas jyauh nyeis. Nghuot laus eq Phudyei uhjyung jens, maussauh lhaih bang yahge dius jens lyis uhshe bang gas, nyang lyis sat das cho tsain xo.#Luk 21.37 48Nghuot laus eq dius jens dvnganh gas nyah dang mas nhaiq wvng nyeis yvmvyah, nyamoq khasoeh kuot das cho ma xo nyvng.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Yesu gas Yerikho wus cho yah wvng las lai loh. Yoeuh aq, khoengh khywi bang mas uhjyung nghuot dah Zake ge soeu dvyuk nyeis. Hauh soeu ka dis soeu nghuot. Nyang gas Yesu hank nghuot yvlyis nyvng mes las xo laus eq dius puk thoeu lha, nyang gas nyhen yvmvyah ma yoh nyvng. Housoeh las nyang lyis nyvng shoq, xik lyis uhlhomh wuih las nyang lai loh das choyvm, lvhomp zains mas doq loh. Yesu hauh yvmas jweh las nghank yoeuh kat lyis nyang lyis nyvng las, Zake eh, lvnyap gyoh los aq, khvnyhik ngos nah yhen mha thoeng das, ge.
Nyang eq lvnyap gyoh las nyang lyis gauslaus gausseq lhom yoeus langh. Nyamoq hauh zis nyvng lyis, nyamoq dvnganhmoq gas nyang lyis, yaunos wons soeu yhen mha boengh wvng doq, ge lop.
Zake toq yap las Yhensain lhyi taiq zis gas, Yhensain eh, yoeuh aq ngah vyhang dvgohyih nyungs bang lyis dyei das; dvyuk yuk lyis ngos anzo lyis nyei huon doms cap das, ge.
Yesu nyang lyis taiq zis gas, Khyuot yoeus cho ka khvnyhik haih yhen mha los goeus, khasoeh ge lyis nyang eq Abraham dah lo dvyuk nghuot. Cangsoeu Lo gas dyuk loh soeu lhyi xo lha khyuot yoeus das xiklyis los zis nghuot, ge.


Nyamoq haih zis lyis tsain xauhgyo lyis, nyang gas Yerusalem mas jweh ni los yvmvyah eq, nyamoq gas Mangso munghdan lvnyap thuq los das ge nghamh yvmvyah eq, nyang dangtoeuq dvkoeuq yah doms kyah taiq. Housoeh yvmvyah nyang taiq zis gas, Nyoqnho bos soeu dvyuk gas, nyang nyang munghdan dvkoeuq xauh yoeus thang lhyi doms los das ge we mau pheh loh. Hauh uhlyis nyah jyeidwis jens mas dvci yuk lyis khi las, yuk khanghmuh lyis ngwis kyvp dvci ci kyauh toh lho lha taiq zis gas, Ngos doms jweh los shoq haih zis yah soenghi kuot geh, ge. Nghuot laus eq nyah dius jens gas nyang lyis hoeng lha, Haih soeu ngamoq thoq mas guon das zis ngamoq ma o, ge nyah thang mha mang chank kat kat.
Hauh thang lhyi nyang munghdan yoh las tauh jweh los lyis, nyang ngwis dyei toh khoq dah jyeidwis jens soenghi kuot las, vmyat khayuk khanyhoq yoh zis seq shoq nyamoq lyis khi nhang kat. Cangxeih vyuk lyih las taiq zis gas, Yhensain eh, nah ngwis kyvp mas dvci kyvp myat goeus, ge. Nyang gas, Gis dah jyeidwis eh, nvng gas vmhauhlo dah muh mas lomluk goeus, wus dvci lhyi guon aq, ge nyang lyis taiq. Aiq vyuk eq, Yhensain eh, nah ngwis kyvp mas oeng kyvp myat goeus, ge. Nyang gas hauh soeu lhyi eq, Nvng wus oeng koeuq lyis guon aq, ge taiq. Gohtoeu dvyuk eq lyih las, Yhensain eh yoeuh aq, nah ngwis kyvp lyis ngos misseh yah khoek tsomh toh. Nvng gas ma toh masyah yoeus las, jyo ma khyoq masyah seq yhomh dah dius yau dvyuk nghuot yvmvyah ngos nvng lyis gyuk, ge taiq. Nyang taiq zis gas, Ma lyungs jyeidwis eh, nvnyang dang khonh yah ngos nvng lyis soetuon das: ngos ma toh masyah yoeus las, jyo ma khyoq masyah yhomh yoeus soeu, yau dah dius nghuot yvlyis nvng seq toh goeus lyis gas, ngos doms los lyis ngah ngwis bonzoe yahge ngwis lhyi yoh shoq ngwis jyi mha chamus ma kat toh, ge. Vyvm mas yap joq bang lyis eq nyang taiq zis gas, Nyah jyank masyah hauh ngwis kyvp dvkoeuq lyis yoeus las ngwis kyvp dvci yoh soeu lhyi dyei geh, ge. Nyamoq, nyang lyis taiq zis gas, Yhensain eh, nyang ngwis kyvp dvci yoh goeus, ge. Ngos namoq lyis taiq bah, Yoh bang lyis lung dyei das. Ma yoh bang jyank masyah gas, nyamoq yoh joq zis yangh yoeus tyamp dyei das. Ngos, nyamoq lyis guon das yvlyis ma o dah ngah jeswus lyis heimha shwih los las, ngah xikkhonh mas sat geh, ge.


Nyang housoeh dye taiq lho lhyi, nyang gas nyamoq xik mas Yerusalem pheh tsoq loh nyeis. Tsanlun ge dah boms, Betphage yahge Bethani wukhau nvm mas jweh ni los lyis, nyang nyah changlo aiq yuk lyis nhang lha taiq kat zis gas, Nah aiq yuk, xik mas dah wukhau mha loh geh; houmha wvng loh lyis hank eq ma ji ku shih dah mauhlyihzoe lo dvdoeu twih toh zis lyis nah aiq yuk wvng loh lyis nyvng das, hauh yvlyis phui she los geh. Dvyuk yuk nah aiq yuk lyis, Chamus hauh yvlyis phui goh lah, ge nyei lyis, Yhensain hauh yvlyis yhung chah ge, oen taiq geh, ge.
Jyeinhang zis xauh vzomh loh las nyang taiq kat vgus loh nyvng. Nyah aiq yuk mauhlyihzoe lo lyis phui nyeis lyis, yhensain moq gas, Hauh mauhlyihzoe lo chamus phui goh lah, ge nyah aiq yuk lyis nyei.
Nyah aiq yuk phuk taiq zis gas, Yhensain haih yvlyis yhung chah ge, ge. Nyah aiq yuk gas hau mauhlyihzoe lo lyis Yesu jyank mas she loh dyei. Mauhlyihzoe gungs thoq mas nyamoq dah dyimis nyhoeuh las Yesu lyis ji nhang. Nyang housoeh ji loh nyeis lyis cho mha dius jens gas nyamoq dah dyi tsain nyhoeuh dyei.
Gvshih wugungs jweh bah ge dah Tsanlun boms nyeismhung mha jweh lyis, nyah moqjens gas nyamoq nyvng ku dah yomsoq zains muhzoh gvng mas phunk lyis gauslaus las Mangso lhyi yomkat las tsain chungh zis gas,
Yhensain nyings mas jweh los dah hwankti ka ngelhoq;
Maukhung mha nyenstap zis yahge nyhang thank joqyos mas phunk bos nyeis bas jungh,
ge.
Dius moqjens masyah Pharishe dvyhamh nyang lyis taiq zis gas, Svra eh, nah changlo jens lyis nyho aq, ge.
Nyang nyamoq lyis phuk taiq zis gas, Ngos namoq lyis taiq bah, haih bang samlo nyeis nghuot lyis gas lukgoq tsain kaiq los das, ge.

Nyang hauh wus mas jweh ni los las, hauh wugungs lyis nyvng lyis, hauh nyhenshang nyang ngaus las taiq zis gas, Wugungs nvng eh, nah nyenstap zis yah sen zis cha nghuot yvlyis khvnyhik nvng toq seq ya lhyeh! Nghuot laus eq gvshih gas hauh zis lyis nvng ma nyvng. Khasoeh ge lyis, nah jeswus jens gas nah vyvm vwi mas gvduk kuot lho lha, nvng lyis tsain lhaink toh las, nvng lyis shot khanghmuh kyamp gos toh dah buisnyeis jweh los das. Nvng lyis eq, nah wusciank khau mha nyeis bang lyis eq mhont tyamp das las, nvng mas lukgoq dvlom thoq mas dvlom yangh ma yoh ci toh lo das: khasoeh ge lyis Mangso nvng lyis komh das shishenh lyis nvng ma seq.


Nyang gas yhenmuh mas wvng loh las houmha kaih ungh kaih wis bang lyis khat thuq tyamp. Nyang nyamoq lyis taiq zis gas, Maussauh mas, Ngah yhen ka shvmanh dung yhen nghuot, ge lhaih toh laus eq namoq gas hauh yvlyis khyanktau khyung tsain kuot, ge.
Nyang gas nyeih khanghmuh yhenmuh mas jyauh nyeis. Nghuot laus eq Phudyei uhjyung jens, maussauh lhaih bang yahge dius jens lyis uhshe bang gas, nyang lyis sat das cho tsain xo. Nghuot laus eq dius jens dvnganh gas nyah dang mas nhaiq wvng nyeis yvmvyah, nyamoq khasoeh kuot das cho ma xo nyvng.

Poslouchat LUKA 19