<div class="version vid1324 iso6393suc" data-vid="1324" data-iso6393="suc">
   <div class="book bkLUK">
      <div class="chapter chINTRO1" data-usfm="LUK.INTRO1">
         <div class="imt1"><span class="content">Og Piuna Talu&#42892; pa&#42892;ali sog Gomba&#42892;is nog Guksugan nog Sinulat ni Luk</span></div><div class="ip"><span class="content">Og libru koni nog sinulat ni Luk, og mikposun pa&#42892;ali dia ni Isus nog ion og pinasad kitu&#42892; nog Polonabang nog bansa Israel, bu ion dosop og Polonabang sog glam nog gotowanan. Sa&#42892;an ini iningolanan nog Gomba&#42892;is nog Guksugan. Sinulat dosop ni Luk nog si Isus, bianan dia sog Bolakat nog Mikpongon, dinondag ion mogustal nog Gomba&#42892;is nog Guksugan dia sog ain miskinan. Bu motongow sog guksugan koni, og pona&#42892;ub nog Mikpongon sog glam nog ginis nog kulang kobus nog gotowanan. Motongow dosop sog guksugan koni, nog kololiag, labi na sog tolipunan pa&#42892;ali sog kodatong ni Isus dini, bu dia dosop sog doksu&#42892;an, dangan miktolabang na si Isus ditu&#42892; sog glangit.</span></div><div class="ip"><span class="content">Og piguksugan sog kopituluanan 1-2 bu sog kopituluanan 9-19, di&#42892; motongow dia sog guksugan nog sinulat ni Matiu, ni Mark, otawaka ni Jan. Mama&#42892; nog guksugan kitu&#42892; pa&#42892;ali sog sanglit nog moloikatanan bu og kangoy tumontong nog polongipat nog bilibilianan dia ni Isus nog bogu pa ion bota&#42892;oy. Bu og kobon pa nog bata&#42892; pa si Isus dun, ditu&#42892; ion sog dialom Baloy nog Poktomuyan dia sog Mikpongon, bu og pononggi&#42892;an pa&#42892;ali sog kolongas nog gotow Samaria, bu og gotow nog minawa&#42892; dia sog mokogulang non. Sog sinulat ni Luk koni, motongow bog andun kobololaga&#42892; og kopogyakin, bu pa&#42892;ali sog Bolakat nog Mikpongon. Motongow dosop og ponginangon nog kolibunanan dia sog ginang ni Isus, bu og kopogampun nog Mikpongon dia sog dusaanan.</span></div><div class="io1"><span class="content">1. Og bokna nog guksugan ni Luk, 1:1-4.</span></div><div class="io1"><span class="content">2. Og kobata&#42892; bu masa nog bata&#42892;bata&#42892; pa si Jan nog Polomunyag bu si Isus, 1:5&#8211;2:52.</span></div><div class="io1"><span class="content">3. Og piginang ni Jan nog Polomunyag, 3:1-20.</span></div><div class="io1"><span class="content">4. Og kobunyag bu kopongyuba&#42892; dia ni Isus, 3:21&#8211;4:13.</span></div><div class="io1"><span class="content">5. Og piginang ni Isus dia sog kodokolan nog gotowanan ditu&#42892; sog Galili, 4:14&#8211;9:50.</span></div><div class="io1"><span class="content">6. Og piginang ni Isus sog kopanow non kitu&#42892; tidu sog Galili mangoy ditu&#42892; sog Jerusalem, 9:51&#8211;19:27.</span></div><div class="io1"><span class="content">7. Og gimpusan nog simana non sog Jerusalem bu sog glumibut nog gimbolayan koyon dion, 19:28&#8211;23:56.</span></div><div class="io1"><span class="content">8. Og kopokpotubu&#42892; dianon tidu sog patoy, og kopokpotongow non sog gotowanan, bu og kopoktolabang non sog glangit, 24:1-53.</span></div>
      </div>
   </div>
</div>

Og Piuna Taluꞌ paꞌali sog Gombaꞌis nog Guksugan nog Sinulat ni Luk
Og libru koni nog sinulat ni Luk, og mikposun paꞌali dia ni Isus nog ion og pinasad kituꞌ nog Polonabang nog bansa Israel, bu ion dosop og Polonabang sog glam nog gotowanan. Saꞌan ini iningolanan nog Gombaꞌis nog Guksugan. Sinulat dosop ni Luk nog si Isus, bianan dia sog Bolakat nog Mikpongon, dinondag ion mogustal nog Gombaꞌis nog Guksugan dia sog ain miskinan. Bu motongow sog guksugan koni, og ponaꞌub nog Mikpongon sog glam nog ginis nog kulang kobus nog gotowanan. Motongow dosop sog guksugan koni, nog kololiag, labi na sog tolipunan paꞌali sog kodatong ni Isus dini, bu dia dosop sog doksuꞌan, dangan miktolabang na si Isus dituꞌ sog glangit.
Og piguksugan sog kopituluanan 1-2 bu sog kopituluanan 9-19, diꞌ motongow dia sog guksugan nog sinulat ni Matiu, ni Mark, otawaka ni Jan. Mamaꞌ nog guksugan kituꞌ paꞌali sog sanglit nog moloikatanan bu og kangoy tumontong nog polongipat nog bilibilianan dia ni Isus nog bogu pa ion botaꞌoy. Bu og kobon pa nog bataꞌ pa si Isus dun, dituꞌ ion sog dialom Baloy nog Poktomuyan dia sog Mikpongon, bu og pononggiꞌan paꞌali sog kolongas nog gotow Samaria, bu og gotow nog minawaꞌ dia sog mokogulang non. Sog sinulat ni Luk koni, motongow bog andun kobololagaꞌ og kopogyakin, bu paꞌali sog Bolakat nog Mikpongon. Motongow dosop og ponginangon nog kolibunanan dia sog ginang ni Isus, bu og kopogampun nog Mikpongon dia sog dusaanan.
1. Og bokna nog guksugan ni Luk, 1:1-4.
2. Og kobataꞌ bu masa nog bataꞌbataꞌ pa si Jan nog Polomunyag bu si Isus, 1:5–2:52.
3. Og piginang ni Jan nog Polomunyag, 3:1-20.
4. Og kobunyag bu kopongyubaꞌ dia ni Isus, 3:21–4:13.
5. Og piginang ni Isus dia sog kodokolan nog gotowanan dituꞌ sog Galili, 4:14–9:50.
6. Og piginang ni Isus sog kopanow non kituꞌ tidu sog Galili mangoy dituꞌ sog Jerusalem, 9:51–19:27.
7. Og gimpusan nog simana non sog Jerusalem bu sog glumibut nog gimbolayan koyon dion, 19:28–23:56.
8. Og kopokpotubuꞌ dianon tidu sog patoy, og kopokpotongow non sog gotowanan, bu og kopoktolabang non sog glangit, 24:1-53.

Poslouchat Luk Og Piuna Taluꞌ paꞌali sog Gombaꞌis nog Guksugan nog Sinulat ni Luk