Yohan 6
6
Byù Ngo Hkyîng Lé Zoshuq Byi Tsô É Hkyô
Mht 14:13-21; Mrk 6:30-44; Luk 9:10-17
1Hau htâng a myáng má, Yesuq gi, Tiberi nhông le gâ é, Galile nhông he hpoq shut gû dàp ló bê nghut ri. 2Haú hkûn, byù ajùm ayò gi, haû nò bâng htoq má, Yhang kut shit é maúhpo alhô agàn pé lé myàng kô é yánmai, Yhâng htâng châng e ló bum akô nghut ri. 3Yesuq gi, bùm shut dòq ló mù, Yhâng é chángzô pé eq rahá zung tô ri. 4Yudaq byu pê é Lhoqlhai Poî gi, chyâng lo nyì bê nghut ri.
5Yesuq gi, tu wú kat le, byù ajùm ayò Yhâng shut lé lo bùm kô é lé byu-myang kat luî, Hpilip lé, “Shí bang zo râ mùk, ngá-nhúng, hká má ê wó wuî râ lhú?” ga taî ri. 6Yesuq, haû su ga taî é gi, yhang lé chyam wú râ matú za nghut ri; hkâsu mù gâ le, hkâsu kut râ hkyô gi, Yhâng é myìt má bo to gù bê nghut ri.
7Hpilip gi, Yhang lé, “Denari#6:7 Denari rachap gi, byù rayùq é ra-nyí é zuihpau eq wuí é nghut lhê. í sho èq mùk wui le lháng, rayùq ra-tsuí tsuí ngàp râ a nghut.” ga tû taî ri.
8Haú hkûn, Yhâng é chángzo nghut é, Simun Petiruq é yhang gu Andire gi, Yhang lé, 9“Mùk-yó mùk ngo long eq ngozo í du wó é yùqgè zo rayùq, shî má nyi ri; nghut kôlhang, byù shî myhô bang lé lùq shoq, hkâsu kut wó gâm byi râ lhú?” ga taî htoq kat ri.
10Yesuq gi, “Haû shiwa byu pé lé, zùng nhâng keq.” ga taî ri. Jowò haû gi, mhán htu é jang nghut mù, yùqgè wuì baú lháng, ngo hkyîng kô zung tô bùm bekô nghut ri; 11hau htâng, Yesuq gi, mùk long pé lé yù mù, jeju hkya-on luî, zung tô é bang lé, yhángmòq o é myhó tsing gàm byî ri. Haû eq rajung za, ngozo lé le haû su kut ri.
12Yhángmòq bànshoq bang zô gyî bùm kô é htâng má Yhang gi, Yhâng é chángzô pé lé, “Myìt gyó tô é ajàp azo pé lé châng gùq tsîng yù keq. Haî le a langsâ pyám sháng gàq.” ga taî ri. 13Haû mù, yhángmòq gi, zô myhit tô é mùk-yó mùk ngo long mâ é ajàp azo pé lé châng gùq tsîng le, raxe í mung byíng shoq wó gùq tsîng yu akô nghut ri.
14Haû shiwa byu pé gi, Yesuq kut é maúhpo alhô agàn lé myàng kô é hkûn, “Shí yùq gi, mingkan htoq má jé lé lô râ gâ é, Myìqhtoi yhang nghut rî-nhung!” ga taî bum akô. 15Yesuq gi, yhángmòq lé mù, Yhang lé hkóhkâm zìk kut nhâng kôrâ haq htung é hkyô lé, sê é yánmai, Yhang baú tsik za bùm shut dum haq dòq ló bê nghut ri.
Yesuq, Wuì Htoq Má Sô É Hkyô
Mht 14:22-27; Mrk 6:45-52
16Buì gyum htâng, Yhâng é chángzô pé gi, haû nhông shut gyó ló mù, 17lhaî má wang ji luî, nhông hé hpoq mâ é Kaperina‑um wà shut gû e ló akô; haú hkûn, mauchut bê nghut kôlhang, Yesuq gi, yhángmòq chyáng a jé gyó lô shi nghut ri. 18Haú u lé, laìdun htan lo é yánmai, wuìlhêng toq lô bê nghut ri. 19Yhángmòq gi, sum myi déng kô lhaî kôn e ló kô é hkûn, Yesuq gi, nhông htoq má so luî, haû lhaî shut chyâng lé lo nyi é lé myàng kômù, gyùq dan bùm bekô nghut ri. 20Nghut kôlhang, Yesuq gi, “Hkâgyùq kó, Ngò ru nghut lhê.” ga yhángmòq lé taî ri. 21Haû mù, yhángmòq gi, Yesuq lé gabú myìt èq lhaî hkaû má shuî hâng yù nau akô. Haú hkûn, lhaî haû gi, radá dâm yhángmòq jé nau é jang wuì yàm má jé bê nghut ri.
22Nhông hé hpoq má nyi tô é byù mòqmó gi, haú má lhaî racham za jòq laî lo é hkyô eq, lhaî haú má Yesuq a bo dòq jî é za, chángzô pé baú jî htoq ló kô é hkyô lé, hau htang nyí, bûn sê kat akô nghut ri. 23Haú hkûn, haû Yhûmsîng, jeju hkya-ôn é htâng, byu pé mùk zô é jowò nàm má, Tiberi wà mó mâ é lhaî pé jé lé bum ri. 24Haû byù mòqmó gi, Yesuq eq Yhâng é chángzô pé, haú má a nyì lo kô é hkyô lé sé kô é yánmai, Yesuq lé châng hô râ matú lhaî haú pé má wang ji mù, Kaperina‑um wà shut e ló akô nghut ri.
Yesuq, Chyungxe Mùk Nghut É Hkyô
25Yhángmòq gi, nhông hé hpoq má Yesuq lé myàng kôjáng, “Rabai ê, Nàng gi, shî má hkâ-nhám jé lé é lhú?” ga, Yhang lé myî akô.
26Haú hkûn, Yesuq gi, “Ngò, núngmòq lé teng za taí kôlé, núngmòq gi, maúhpo alhô agàn pé lé myàng kô é yánmai, Ngo lé hô kô é a nghut, mùk gyi shoq myàng zo kô é yánmai shèq, hô kô é ru nghut lhê. 27Htên byùq sê é zoshuq é matú, hkâ shi-kùt kó; haû Byu Yhangzo byi râ nghut é ahtum abyùq é chyungxê é matú, ru gîng nyi é zoshuq wó yû râ lé shèq shi-kùt nyì keq. Yhâng chyáng gi, haû Îwa Garai Gasang mai Yhâng é sàksé dizìk tap to bê nghut lhê.” ga tû taî ri.
28Haû mù, yhángmòq gi, “Garai Gasang ô nau é múzó pé zui saí râ matú, ngá-mòq haî kut ra râ lhú?” ga Yhang lé myî akô.
29Haú hkûn, Yesuq gi, “Garai Gasang nhang kat é Sû lé, lùmjíng é gi, Garai Gasang ô nau é múzó nghut bê.” ga tû taî ri.
30Haû mù luî, yhángmòq gi, Yhang lé, “Ngá-mòq myòq èq wó myâng luî, Nang lé lùmjíng râ matú, Nàng, haí jung maúhpo alhô agàn kut shit râ lhú? Nàng, haí jung kut shit râ lhú? 31Haû Chyúmdang má, ‘Yhang gi, yhángmòq zo râ matú, mauhkûng mai mùk byî ri.’#Htoq Ló 16:4 ga kâ tô é eq rajung za, ngá-mòq é îchyí îwâ pé gi, haû yòso hkaû má mannaq mùk zo bekô nghut lhê.” ga taî akô.
32Haú hkûn, Yesuq gi, yhángmòq lé, “Ngò, núngmòq lé teng za taí kôlé, núngmòq lé mauhkûng mai mùk byî é Sû gi, Mosheq a nghut, haû Ngá wa shèq, núngmòq lé mauhkûng mai tengmán é mùk byî é Sû ru nghut lhê. 33Hkâsu mù gâ le, Garai Gasang byî é mùk gi, mauhkûng mai gyó lé luî, haû mingkan lé chyungxe byî é Sû nghut lhê.” ga taî ri.
34Yhángmòq gi, “Yhûmsîng ê, ahkuî mai, ngá-mòq lé mùk haû hkâ-nhám le byî nyì làq.” ga chôm taî bum akô.
35Haû mù, Yesuq taî kyô é gi, “Ngò gi, chyungxe mùk nghut lhê. Ngá chyáng lé é sû gi, hkâ-nhám le zò-mut é hui râ a nghut; Ngo lé lùmjíng é sû le, hkâ-nhám le wuìshit é hui râ a nghut. 36Nghut kôlhang, Ngò, núngmòq lé taî wú bê eq rajung za, núngmòq gi, Ngo lé myang wú é nghut kôlhang, a lùmjíng shi kó nghut ri. 37Haû Îwa mai Ngo lé àp byî tô é byù lhúnglhâng bang gi, Ngá chyáng lé kôrâ nghut luî, Ngá chyáng lé é sû ó yùq lé le, Ngò gi, hkâ-nhám le hkat htoq pyám râ a nghut. 38Hkâsu mù gâ le, Ngò, mauhkûng mai gyó lé é gi, Ngò ô nau é hkyô lé kut râ matú a nghut é za, Ngo lé nhang kat Sû ô nau é hkyô lé kut râ matú ru nghut lhê. 39Haû Ngo lé nhang kat Sû ô nau é hkyô gi, Yhang mai Ngo lé àp byî tô é bang mâ é rayùq lé lháng, Ngò, a lhoqhpyuq pyâm é za, jihtûm buìnyì má yhángmòq lé dum lhoqdui toq yû râ matú ru nghut lhê. 40Hkâsu mù gâ le, Ngá wa ô nau é hkyô gi, haû Zo lé wú mù, Yhang lé lùmjíng é sû yùq hkangmó, ahtum abyùq é chyungxe lé wó yû râ matú nghut lhê; Ngò le, jihtûm buìnyì má haú bang lé lhoqdui toq râ nghut lhê.” gâ ri.
41Haû mù, “Ngò gi, mauhkûng mai gyó lé é mùk nghut lhê.” ga, Yesuq taî é yánmai, Yhang eq séng luî, Yudaq byu pé taî pùt kô é gi, 42“Shí yùq gi, Yosep é yhang zo Yesuq a nghut lhí? Yhâng nu Yhâng wa lé, ngá-nhúng sê lhê a nghut kó lhú? Haû sû é nhîng, ahkuî, ‘Ngò gi, mauhkûng mai gyó lé é nghut lhê.’ ga, Yhang hkâsu kut wó taî lhê lhú?” gâ bum akô.
43Haú hkûn, Yesuq gi, “Núngmòq ahkaû má hkâtaî pùt nyì kó. 44Haû Ngo lé nhang kat é sû Îwa mai shuî jé é sû za a nghut jáng, ó yùq le Ngá chyáng wó jé lé râ a nghut; jé lé é sû lé gi, jihtûm buìnyì má, Ngò lhoqdui toq râ nghut lhê. 45Myìqhtoi laiká pé má, ‘Yhángmòq lhúnglhâng bang gi, Garai Gasâng èq mhoq byî é hui kôrâ nghut lhê.’#Esai 54:13 ga kâ tô é eq rajung za, haû Îwâ chyáng mai gyô yù, mhoq yu é bang yùq hkangmó gi, Ngá chyáng lé kôrâ nghut lhê. 46Haû gi, rayùq yùq mai, haû Îwa lé myang wú bê nghû nau é a nghut; Garai Gasâng chyáng mâ é Sû za shèq, haû Îwa lé myang wú é Sû nghut lhê. 47Ngò, núngmòq lé teng za taí kôlé, lùmjíng é sû gi, ahtum abyùq é chyungxe wó lhê. 48Ngò gi, chyungxe mùk nghut lhê. 49Núngmòq é îchyí îwâ pé gi, haû yòso hkaû má mannaq mùk zo bekô nghut lhê; nghut kôle, shi byùq bekô nghut ri. 50Nghut kôlhang, shî gi, mauhkûng mai gyó lé lo é mùk nghut lhê; haû lé zô é sû gi, a shî lo râ nghut lhê. 51Ngò gi, mauhkûng mai gyó lé lo é, haû chyungxe dui é mùk nghut lhê; rayùq yùq, mùk shî lé zô é nghut le gi, ahtum abyùq dui nyì râ nghut lhê; mùk shî gi, mingkan zô wui é chyungxê é matú, Ngò byi râ nghut é Ngá gùngsho nghut lhê.” ga tû taî ri.
52Haû mù, haû Yudaq byu pé gi, “Byù shí yùq gi, ngá-nhúng lé, Yhâng é gùngsho hkâsu kut wó byi tso râ lhú?” ga, yhángmòq yhangchang dang htíng htîng lhûm bum akô.
53Haú hkûn, Yesuq gi, yhángmòq lé, “Ngò, núngmòq lé teng za taí kôlé, haû Byu Yhangzô é gùngsho lé zô é eq Yhâng é sui lé shuq é za a nghut le gi, núngmòq chyungxe wó kôrâ a nghut. 54Ngá é gùngsho lé zô é eq Ngá é sui lé shuq é sû, ó yùq nghut kôle, ahtum abyùq é chyungxe wó é nghut lhê; Ngò gi, jihtûm buìnyì má, haú yùq lé lhoqdui toq yû râ nghut lhê. 55Hkâsu mù gâ le, Ngá é gùngsho gi, zôjung yhang nghut lhê; Ngá é sui gi, shuq jung yhang nghut lhê. 56Ngá é gùngsho lé zô é eq Ngá é sui shuq é sû, ó yùq nghut kôle, Ngò má nghut nyî luî, Ngò le haú yùq má nghut nyî bê nghut lhê. 57Haû rû dui nyi é Îwa gi, Ngo lé nhang kat luî, Ngò gi, haû Îwâ é yánmai, dui nyi é eq rajung za, Ngá é gùngsho lé zô é sû gi, Ngá é yánmai, dui nyì râ nghut lhê. 58Shî gi, mauhkûng mai gyó lé lo é mùk nghut lhê. Núngmòq é îchyí îwâ pé gi, mannaq mùk zo kôle, shi byùq bekô nghut ri; nghut kôlhang, mùk shî lé zô é sû gi, ahtum abyùq dui nyì râ nghut lhê.” ga taî ri. 59Dang haú pé gi, Yesuq, Kaperina‑um wà mâ é târâjong má mhoqshit nyi é u lé, taî é dang nghut ri.
Chángzô Pé Myo Myo, Yesuq Lé Kâng Pyâm To Kô É Hkyô
60Yhâng é chángzô pé myo myo gi, haû lé wó gyo kôjáng, “Dang shî gi, gyai wuî ri. Ó yùq wá wó cháng râ lhú?” ga taî bum akô.
61Yesuq gi, haû eq séng luî, Yhâng é chángzô pé taî pùt nyi bùm kô é lé Yhâng é myìt má sé luî, yhángmòq lé, “Dang shi é yánmai, núngmòq myìt htên bum akô lhú? 62Haû Byu Yhangzo gi, Yhang nyi laî lò bê jowò shut taû dòq ló é lé, núngmòq myàng kô é nghut le gi, hkâsu nghû kôrâ lhú? 63Haû Sô gi, chyungxe byî lhê; gùngsho kúm gi, haî le a wó dùt nghut ri. Núngmòq lé, Ngò taî é dang pé gi, Sô le nghut lhê, chyungxe le nghut lhê. 64Nghut kôle, núngmòq chyáng mâ é ra-am gi, a lùmjíng kó nghut ri.” ga taî ri. Hkâsu mù gâ le, ô pé gi, a lùmjíng kôrâ eq, ó yùq gi, Yhang lé àp pyám râ nghut é hkyô lé, Yesuq gi, sânghi mai sê to gù bê nghut ri. 65Yhang xoq taî é gi, “Haû su mù, haû Îwâ èq ahkáng byî é sû za a nghut le gi, ó yùq le Ngá chyáng wó lé râ a nghut nghû, Ngò, núngmòq lé taî kyô wú bê nghut lhê.” gâ ri.
66Haú dâm mai, Yhâng é chángzô pé myo myo gi, Yhâng htâng a cháng lo kô é za, taû ló byùq bùm bekô nghut ri.
67Haû su mù, Yesuq gi, haû chángzo raxe í yùq lé, “Núngmòq le, ló byùq nau akô, a nghut lhú?” ga myî ri.
68Haú hkûn, Simun Petiruq gi, “Yhûmsîng ê, Nàng gi, ahtum abyùq é chyungxe mungdang wó Sû nghut to bê lé nhîng, ngá-mòq gi, ó yùq chyáng ê shirâ lhú? 69Nàng gi, Garai Gasâng é Chyoiyúng Sû nghut é lé, ngá-mòq, lùmjíng lhê, sê nyi lhê.” ga, Yhang lé tû taî ri.
70Haú hkûn, Yesuq gi, “Núngmòq raxe í yùq lé, Ngò hkyin yù bê a nghut kó lhú? Nghut kôle, núngmòq mâ é rayùq gi, nàt nghut ri.” ga tû taî ri. 71(Yhang gi, haû Simun Isikarut é yhang zo, Yudaq lé taí nau é nghut ri; haú yùq gi, chángzo raxe í yùq má bò sû nghut kôle, htâng má, Yhang lé àp pyám râ sû nghut ri.)
S'ha seleccionat:
Yohan 6: znot
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025, Wycliffe Bible Translators, Inc.
Yohan 6
6
Byù Ngo Hkyîng Lé Zoshuq Byi Tsô É Hkyô
Mht 14:13-21; Mrk 6:30-44; Luk 9:10-17
1Hau htâng a myáng má, Yesuq gi, Tiberi nhông le gâ é, Galile nhông he hpoq shut gû dàp ló bê nghut ri. 2Haú hkûn, byù ajùm ayò gi, haû nò bâng htoq má, Yhang kut shit é maúhpo alhô agàn pé lé myàng kô é yánmai, Yhâng htâng châng e ló bum akô nghut ri. 3Yesuq gi, bùm shut dòq ló mù, Yhâng é chángzô pé eq rahá zung tô ri. 4Yudaq byu pê é Lhoqlhai Poî gi, chyâng lo nyì bê nghut ri.
5Yesuq gi, tu wú kat le, byù ajùm ayò Yhâng shut lé lo bùm kô é lé byu-myang kat luî, Hpilip lé, “Shí bang zo râ mùk, ngá-nhúng, hká má ê wó wuî râ lhú?” ga taî ri. 6Yesuq, haû su ga taî é gi, yhang lé chyam wú râ matú za nghut ri; hkâsu mù gâ le, hkâsu kut râ hkyô gi, Yhâng é myìt má bo to gù bê nghut ri.
7Hpilip gi, Yhang lé, “Denari#6:7 Denari rachap gi, byù rayùq é ra-nyí é zuihpau eq wuí é nghut lhê. í sho èq mùk wui le lháng, rayùq ra-tsuí tsuí ngàp râ a nghut.” ga tû taî ri.
8Haú hkûn, Yhâng é chángzo nghut é, Simun Petiruq é yhang gu Andire gi, Yhang lé, 9“Mùk-yó mùk ngo long eq ngozo í du wó é yùqgè zo rayùq, shî má nyi ri; nghut kôlhang, byù shî myhô bang lé lùq shoq, hkâsu kut wó gâm byi râ lhú?” ga taî htoq kat ri.
10Yesuq gi, “Haû shiwa byu pé lé, zùng nhâng keq.” ga taî ri. Jowò haû gi, mhán htu é jang nghut mù, yùqgè wuì baú lháng, ngo hkyîng kô zung tô bùm bekô nghut ri; 11hau htâng, Yesuq gi, mùk long pé lé yù mù, jeju hkya-on luî, zung tô é bang lé, yhángmòq o é myhó tsing gàm byî ri. Haû eq rajung za, ngozo lé le haû su kut ri.
12Yhángmòq bànshoq bang zô gyî bùm kô é htâng má Yhang gi, Yhâng é chángzô pé lé, “Myìt gyó tô é ajàp azo pé lé châng gùq tsîng yù keq. Haî le a langsâ pyám sháng gàq.” ga taî ri. 13Haû mù, yhángmòq gi, zô myhit tô é mùk-yó mùk ngo long mâ é ajàp azo pé lé châng gùq tsîng le, raxe í mung byíng shoq wó gùq tsîng yu akô nghut ri.
14Haû shiwa byu pé gi, Yesuq kut é maúhpo alhô agàn lé myàng kô é hkûn, “Shí yùq gi, mingkan htoq má jé lé lô râ gâ é, Myìqhtoi yhang nghut rî-nhung!” ga taî bum akô. 15Yesuq gi, yhángmòq lé mù, Yhang lé hkóhkâm zìk kut nhâng kôrâ haq htung é hkyô lé, sê é yánmai, Yhang baú tsik za bùm shut dum haq dòq ló bê nghut ri.
Yesuq, Wuì Htoq Má Sô É Hkyô
Mht 14:22-27; Mrk 6:45-52
16Buì gyum htâng, Yhâng é chángzô pé gi, haû nhông shut gyó ló mù, 17lhaî má wang ji luî, nhông hé hpoq mâ é Kaperina‑um wà shut gû e ló akô; haú hkûn, mauchut bê nghut kôlhang, Yesuq gi, yhángmòq chyáng a jé gyó lô shi nghut ri. 18Haú u lé, laìdun htan lo é yánmai, wuìlhêng toq lô bê nghut ri. 19Yhángmòq gi, sum myi déng kô lhaî kôn e ló kô é hkûn, Yesuq gi, nhông htoq má so luî, haû lhaî shut chyâng lé lo nyi é lé myàng kômù, gyùq dan bùm bekô nghut ri. 20Nghut kôlhang, Yesuq gi, “Hkâgyùq kó, Ngò ru nghut lhê.” ga yhángmòq lé taî ri. 21Haû mù, yhángmòq gi, Yesuq lé gabú myìt èq lhaî hkaû má shuî hâng yù nau akô. Haú hkûn, lhaî haû gi, radá dâm yhángmòq jé nau é jang wuì yàm má jé bê nghut ri.
22Nhông hé hpoq má nyi tô é byù mòqmó gi, haú má lhaî racham za jòq laî lo é hkyô eq, lhaî haú má Yesuq a bo dòq jî é za, chángzô pé baú jî htoq ló kô é hkyô lé, hau htang nyí, bûn sê kat akô nghut ri. 23Haú hkûn, haû Yhûmsîng, jeju hkya-ôn é htâng, byu pé mùk zô é jowò nàm má, Tiberi wà mó mâ é lhaî pé jé lé bum ri. 24Haû byù mòqmó gi, Yesuq eq Yhâng é chángzô pé, haú má a nyì lo kô é hkyô lé sé kô é yánmai, Yesuq lé châng hô râ matú lhaî haú pé má wang ji mù, Kaperina‑um wà shut e ló akô nghut ri.
Yesuq, Chyungxe Mùk Nghut É Hkyô
25Yhángmòq gi, nhông hé hpoq má Yesuq lé myàng kôjáng, “Rabai ê, Nàng gi, shî má hkâ-nhám jé lé é lhú?” ga, Yhang lé myî akô.
26Haú hkûn, Yesuq gi, “Ngò, núngmòq lé teng za taí kôlé, núngmòq gi, maúhpo alhô agàn pé lé myàng kô é yánmai, Ngo lé hô kô é a nghut, mùk gyi shoq myàng zo kô é yánmai shèq, hô kô é ru nghut lhê. 27Htên byùq sê é zoshuq é matú, hkâ shi-kùt kó; haû Byu Yhangzo byi râ nghut é ahtum abyùq é chyungxê é matú, ru gîng nyi é zoshuq wó yû râ lé shèq shi-kùt nyì keq. Yhâng chyáng gi, haû Îwa Garai Gasang mai Yhâng é sàksé dizìk tap to bê nghut lhê.” ga tû taî ri.
28Haû mù, yhángmòq gi, “Garai Gasang ô nau é múzó pé zui saí râ matú, ngá-mòq haî kut ra râ lhú?” ga Yhang lé myî akô.
29Haú hkûn, Yesuq gi, “Garai Gasang nhang kat é Sû lé, lùmjíng é gi, Garai Gasang ô nau é múzó nghut bê.” ga tû taî ri.
30Haû mù luî, yhángmòq gi, Yhang lé, “Ngá-mòq myòq èq wó myâng luî, Nang lé lùmjíng râ matú, Nàng, haí jung maúhpo alhô agàn kut shit râ lhú? Nàng, haí jung kut shit râ lhú? 31Haû Chyúmdang má, ‘Yhang gi, yhángmòq zo râ matú, mauhkûng mai mùk byî ri.’#Htoq Ló 16:4 ga kâ tô é eq rajung za, ngá-mòq é îchyí îwâ pé gi, haû yòso hkaû má mannaq mùk zo bekô nghut lhê.” ga taî akô.
32Haú hkûn, Yesuq gi, yhángmòq lé, “Ngò, núngmòq lé teng za taí kôlé, núngmòq lé mauhkûng mai mùk byî é Sû gi, Mosheq a nghut, haû Ngá wa shèq, núngmòq lé mauhkûng mai tengmán é mùk byî é Sû ru nghut lhê. 33Hkâsu mù gâ le, Garai Gasang byî é mùk gi, mauhkûng mai gyó lé luî, haû mingkan lé chyungxe byî é Sû nghut lhê.” ga taî ri.
34Yhángmòq gi, “Yhûmsîng ê, ahkuî mai, ngá-mòq lé mùk haû hkâ-nhám le byî nyì làq.” ga chôm taî bum akô.
35Haû mù, Yesuq taî kyô é gi, “Ngò gi, chyungxe mùk nghut lhê. Ngá chyáng lé é sû gi, hkâ-nhám le zò-mut é hui râ a nghut; Ngo lé lùmjíng é sû le, hkâ-nhám le wuìshit é hui râ a nghut. 36Nghut kôlhang, Ngò, núngmòq lé taî wú bê eq rajung za, núngmòq gi, Ngo lé myang wú é nghut kôlhang, a lùmjíng shi kó nghut ri. 37Haû Îwa mai Ngo lé àp byî tô é byù lhúnglhâng bang gi, Ngá chyáng lé kôrâ nghut luî, Ngá chyáng lé é sû ó yùq lé le, Ngò gi, hkâ-nhám le hkat htoq pyám râ a nghut. 38Hkâsu mù gâ le, Ngò, mauhkûng mai gyó lé é gi, Ngò ô nau é hkyô lé kut râ matú a nghut é za, Ngo lé nhang kat Sû ô nau é hkyô lé kut râ matú ru nghut lhê. 39Haû Ngo lé nhang kat Sû ô nau é hkyô gi, Yhang mai Ngo lé àp byî tô é bang mâ é rayùq lé lháng, Ngò, a lhoqhpyuq pyâm é za, jihtûm buìnyì má yhángmòq lé dum lhoqdui toq yû râ matú ru nghut lhê. 40Hkâsu mù gâ le, Ngá wa ô nau é hkyô gi, haû Zo lé wú mù, Yhang lé lùmjíng é sû yùq hkangmó, ahtum abyùq é chyungxe lé wó yû râ matú nghut lhê; Ngò le, jihtûm buìnyì má haú bang lé lhoqdui toq râ nghut lhê.” gâ ri.
41Haû mù, “Ngò gi, mauhkûng mai gyó lé é mùk nghut lhê.” ga, Yesuq taî é yánmai, Yhang eq séng luî, Yudaq byu pé taî pùt kô é gi, 42“Shí yùq gi, Yosep é yhang zo Yesuq a nghut lhí? Yhâng nu Yhâng wa lé, ngá-nhúng sê lhê a nghut kó lhú? Haû sû é nhîng, ahkuî, ‘Ngò gi, mauhkûng mai gyó lé é nghut lhê.’ ga, Yhang hkâsu kut wó taî lhê lhú?” gâ bum akô.
43Haú hkûn, Yesuq gi, “Núngmòq ahkaû má hkâtaî pùt nyì kó. 44Haû Ngo lé nhang kat é sû Îwa mai shuî jé é sû za a nghut jáng, ó yùq le Ngá chyáng wó jé lé râ a nghut; jé lé é sû lé gi, jihtûm buìnyì má, Ngò lhoqdui toq râ nghut lhê. 45Myìqhtoi laiká pé má, ‘Yhángmòq lhúnglhâng bang gi, Garai Gasâng èq mhoq byî é hui kôrâ nghut lhê.’#Esai 54:13 ga kâ tô é eq rajung za, haû Îwâ chyáng mai gyô yù, mhoq yu é bang yùq hkangmó gi, Ngá chyáng lé kôrâ nghut lhê. 46Haû gi, rayùq yùq mai, haû Îwa lé myang wú bê nghû nau é a nghut; Garai Gasâng chyáng mâ é Sû za shèq, haû Îwa lé myang wú é Sû nghut lhê. 47Ngò, núngmòq lé teng za taí kôlé, lùmjíng é sû gi, ahtum abyùq é chyungxe wó lhê. 48Ngò gi, chyungxe mùk nghut lhê. 49Núngmòq é îchyí îwâ pé gi, haû yòso hkaû má mannaq mùk zo bekô nghut lhê; nghut kôle, shi byùq bekô nghut ri. 50Nghut kôlhang, shî gi, mauhkûng mai gyó lé lo é mùk nghut lhê; haû lé zô é sû gi, a shî lo râ nghut lhê. 51Ngò gi, mauhkûng mai gyó lé lo é, haû chyungxe dui é mùk nghut lhê; rayùq yùq, mùk shî lé zô é nghut le gi, ahtum abyùq dui nyì râ nghut lhê; mùk shî gi, mingkan zô wui é chyungxê é matú, Ngò byi râ nghut é Ngá gùngsho nghut lhê.” ga tû taî ri.
52Haû mù, haû Yudaq byu pé gi, “Byù shí yùq gi, ngá-nhúng lé, Yhâng é gùngsho hkâsu kut wó byi tso râ lhú?” ga, yhángmòq yhangchang dang htíng htîng lhûm bum akô.
53Haú hkûn, Yesuq gi, yhángmòq lé, “Ngò, núngmòq lé teng za taí kôlé, haû Byu Yhangzô é gùngsho lé zô é eq Yhâng é sui lé shuq é za a nghut le gi, núngmòq chyungxe wó kôrâ a nghut. 54Ngá é gùngsho lé zô é eq Ngá é sui lé shuq é sû, ó yùq nghut kôle, ahtum abyùq é chyungxe wó é nghut lhê; Ngò gi, jihtûm buìnyì má, haú yùq lé lhoqdui toq yû râ nghut lhê. 55Hkâsu mù gâ le, Ngá é gùngsho gi, zôjung yhang nghut lhê; Ngá é sui gi, shuq jung yhang nghut lhê. 56Ngá é gùngsho lé zô é eq Ngá é sui shuq é sû, ó yùq nghut kôle, Ngò má nghut nyî luî, Ngò le haú yùq má nghut nyî bê nghut lhê. 57Haû rû dui nyi é Îwa gi, Ngo lé nhang kat luî, Ngò gi, haû Îwâ é yánmai, dui nyi é eq rajung za, Ngá é gùngsho lé zô é sû gi, Ngá é yánmai, dui nyì râ nghut lhê. 58Shî gi, mauhkûng mai gyó lé lo é mùk nghut lhê. Núngmòq é îchyí îwâ pé gi, mannaq mùk zo kôle, shi byùq bekô nghut ri; nghut kôlhang, mùk shî lé zô é sû gi, ahtum abyùq dui nyì râ nghut lhê.” ga taî ri. 59Dang haú pé gi, Yesuq, Kaperina‑um wà mâ é târâjong má mhoqshit nyi é u lé, taî é dang nghut ri.
Chángzô Pé Myo Myo, Yesuq Lé Kâng Pyâm To Kô É Hkyô
60Yhâng é chángzô pé myo myo gi, haû lé wó gyo kôjáng, “Dang shî gi, gyai wuî ri. Ó yùq wá wó cháng râ lhú?” ga taî bum akô.
61Yesuq gi, haû eq séng luî, Yhâng é chángzô pé taî pùt nyi bùm kô é lé Yhâng é myìt má sé luî, yhángmòq lé, “Dang shi é yánmai, núngmòq myìt htên bum akô lhú? 62Haû Byu Yhangzo gi, Yhang nyi laî lò bê jowò shut taû dòq ló é lé, núngmòq myàng kô é nghut le gi, hkâsu nghû kôrâ lhú? 63Haû Sô gi, chyungxe byî lhê; gùngsho kúm gi, haî le a wó dùt nghut ri. Núngmòq lé, Ngò taî é dang pé gi, Sô le nghut lhê, chyungxe le nghut lhê. 64Nghut kôle, núngmòq chyáng mâ é ra-am gi, a lùmjíng kó nghut ri.” ga taî ri. Hkâsu mù gâ le, ô pé gi, a lùmjíng kôrâ eq, ó yùq gi, Yhang lé àp pyám râ nghut é hkyô lé, Yesuq gi, sânghi mai sê to gù bê nghut ri. 65Yhang xoq taî é gi, “Haû su mù, haû Îwâ èq ahkáng byî é sû za a nghut le gi, ó yùq le Ngá chyáng wó lé râ a nghut nghû, Ngò, núngmòq lé taî kyô wú bê nghut lhê.” gâ ri.
66Haú dâm mai, Yhâng é chángzô pé myo myo gi, Yhâng htâng a cháng lo kô é za, taû ló byùq bùm bekô nghut ri.
67Haû su mù, Yesuq gi, haû chángzo raxe í yùq lé, “Núngmòq le, ló byùq nau akô, a nghut lhú?” ga myî ri.
68Haú hkûn, Simun Petiruq gi, “Yhûmsîng ê, Nàng gi, ahtum abyùq é chyungxe mungdang wó Sû nghut to bê lé nhîng, ngá-mòq gi, ó yùq chyáng ê shirâ lhú? 69Nàng gi, Garai Gasâng é Chyoiyúng Sû nghut é lé, ngá-mòq, lùmjíng lhê, sê nyi lhê.” ga, Yhang lé tû taî ri.
70Haú hkûn, Yesuq gi, “Núngmòq raxe í yùq lé, Ngò hkyin yù bê a nghut kó lhú? Nghut kôle, núngmòq mâ é rayùq gi, nàt nghut ri.” ga tû taî ri. 71(Yhang gi, haû Simun Isikarut é yhang zo, Yudaq lé taí nau é nghut ri; haú yùq gi, chángzo raxe í yùq má bò sû nghut kôle, htâng má, Yhang lé àp pyám râ sû nghut ri.)
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025, Wycliffe Bible Translators, Inc.