Yohan 4
4
Yesuq Eq Samariq Myhí Huî É Hkyô
1Yesuq gi, Yohan htoq má, chángzo je lhoqmyô é eq wuìmyhup hkám byî nyi ri gâ é hkyô lé, haû Hparishe pé wó gyô akô nghut ri. 2(Nghut kôlhang, gè gè ga jáng, Yesuq gi, Yhang wuìmyhup hkám byî é a nghut, Yhâng é chángzô pé shèq ru nghut akô.) 3Haú hkyô lé, Yesuq sé jáng, Yhang gi, Yuda mau mai htoq mù, Galile mau shut dum taû ló bê nghut ri.
4Ahkuî, Yesuq gi, Samariq mau mai sô laî ló râ dùt bê nghut ri. 5Haû mù, Yhang gi, Yakup mai yhang zo Yosep lé byî é maumyî rajàp eq chyâng lhûm é, Suhka ga myhîng é, Samariq mau mâ é wà mó ralhum má lo jé ri. 6Haú má, Yakup é wuìhtúng le jòq to luî, Yesuq gi, hkyô sô ngú é yánmai, wuìhtúng hau é nàm má zung gyó tô ri. Haú u gi, nyí-káng raxe í hkyíng#4:6 Nyí-káng raxe í hkyíng gi, Yudaq byu pê é hkyuq hkyíng nghut ri. nghut bê nghut ri.
7Haú hkûn, Samariq myiwe myhí rayùq wuì lé hkam ri; Yesuq gi, yhang lé, “Ngo lé wuì byi shuq làq.” ga taî ri. 8(Haú u gi, Yhâng é chángzô pé, zoshuq wuì râ matú wà hkaû shut e byùq kô é ahkyíng nghut ri.)
9Haû Samariq myiwe myhí gi, Yhang lé, “Nàng gi, Yudaq byù rayùq nghut to luî nhîng, ngò Samariq myiwe myhî chyáng, haî mù shuq wuî dûng lhê lhú?” ga taî ri. (Hkâsu mù gâ le, Yudaq byu pé gi, Samariq byu pé eq a zùm yàp kó nghut ri.)
10Haú hkûn, Yesuq gi, yhang lé, “Nàng gi, haû Garai Gasâng é chyûnghuq lé le, nang lé wuì dung sû ó yùq nghut é lé le, sê é nghut le gi, noq mai Yhang lé dûng tôngbán luî, Yhang gi, nang lé chyungxe wuì byi berâ nghut lhê.” ga tû taî ri.
11Myiwe myhí haû gi, “Yhûmsîng ê, Nàng gi, wuì hkâm râ zè haî le a wó, wuìhtúng le nìk ri; haû chyungxe wuì lé, Nàng hkâmâ é wó yû râ lhú? 12Ngá-mòq é îwa Yakup gi, ngá-mòq lé wuìhtúng shî byî to bê nghut lhê; yhang yhang le, yhang zô pé le, yhang rém é gaunyhaú pé le, wuìhtúng shî mâ é wuì shuq bekô nghut ri; Nàng gi, Yakup htoq je kô lhê lhú?” ga Yhang lé taî ri.
13Yesuq gi, “Wuì shî lé shuq é sû ó yùq le, wuìshit é dum hui râ nghut lhê. 14Nghut kôlhang, Ngò byî é wuì lé shuq é sû ó yùq nghut kôle, wuìshit é hkâ-nhám a hui lo râ nghut lhê. Ngò byî é wuì haû gi, haú yùq má, ahtum abyùq é chyungxê é matú wuìbúm dùt râ nghut lhê.” ga yhang lé tû taî ri.
15Myiwe myhí haû gi, Yhang lé, “Yhûmsîng ê, ngò gi, wuì le a shit lo, shî má wuì hkâm le a lé ra lo sháng gàq, wuì haû ngo lé byi laq.” ga taî ri.
16Haú hkûn, Yesuq gi, “Ló mù, nunglâng lé ló wùt lò àq.” ga, yhang lé taî ri.
17Yhang gi, “Ngò, làng a wó.” ga taí jáng, Yesuq gi, yhang lé, “Nàng, làng a wó gâ é gi, têng ri. 18Hkâsu mù gâ le, nàng gi, yùqgè ngo yuq wó wú bê sû nghut ri; nàng, ahkuî wó tô é yùqgè le nunglâng a nghut. Nàng gi, têng é dang taí bê nghut ri.” ga taî ri.
19Haú hkûn, myiwe myhí haû gi, “Yhûmsîng ê, Nàng gi, myìqhtoi rayùq nghut é hkyô lé, ngò wú sé bê. 20Ngá-mòq é îchyí îwâ pé gi, bùm shî má noqkuq kô é nghut lhê; nghut kôlhang, núngmòq Yudaq byu pé gi, Yerusalem wà mó má za noqkuq jowò nghut lhê ga taî akô nghut ri.” ga taî ri.
21Haú hkûn, Yesuq taî é gi, “Myiwe myhí ê, Ngo lé jíng aq; bùm shî má le a nghut, Yerusalem wà mó má le a nghut é za, haû Îwa lé noqkuq râ ahkyíng, jé lo nyì bê nghut ri. 22Núngmòq Samariq byu pé gi, yhûmsîng lháng a sê é lé, noqkuq akô; ngá-mòq kúm gi, ngá-mòq sê é lé noqkuq lhê; hkâsu mù gâ le, hkyi yù hkyô gi, Yudaq a-myû mai lo é nghut lhê.#4:22 Bun zo shî má, Yesuq taí nau é gi, hkyi yù hkyô lé, Garai Gasang gi, Yudaq byu pé dông danghtum htûm tô é nghut é lé taí nau é nghut ri. 23Nghut kôlhang, haû têng é dông noqkuq é bang gi, sô mai le, tengmán hkyô mai le, haû Îwa lé noqkuq râ ahkyíng gi, jé lo nyì bê nghut luî, ahkuî lháng jé to bê nghut ri; hkâsu mù gâ le, haû Îwa gi, haû su kut noqkuq é bang lé ô nau ri. 24Garai Gasang gi, sô nghut lhê; haû mù, Yhang lé noqkuq é bang gi, sô mai le, tengmán hkyô mai le, noqkuq ra râ nghut lhê.” ga taî ri.
25Myiwe myhí haû gi, “Hkrisidùq gâ é Mesai‑a jé lé râ nghut é lé gi, ngò sê lhê. Yhang jé lé jáng, ngá-nhúng lé bànshoq taî sân kyo râ nghut lhê.” ga taî ri.
26Hau htâng, Yesuq gi, “Nàng eq dáng nyo nyi é sû ngò gi, haú yùq nghut lhê.” ga taî ri.
Haû Chángzô Pé Dum Taû Jé Lo É Hkun Lhê Hkyô
27Haú u lé, Yhâng é chángzô pé gi, dum taû jé lo bum akô; yhángmòq gi, Yesuq, myiwe rayùq eq dáng nyo nyi é lé lo myàng luî, maú byùq bum akô. Nghut kôlhang, “Nàng, haî o ri lhú?” ga le, “Haî mù Yhang eq dáng nyo nyi lhê lhú?” ga le, Yhang lé ó yùq a myi kó nghut ri.
28Hau htâng, myiwe myhí haû gi, yhâng é wuì yambú lé tô pyâm to luî, wà shut taû wang ló mù, wà byù wuì lé ló taî kyô é gi, 29“Ngò kut laî lò bê hkyô pé lhúnglháng lé, taî kyô é byù rayùq lé, lé wú keq! Yhang gi, Hkrisidùq nghut lhê âbe?” gâ ri. 30Haû mù, yhángmòq gi, wà mai htoq lé luî, Yesuq chyáng lé lo bum akô nghut ri.
31Haú u lé, Yhâng é chángzô pé gi, Yhang lé, “Rabai ê, zoshuq zo aq.” ga chôm taî akô.
32Haú hkûn, Yhang gi, yhángmòq lé, “Núngmòq a sê é jung zoshuq zo râ Ngò wó lhê.” ga tû taî ri.
33Haû mù, Yhâng é chángzô pé gi, “Yhang lé, rayùq yùq èq zoshuq lé dé byî é âbe?” ga, rayùq eq rayùq taî lhûm bum akô.
34Haú hkûn, Yesuq taî é gi, “Ngo lé nhang kat Sû ô nau é hkyô lé kut râ eq Yhâng é múzó jizó lé lhoqpán râ hkyô gi, Ngá é zoshuq nghut bê. 35‘Kyô shu yòq jé râ gi, lha-mó myi hkyap râ ashî.’ ga, núngmòq lhaq taî lhê a nghut kó lhú? Ngò, núngmòq lé taí kôlé, núngmòq é myòq hpóng luî, haû yò pé má wú kat wú keq! Kyôshi gi, myhíng luî, kyô shu yòq gi, jé to bê nghut ri. 36Haû kyô hkyó sû eq kyô shu sû gi, rahá wó gabú kó sháng gàq ga, ahkuî lháng, haû kyô shu sû gi, yhâng é zuihpau lé myang yù luî, ahtum abyùq é chyungxê é matú, kyôshi shû tsîng to bê nghut ri. 37Haû su mù, ‘Rayùq gi, sân hkyó, góyùq gi, shû yù.’ gâ é sânghkyang gi, têng ri. 38Núngmòq a zui saî tô é jang mâ é shû yù râ matú, núngmòq lé Ngò nhang kat bê nghut lhê. Góbang gi, haú má wum kat zui saî to bê nghut mù, núngmòq gi, haú bang zui saî é a-kyû lé shû yù bekô nghut ri.” gâ ri.
Samariq Byù Myo Myo Lùmjíng Kô É Hkyô
39“Yhang gi, ngò kut laî lò bê hkyô lhúnglháng lé, taî kyô ri.” ga luî, myiwe myhí haû sàksé hkâm é yánmai, haú wâ mâ é Samariq byù myo myo gi, Yesuq lé lùmjíng bùm bekô nghut ri. 40Haû mù, Samariq byu pé gi, Yesuq chyáng lé jé kômù, yhángmòq eq nyì râ matú, Yhang lé lùng kô é yánmai, Yhang gi, í nyí bo nyì bê nghut ri. 41Yhâng é dang pê é yánmai, byù myo myo gi, lùmjíng bang dùt jàt lò bekô nghut ri.
42Yhángmòq gi, myiwe myhí haû lé, “Ahkuî, ngá-mòq lùmjíng é gi, nàng taî é dang yánmai za a nghut lo; ngá-mòq yhang wó gyo bê nghut é htoq agó, shí yùq gi, gè gè yhang, mingkan é hkyi yù Sû nghut é lé, ngá-mòq sé bê nghut é yánmai nghut lhê.” ga chôm taî akô nghut ri.
Ming Sûwún Hpô É Yhang Zo Lé Lhoqgê Byî É Hkyô
Mht 8:5-13; Luk 7:1-10
43Í nyí lai jáng, Yesuq gi, haû mai Galile mau shut htoq e ló bê nghut ri. 44“Myìqhtoi gi, yhûmsing é mau má myòqdong a wó wú é nghut lhê.” ga, Yesuq yhang sàksé hkâm é nghut lhê. 45Yesuq gi, Galile mau má jé é hkûn, Galile byu pé gi, Yhang lé lhom hkûlum yu akô; yhángmòq gi, Yerusalem wà mó má, Lhoqlhai Poî ê lòm kô é nghut é yánmai, poî u lé, Yesuq kut é hkyô lhúnglháng lé, myàng kô é bang nghut ri.
46Yesuq gi, Yhang mai haû wuì lé tsibyiq wing dùt nhang é, Galile mau mâ é Hkanaq wà mó má, ê dum kûm ri. Haû ming sûwún rayùq é yhang zo yùqzo gi, Kaperina‑um wà má no nyi ri. 47Yesuq gi, Yuda mau mai Galile mau má jé lé bê gâ é hkyô lé, ming sûwún haû wó gyo jáng, yhang gi, Yesuq chyáng ê mù, shî‑nò no nyi é yhang zo lé, lé lhoqgê byi râ matú, Yhang lé dûng tôngbán ri.
48Haú hkûn, Yesuq gi, yhang lé, “Byù núngmòq gi, maúhpo alhô agàn pé eq maúhpo múzó pé lé za a myàng kô é nghut le gi, hkâ-nhám le lùmjíng kôrâ a nghut.” ga taî ri.
49Ming sûwún haû gi, “Yhûmsîng ê, ngá zo a shî shi-má gyó lé laq.” ga taî ri.
50Haú hkûn, Yesuq gi, “Nàng wó ló bê; nungzo byùn râ nghut lhê.” ga tû taî ri.
Sûwún haû gi, Yesuq taî é dang haû lé gyô jíng luî, taû ló bê nghut ri. 51Yhang gi, hkyô má ru nghut nyi ashî hkûn, yhâng é duìnhâng zoshâng wuì gi, yhang lé lé hui luî, zoshâng haû ge byùq é hkyô, lé taî kyô akô nghut ri. 52Yhang gi, yhang zo hkâ-nhám gè byùq é ahkyíng lé myî wú é hkûn, yhángmòq gi, “Anyí-nàp nyí hkyuí rahkyíng má, gùng nyé é châm ló byùq bê nghut ri.” ga taî kyô akô.
53Haú hkûn, ahkyíng haû gi, “Nungzo byùn râ nghut lhê.” ga, yhang lé, Yesuq taî é ahkyíng nghut é lé, haû yhâng wa bûn sé bê nghut ri. Haû mù, yhang eq yhâng yhûmbyù bànshoq bang gi, lùmjíng bekô nghut ri.
54Haû gi, Yesuq, Yuda mau mai Galile mau má lé jé é htâng, í dâm nghû râ dá kut shit é maúhpo alhô agàn nghut ri.
S'ha seleccionat:
Yohan 4: znot
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025, Wycliffe Bible Translators, Inc.
Yohan 4
4
Yesuq Eq Samariq Myhí Huî É Hkyô
1Yesuq gi, Yohan htoq má, chángzo je lhoqmyô é eq wuìmyhup hkám byî nyi ri gâ é hkyô lé, haû Hparishe pé wó gyô akô nghut ri. 2(Nghut kôlhang, gè gè ga jáng, Yesuq gi, Yhang wuìmyhup hkám byî é a nghut, Yhâng é chángzô pé shèq ru nghut akô.) 3Haú hkyô lé, Yesuq sé jáng, Yhang gi, Yuda mau mai htoq mù, Galile mau shut dum taû ló bê nghut ri.
4Ahkuî, Yesuq gi, Samariq mau mai sô laî ló râ dùt bê nghut ri. 5Haû mù, Yhang gi, Yakup mai yhang zo Yosep lé byî é maumyî rajàp eq chyâng lhûm é, Suhka ga myhîng é, Samariq mau mâ é wà mó ralhum má lo jé ri. 6Haú má, Yakup é wuìhtúng le jòq to luî, Yesuq gi, hkyô sô ngú é yánmai, wuìhtúng hau é nàm má zung gyó tô ri. Haú u gi, nyí-káng raxe í hkyíng#4:6 Nyí-káng raxe í hkyíng gi, Yudaq byu pê é hkyuq hkyíng nghut ri. nghut bê nghut ri.
7Haú hkûn, Samariq myiwe myhí rayùq wuì lé hkam ri; Yesuq gi, yhang lé, “Ngo lé wuì byi shuq làq.” ga taî ri. 8(Haú u gi, Yhâng é chángzô pé, zoshuq wuì râ matú wà hkaû shut e byùq kô é ahkyíng nghut ri.)
9Haû Samariq myiwe myhí gi, Yhang lé, “Nàng gi, Yudaq byù rayùq nghut to luî nhîng, ngò Samariq myiwe myhî chyáng, haî mù shuq wuî dûng lhê lhú?” ga taî ri. (Hkâsu mù gâ le, Yudaq byu pé gi, Samariq byu pé eq a zùm yàp kó nghut ri.)
10Haú hkûn, Yesuq gi, yhang lé, “Nàng gi, haû Garai Gasâng é chyûnghuq lé le, nang lé wuì dung sû ó yùq nghut é lé le, sê é nghut le gi, noq mai Yhang lé dûng tôngbán luî, Yhang gi, nang lé chyungxe wuì byi berâ nghut lhê.” ga tû taî ri.
11Myiwe myhí haû gi, “Yhûmsîng ê, Nàng gi, wuì hkâm râ zè haî le a wó, wuìhtúng le nìk ri; haû chyungxe wuì lé, Nàng hkâmâ é wó yû râ lhú? 12Ngá-mòq é îwa Yakup gi, ngá-mòq lé wuìhtúng shî byî to bê nghut lhê; yhang yhang le, yhang zô pé le, yhang rém é gaunyhaú pé le, wuìhtúng shî mâ é wuì shuq bekô nghut ri; Nàng gi, Yakup htoq je kô lhê lhú?” ga Yhang lé taî ri.
13Yesuq gi, “Wuì shî lé shuq é sû ó yùq le, wuìshit é dum hui râ nghut lhê. 14Nghut kôlhang, Ngò byî é wuì lé shuq é sû ó yùq nghut kôle, wuìshit é hkâ-nhám a hui lo râ nghut lhê. Ngò byî é wuì haû gi, haú yùq má, ahtum abyùq é chyungxê é matú wuìbúm dùt râ nghut lhê.” ga yhang lé tû taî ri.
15Myiwe myhí haû gi, Yhang lé, “Yhûmsîng ê, ngò gi, wuì le a shit lo, shî má wuì hkâm le a lé ra lo sháng gàq, wuì haû ngo lé byi laq.” ga taî ri.
16Haú hkûn, Yesuq gi, “Ló mù, nunglâng lé ló wùt lò àq.” ga, yhang lé taî ri.
17Yhang gi, “Ngò, làng a wó.” ga taí jáng, Yesuq gi, yhang lé, “Nàng, làng a wó gâ é gi, têng ri. 18Hkâsu mù gâ le, nàng gi, yùqgè ngo yuq wó wú bê sû nghut ri; nàng, ahkuî wó tô é yùqgè le nunglâng a nghut. Nàng gi, têng é dang taí bê nghut ri.” ga taî ri.
19Haú hkûn, myiwe myhí haû gi, “Yhûmsîng ê, Nàng gi, myìqhtoi rayùq nghut é hkyô lé, ngò wú sé bê. 20Ngá-mòq é îchyí îwâ pé gi, bùm shî má noqkuq kô é nghut lhê; nghut kôlhang, núngmòq Yudaq byu pé gi, Yerusalem wà mó má za noqkuq jowò nghut lhê ga taî akô nghut ri.” ga taî ri.
21Haú hkûn, Yesuq taî é gi, “Myiwe myhí ê, Ngo lé jíng aq; bùm shî má le a nghut, Yerusalem wà mó má le a nghut é za, haû Îwa lé noqkuq râ ahkyíng, jé lo nyì bê nghut ri. 22Núngmòq Samariq byu pé gi, yhûmsîng lháng a sê é lé, noqkuq akô; ngá-mòq kúm gi, ngá-mòq sê é lé noqkuq lhê; hkâsu mù gâ le, hkyi yù hkyô gi, Yudaq a-myû mai lo é nghut lhê.#4:22 Bun zo shî má, Yesuq taí nau é gi, hkyi yù hkyô lé, Garai Gasang gi, Yudaq byu pé dông danghtum htûm tô é nghut é lé taí nau é nghut ri. 23Nghut kôlhang, haû têng é dông noqkuq é bang gi, sô mai le, tengmán hkyô mai le, haû Îwa lé noqkuq râ ahkyíng gi, jé lo nyì bê nghut luî, ahkuî lháng jé to bê nghut ri; hkâsu mù gâ le, haû Îwa gi, haû su kut noqkuq é bang lé ô nau ri. 24Garai Gasang gi, sô nghut lhê; haû mù, Yhang lé noqkuq é bang gi, sô mai le, tengmán hkyô mai le, noqkuq ra râ nghut lhê.” ga taî ri.
25Myiwe myhí haû gi, “Hkrisidùq gâ é Mesai‑a jé lé râ nghut é lé gi, ngò sê lhê. Yhang jé lé jáng, ngá-nhúng lé bànshoq taî sân kyo râ nghut lhê.” ga taî ri.
26Hau htâng, Yesuq gi, “Nàng eq dáng nyo nyi é sû ngò gi, haú yùq nghut lhê.” ga taî ri.
Haû Chángzô Pé Dum Taû Jé Lo É Hkun Lhê Hkyô
27Haú u lé, Yhâng é chángzô pé gi, dum taû jé lo bum akô; yhángmòq gi, Yesuq, myiwe rayùq eq dáng nyo nyi é lé lo myàng luî, maú byùq bum akô. Nghut kôlhang, “Nàng, haî o ri lhú?” ga le, “Haî mù Yhang eq dáng nyo nyi lhê lhú?” ga le, Yhang lé ó yùq a myi kó nghut ri.
28Hau htâng, myiwe myhí haû gi, yhâng é wuì yambú lé tô pyâm to luî, wà shut taû wang ló mù, wà byù wuì lé ló taî kyô é gi, 29“Ngò kut laî lò bê hkyô pé lhúnglháng lé, taî kyô é byù rayùq lé, lé wú keq! Yhang gi, Hkrisidùq nghut lhê âbe?” gâ ri. 30Haû mù, yhángmòq gi, wà mai htoq lé luî, Yesuq chyáng lé lo bum akô nghut ri.
31Haú u lé, Yhâng é chángzô pé gi, Yhang lé, “Rabai ê, zoshuq zo aq.” ga chôm taî akô.
32Haú hkûn, Yhang gi, yhángmòq lé, “Núngmòq a sê é jung zoshuq zo râ Ngò wó lhê.” ga tû taî ri.
33Haû mù, Yhâng é chángzô pé gi, “Yhang lé, rayùq yùq èq zoshuq lé dé byî é âbe?” ga, rayùq eq rayùq taî lhûm bum akô.
34Haú hkûn, Yesuq taî é gi, “Ngo lé nhang kat Sû ô nau é hkyô lé kut râ eq Yhâng é múzó jizó lé lhoqpán râ hkyô gi, Ngá é zoshuq nghut bê. 35‘Kyô shu yòq jé râ gi, lha-mó myi hkyap râ ashî.’ ga, núngmòq lhaq taî lhê a nghut kó lhú? Ngò, núngmòq lé taí kôlé, núngmòq é myòq hpóng luî, haû yò pé má wú kat wú keq! Kyôshi gi, myhíng luî, kyô shu yòq gi, jé to bê nghut ri. 36Haû kyô hkyó sû eq kyô shu sû gi, rahá wó gabú kó sháng gàq ga, ahkuî lháng, haû kyô shu sû gi, yhâng é zuihpau lé myang yù luî, ahtum abyùq é chyungxê é matú, kyôshi shû tsîng to bê nghut ri. 37Haû su mù, ‘Rayùq gi, sân hkyó, góyùq gi, shû yù.’ gâ é sânghkyang gi, têng ri. 38Núngmòq a zui saî tô é jang mâ é shû yù râ matú, núngmòq lé Ngò nhang kat bê nghut lhê. Góbang gi, haú má wum kat zui saî to bê nghut mù, núngmòq gi, haú bang zui saî é a-kyû lé shû yù bekô nghut ri.” gâ ri.
Samariq Byù Myo Myo Lùmjíng Kô É Hkyô
39“Yhang gi, ngò kut laî lò bê hkyô lhúnglháng lé, taî kyô ri.” ga luî, myiwe myhí haû sàksé hkâm é yánmai, haú wâ mâ é Samariq byù myo myo gi, Yesuq lé lùmjíng bùm bekô nghut ri. 40Haû mù, Samariq byu pé gi, Yesuq chyáng lé jé kômù, yhángmòq eq nyì râ matú, Yhang lé lùng kô é yánmai, Yhang gi, í nyí bo nyì bê nghut ri. 41Yhâng é dang pê é yánmai, byù myo myo gi, lùmjíng bang dùt jàt lò bekô nghut ri.
42Yhángmòq gi, myiwe myhí haû lé, “Ahkuî, ngá-mòq lùmjíng é gi, nàng taî é dang yánmai za a nghut lo; ngá-mòq yhang wó gyo bê nghut é htoq agó, shí yùq gi, gè gè yhang, mingkan é hkyi yù Sû nghut é lé, ngá-mòq sé bê nghut é yánmai nghut lhê.” ga chôm taî akô nghut ri.
Ming Sûwún Hpô É Yhang Zo Lé Lhoqgê Byî É Hkyô
Mht 8:5-13; Luk 7:1-10
43Í nyí lai jáng, Yesuq gi, haû mai Galile mau shut htoq e ló bê nghut ri. 44“Myìqhtoi gi, yhûmsing é mau má myòqdong a wó wú é nghut lhê.” ga, Yesuq yhang sàksé hkâm é nghut lhê. 45Yesuq gi, Galile mau má jé é hkûn, Galile byu pé gi, Yhang lé lhom hkûlum yu akô; yhángmòq gi, Yerusalem wà mó má, Lhoqlhai Poî ê lòm kô é nghut é yánmai, poî u lé, Yesuq kut é hkyô lhúnglháng lé, myàng kô é bang nghut ri.
46Yesuq gi, Yhang mai haû wuì lé tsibyiq wing dùt nhang é, Galile mau mâ é Hkanaq wà mó má, ê dum kûm ri. Haû ming sûwún rayùq é yhang zo yùqzo gi, Kaperina‑um wà má no nyi ri. 47Yesuq gi, Yuda mau mai Galile mau má jé lé bê gâ é hkyô lé, ming sûwún haû wó gyo jáng, yhang gi, Yesuq chyáng ê mù, shî‑nò no nyi é yhang zo lé, lé lhoqgê byi râ matú, Yhang lé dûng tôngbán ri.
48Haú hkûn, Yesuq gi, yhang lé, “Byù núngmòq gi, maúhpo alhô agàn pé eq maúhpo múzó pé lé za a myàng kô é nghut le gi, hkâ-nhám le lùmjíng kôrâ a nghut.” ga taî ri.
49Ming sûwún haû gi, “Yhûmsîng ê, ngá zo a shî shi-má gyó lé laq.” ga taî ri.
50Haú hkûn, Yesuq gi, “Nàng wó ló bê; nungzo byùn râ nghut lhê.” ga tû taî ri.
Sûwún haû gi, Yesuq taî é dang haû lé gyô jíng luî, taû ló bê nghut ri. 51Yhang gi, hkyô má ru nghut nyi ashî hkûn, yhâng é duìnhâng zoshâng wuì gi, yhang lé lé hui luî, zoshâng haû ge byùq é hkyô, lé taî kyô akô nghut ri. 52Yhang gi, yhang zo hkâ-nhám gè byùq é ahkyíng lé myî wú é hkûn, yhángmòq gi, “Anyí-nàp nyí hkyuí rahkyíng má, gùng nyé é châm ló byùq bê nghut ri.” ga taî kyô akô.
53Haú hkûn, ahkyíng haû gi, “Nungzo byùn râ nghut lhê.” ga, yhang lé, Yesuq taî é ahkyíng nghut é lé, haû yhâng wa bûn sé bê nghut ri. Haû mù, yhang eq yhâng yhûmbyù bànshoq bang gi, lùmjíng bekô nghut ri.
54Haû gi, Yesuq, Yuda mau mai Galile mau má lé jé é htâng, í dâm nghû râ dá kut shit é maúhpo alhô agàn nghut ri.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2025, Wycliffe Bible Translators, Inc.